२ कोरिन्थी 7:6 - परमेश्‍वरए ताँ तमु क्युइर

⁶ दिलेया सैं च्‍योंब तब्‍मैंलाइ सैं थेब् लमिंबै परमेश्‍वरजी तीतस ङि ङाँर कुल्मिंसि ङिए सैं भोंब् लमिंइ।

२ कोरिन्थी 7:6 ပူးပေါင်းရင်းမြစ်များ

मत्ती 5:4

शोक लब्‍मैंइ आशिक योंब्मुँ, तलेबिस्याँ परमेश्‍वरजी चमैंए सैं क्‍होल् लमिंब्‍मुँ।

यूहन्‍ना 14:16

झाइले ङ आबाने यो छ्युँ लब्मुँ, धै खीजी क्हेमैं ङाँर अर्को ल्होमिंबै थु कुलब्मुँ। धै खी क्हेमैंने खोंयोंन् बिलै तरिब्‍मुँ।

रोमी 15:5

सैदिबै भों पिंबै परमेश्‍वरउँइँलेन् क्‍हेमैं ख्रीष्‍टए घ्याँर प्रसि सैं घ्रिन् तबै भों योंरिगे।

२ कोरिन्थी 7:13

ङिइ बिबै ताँ क्हेमैंइ ङिंब् म्रोंसि ङिए सैं क्‍होइ। ङिए सैं क्‍होब मत्‍त्रे आङिं, क्‍हेमैंइ तीतसलाइ छ्याँन् लसि चए सैं तोंन् लमिंब् म्रोंसि ङि झन् सैं तोंइमुँ।

२ कोरिन्थी 7:14

क्‍हेमैंए बारेर ङइ तीतसने प्हैंलेया क्‍हेमैंए बारेर ङ फापिल् त्हुबै घ्याँ तोइ आरेल। ङिइ खोंयोंन् बिलै क्‍हेमैंने क्‍ह्रोंसेंन्‍बै ताँ बिइमुँ। छलेन ङिइ तीतसने क्‍हेमैंए बारेर प्हैंब् धों तबै के क्‍हेमैंइ लसि उँइँइ।

२ कोरिन्थी 7:7

तीतस खसि मत्‍त्रे आङिं, क्‍हेमैंइ चलाइ भों पिंबै ताँ थेसि ङि झन् सैं तोंइ। क्‍हेमैं ङने त्‍होदा ङ्हाँइमुँ रो, ह्रोंसइ लबै आछ्याँबै केमैंइ लमा क्हेमैंइ पछुत लइमुँ रो, झाइले म्हिमैंइ ङए बारेर आछ्याँबै ताँ पोंमा क्‍हेमैंइ ङए ख लसि पोंम् रो बिबै ताँमैं थेसि ङ झन् बेल्‍ले सैं तोंइ।

फिलिप्पी 2:1

क्हेमैं येशू ख्रीष्‍टने घ्रिन् तबइले सैं क्‍होल् लमिंबै भों, म्हाँया, पबित्र प्ल्हए संगति नेरो ल्हयो क्‍हेमैंने मुँ।

१ थेसलोनिकी 3:2

ङ्योए अलि तिमोथी क्‍हेमैं ङाँर कुलइमुँ। च परमेश्‍वरए सेवा लसि येशू ख्रीष्‍टए बारेर्बै सैं तोंबै ताँ बिप्रबै म्हि ग।