२ कोरिन्थी 8:16 - परमेश्‍वरए ताँ तमु क्युइर

¹⁶ परमेश्‍वरलाइ धन्‍यबाद तरिगे, तलेबिस्याँ खीजी तीतसलाइ क्‍हेमैं ल्होमिंबै सैं पिंइमुँ।

२ कोरिन्थी 8:16 ပူးပေါင်းရင်းမြစ်များ

२ कोरिन्थी 7:12

ङइ च प्ह्रिछ्या आछ्याँबै के लबै म्हिलाइ हौदिबर मत्‍त्रे आङिं, झाइले सैदिबै म्हिलाइ ल्होबरै या आङिं, परमेश्‍वरए उँइँर क्हेमैंइ ङिए फिर कति थेबै म्हाँया लइमुँ बिब क्हेमैंइ सेरिगे बिसि प्‍ह्रिब् ग।

२ कोरिन्थी 7:7

तीतस खसि मत्‍त्रे आङिं, क्‍हेमैंइ चलाइ भों पिंबै ताँ थेसि ङि झन् सैं तोंइ। क्‍हेमैं ङने त्‍होदा ङ्हाँइमुँ रो, ह्रोंसइ लबै आछ्याँबै केमैंइ लमा क्हेमैंइ पछुत लइमुँ रो, झाइले म्हिमैंइ ङए बारेर आछ्याँबै ताँ पोंमा क्‍हेमैंइ ङए ख लसि पोंम् रो बिबै ताँमैं थेसि ङ झन् बेल्‍ले सैं तोंइ।

२ कोरिन्थी 8:23

तीतस बिस्याँ ङए थु तसि ङने बालुन् क्हेमैंलाइ ल्होबै के लम्। चने बालु खबै अरू अलिमैं ख्रीष्‍टए मान तबै के लबर बिश्‍वासीमैंइ कुल्मिंब् ग।

२ कोरिन्थी 8:6

छतसि चु भेटि रेबै केर तीतसइ क्हेमैंलाइ ल्होरिगे धै क्हेमैंज्यै च छ्याँबै के पूरा लल् खाँरिगे बिसि ङइ चने यो छ्युँ लइमुँ। तलेबिस्याँ ओंसों ओंनोंन् तीतसइ छाबै के लसेन्मुँ।

फिलिप्पी 2:20

तिमोथीइ धोंले क्हेमैं छ्याँब तरिगे बिसि न्हुँ लबै म्‍हि चुर खाबै आरे।

कलस्सी 3:17

क्हेमैंइ तो ताँ पोंलेया, तो के ललेया, येशूउँइँलेन् परमेश्‍वर आबालाइ धन्यबाद पिंदै प्रभु येशूए मिंर लद्।

दर्शन 17:17

तलेबिस्याँ च म्रुँमैं च्‍युलाइ परमेश्‍वरजी छाबै के लबै सैं पिंइ: परमेश्‍वरजी बिबै ताँ ताँन् आतन् समा च खेदोइ ग्याल्स लरिगे बिसि चमैंइ ताँन् सैं घ्रिले खेंमैंए ग्याल्स लबै भों च खेदोलाइ पिंब्मुँ।