२ कोरिन्थी 8:12 - परमेश्‍वरए ताँ तमु क्युइर

¹² तलेबिस्याँ पिंबै सैं मुँस्याँ क्‍हेमैंइ पिंल् खाँब् दे पिंबै भेटि म्रोंसि परमेश्‍वर सैं तोंम्। आरेस्याँ म्हैसि पिंल् आत्हु।

२ कोरिन्थी 8:12 ပူးပေါင်းရင်းမြစ်များ

प्रस्थान 25:2

“चमैंइ ङए ल्हागिर भेटि पल् त्हुम् बिसि इस्राएलीमैंने बिद्, चमैं ताँनइ सैं तोंदै पिंबै भेटि क्हिइ ङए ल्हागिर किंन्।

प्रस्थान 35:24

चाँदि नेरो काँसाए भेटि पिंब्मैंइ याहवेहए मिंर पखइ। सेवार चैदिबै बबुल सिं मुँब्मैंइ चन् पखइ।

प्रस्थान 35:29

याहवेहजी मोशाने लबर ल्हैदिबै केमैंए ल्हागिर पिंदा ङ्हाँबै इस्राएलर्बै ताँन् मुँयुँमैं नेरो च्हमिरिमैंइ सैं तोंदै भेटि पखइ।

प्रस्थान 35:5

क्हेमैंइ याहवेहए मिंर भेटि पखो। भेटि पिंदा ङ्हाँब्मैंइ छाबै सैमैं पिंरिगे: मारा, चाँदि, काँसा;

हितोपदेश 19:22

म्हिइ खोंयोंइ बिले लबै म्हाँया लरिगे ङ्‍हाँम्, स्योर तेब् भन्दा बरु आयों-आख्युब तब छ्याँब् ग।

मत्ती 25:17

छलेन सिक्‍का ङ्हिं योंबै म्‍हिज्‍यै या अर्को सिक्‍का ङ्हिं कमदिइ।

मत्ती 25:22

“च लिउँइँ सिक्‍का ङ्हिं योंबै केब्छैंज्यै या क्ल्हे ङाँर खसि बिइ, ‘चिब, क्हिजी ङने सिक्‍का ङ्हिं पिंल। ङइ अर्को सिक्‍का ङ्हिं कमदिसि पखइमुँ।’

लूका 16:10

येशूजी धबै बिइ, “च्‍युगुथिरि ताँर भर लल् खाँबै म्हि थेब् थेबै ताँरै या भर लल् खाँब तम्। दिलेया च्‍युगुथिरि ताँर बेमान लबै म्हि थेबै ताँरै या बेमान तम्।

२ कोरिन्थी 8:11

छतसि तोगो क्‍हेमैंइ तों लबै के या पूरा लद्। खैले क्‍हेमैं च के लबर तयार मुँल, छलेन क्‍हेमैंइ पिंल् खाँब् दे पिंसि च के पूरा लद्।

२ कोरिन्थी 8:13

क्‍हेमैंलाइ गारो तरिगे अरूलाइ ल्हें योंरिगे बिसि ङइ चु ताँ बिब आङिं, दिलेया ताँन् बराबर तरिगे बिबै ङए सैं मुँ।

२ कोरिन्थी 8:19

च्हौ मत्‍त्रे आङिं, प्रभुए मिं थेब् तबै के लबै ल्हागिर नेरो ङिलाइ ल्होबर ताँन् क्‍ल्‍ह्‍योर्बै बिश्‍वासीमैंइ ङिने ह्‍यारिगे बिसि चलाइ त्‍हाँइ।

२ कोरिन्थी 9:7

छतसि ताँन् म्हिमैंइ ह्रोंसइ कति पिंल् खाँमुँ च्हगन् पिंन्, आगुइ कर ल्हैदिसि सैं आतोंदै आपिंन्। तलेबिस्याँ सैं तोंदै भेटि पिंबै म्‍हि म्रोंसि परमेश्‍वर सैं तोंम्।

१ पत्रुस 4:10

परमेश्‍वरए दयाम्हाँयाइ क्हेमैंइ तो-तो बरदान योंइमुँ, च बरदान घ्रिइ घ्रिए ल्हागिर ओलेद्।