२ कोरिन्थी 8:1 - परमेश्‍वरए ताँ तमु क्युइर

¹ ओ अलि-अङाँमैं, माकेडोनिया ह्‍युलर्बै बिश्‍वासीमैं न्‍होंरि परमेश्‍वरजी कति थेबै दयाम्हाँया लइ बिबै बारेर ङिइ क्‍हेमैंने बिम्।

२ कोरिन्थी 8:1 ပူးပေါင်းရင်းမြစ်များ

मत्ती 25:22

“च लिउँइँ सिक्‍का ङ्हिं योंबै केब्छैंज्यै या क्ल्हे ङाँर खसि बिइ, ‘चिब, क्हिजी ङने सिक्‍का ङ्हिं पिंल। ङइ अर्को सिक्‍का ङ्हिं कमदिसि पखइमुँ।’

चेला चिब्मैंए केमैं 11:23

झाइले बारनाबास चर खमा परमेश्‍वरए आशिक नेरो दयाम्हाँया चमैंए फिर तब् म्रोंसि सैं तोंइ, धै चमैं ताँनने “खों न्होंउँइँलेन् प्रभुए फिर क्ह्रोंसेंन्ले बिश्‍वास लसि खी आपिल्‍ले टिरिल् त्हुम्,” बिसि चमैंए सैं भोंमिंइ।

चेला चिब्मैंए केमैं 16:9

म्हुँइँसर पावलइ छाबै दर्शन घ्रि म्रोंइ: माकेडोनिया ह्‍युलर्बै म्हि घ्रि रासि “माकेडोनियार खसि ङि ल्होमिंन्!” बिसि यो छ्युँ लरिल।

चेला चिब्मैंए केमैं 24:17

“ङ दे बर्ष अरू ह्‍युलजरे टिबै लिउँइँ ह्रोंसए ह्रेंए ल्हागिर दान पिंबर नेरो परमेश्‍वरए मिंर ख्रो पिंबर यरूशलेमर खल।

रोमी 15:26

तलेबिस्याँ ग्रिस नेरो म्‍याकेडोनिया ह्‍युलजरेबै बिश्‍वासीमैंइ यरूशलेमर्बै यहूदी ङ्हाँदु बिश्‍वासी अलि-अङाँमैंए ल्हागिर च्हौदे मुइ पिमिंइमुँ।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

२ कोरिन्थी 11:9

ङ क्‍हेमैं ङाँर मुँबै त्हेर ङलाइ मुइ चैदिमा ङइ क्‍हेमैंने तोइ खर्ज आह्रिल। बरु माकेडोनिया ह्‍युलउँइँले खबै अलिमैंइ ङए खाँचो पूरा लमिंइ। ङइ क्‍हेमैंलाइ ओंसों या तोइ सैरै या दुःख आपिंल, लिउँइँज्‍यै या तोइ दुःख पिंरिब आरे।

२ कोरिन्थी 9:12

क्‍हेमैंइ छले रेबै भेटिमैंइ परमेश्‍वरए म्‍हिमैंलाइ खाँचो तमा चमैंए खाँचोमैं पूरा लल् खाँम्। च्हौ मत्‍त्रे आङिं, चु केउँइँले चमैंइ परमेश्‍वरलाइ खोंयोंन् बिलै धन्‍यबाद पिंरिब्‍मुँ।

२ कोरिन्थी 9:2

तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

२ कोरिन्थी 9:4

तलेबिस्याँ माकेडोनियार्बै म्‍हिमैं ङने बालु क्हेमैं ङाँर खमा क्‍हेमैं तयार आतब् स्‍यास्‍याँ ङि बेल्‍ले फा पिन् तब्‍मुँ, क्‍हेमैं या फा पिन् तब्मुँ, तलेबिस्याँ क्‍हेमैंइ खैले बिलै मुइए तौदु लम् बिब ङिए सैं मुँ।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

कलस्सी 1:29

ङए सैं न्होंर ख्रीष्‍टजी थेंमिंबै भोंउँइँले ङ खैबै दुःखन् तलेया चु के लम्।

१ थेसलोनिकी 4:10

धै क्हेमैंइ माकेडोनिया ह्‍युलर्बै ताँन् प्रभुए फिर बिश्‍वास लबै अलि-अङाँमैंने क्ह्रोंसेंन म्हाँया लइमुँ। ओ अलि-अङाँमैं, छलेन अझै म्हाँया लरिद् बिसि ङि क्हेमैंलाइ अर्थि पिंमुँ।