२ कोरिन्थी 7:5 - परमेश्‍वरए ताँ तमु क्युइर

⁵ ङि माकेडोनिया ह्‍युलर फेनेसि तीतसइ पबै सँउँसर आयोंन् समा सन्‍दोक आरेल। चर ङिइ तो के ललेया खन्तोंदोंउँइँले दुःखन् तखइ, म्हिमैं ङिने प्‍होंमल, ङिए सैं ङ्हिंमल।

२ कोरिन्थी 7:5 ပူးပေါင်းရင်းမြစ်များ

उत्पत्ति 8:9

दिलेया पृथ्बीरि क्यु आङ्हारल। छतसि च तोंगु प्हले न्हेबै क्ल्ह्‍यो आयोंसि च ङाँर्न झाजर एखइ। छतसि नोआइ ह्रोंसए यो स्योंसि च तोंगु क्यु झाज न्होंर थेंइ।

चेला चिब्मैंए केमैं 20:1

चु खैला-बैला च्याँ तबै लिउँइँ पावलइ चर्बै चेलामैं हुइसि चमैंलाइ अर्थि पिंइ। धै चमैंने फ्रेसि माकेडोनिया ह्‍युलउँइँ ह्‍याइ।

रोमी 15:26

तलेबिस्याँ ग्रिस नेरो म्‍याकेडोनिया ह्‍युलजरेबै बिश्‍वासीमैंइ यरूशलेमर्बै यहूदी ङ्हाँदु बिश्‍वासी अलि-अङाँमैंए ल्हागिर च्हौदे मुइ पिमिंइमुँ।

१ कोरिन्थी 15:31

ओ अलि-अङाँमैं, ङ्योए प्रभु येशूए फिर क्हेमैंइ बिश्‍वास लबइले ङए सैं भोंइमुँ। छतसि प्रभुए के लबर ङ त्हिंइ ह्रोंसे या सिल् खाँम्।

१ कोरिन्थी 16:5

ङला माकेडोनिया ह्‍युलर ह्‍याल् त्हुबै के मुँ। छतसि माकेडोनियाउँइँलेन् ङ क्‍हेमैंने त्होबर खम्।

२ कोरिन्थी 2:13

दिलेया चर ङए अलि तीतसलाइ त्‍होल् आयोंमा ङए सैं आतों। छतसि तीतसने घ्‍याँर त्‍होम् उ ङ्हाँसि चर्बै म्‍हिमैंने बिदा तसि ङ माकेडोनिया ह्‍युलउँइँ ह्‍याइ।

२ कोरिन्थी 2:3

छतसि ङ क्‍हेमैं ङाँर खमा ङए सैं तोंन् लमिंब्मैं ङाँइलेन् ङए सैं च्योंब् तल् आत्हुरिगे बिसि ओंसोंबै प्ह्रिछ्यार क्‍हेमैंलाइ छ छ लद् बिसि प्‍ह्रिब् ग। ङए सैं तोंमा क्‍हेमैं या सैं तोंम् बिब ङइ सेइमुँ।

२ कोरिन्थी 2:9

क्‍हेमैंए जाँच लबै ल्हागिर नेरो ताँन् सैर क्‍हेमैंइ ङइ बिबै ताँ ङिंम् उ आङिं बिबै ताँ था सेबर ङइ च ओंसोंबै प्ह्रिछ्या प्‍ह्रिल।

गलाती 4:11

छतसि ङ न्हुँ खइमुँ! ङए सैंरम् क्‍हेमैंए ल्हागिर ङइ के लब फाक्‍कर्न तइ ङ्हाँइमुँ।

१ थेसलोनिकी 3:5

छतमा ङए सैंइ ङलाइ सुखन् आपिं। धै “दुष्‍टइ क्‍हेमैंलाइ बिश्‍वासउँइँले स्योवासि ङिइ लबै दुःख खेरो ह्‍याम् उ?” बिब् ङ्हिंसि क्हेमैंए बिश्‍वास कति थेब् मुँन बिसि क्होबर ङइ तिमोथी कुल्‍मिंब् ग।