२ कोरिन्थी 7:4 - परमेश्‍वरए ताँ तमु क्युइर

⁴ क्‍हेमैं म्रोंसि ङ ढुक्‍का तसि ङ्‍हो लोंइँमुँ। क्हेमैं म्रोंसि ङए सैं क्होइमुँ। छतसि ङिइ खैतबै दुःख योंलेया ङ सैं तोंन्लेन् टिम्।

२ कोरिन्थी 7:4 ပူးပေါင်းရင်းမြစ်များ

चेला चिब्मैंए केमैं 5:41

झाइले चमैंए सैंर, म्हिमैंइ म्हि आच्जिल् ललेया येशूए मिंरि सैदिल् खाँब्मैं ङ्यो तइ ङ्हाँसि सैं तोंदै चमैं थेबै म्हि च्होंउँइँले त्होंह्‍याइ।

रोमी 5:3

च्‍हौ मत्‍त्रे आङिं, दुःख तलेया ङ्यो सैं तोंम्, तलेबिस्याँ दुःख तस्‍याँ ङ्योइ दुःख सैदिबै भों योंम् बिब ङ्योइ सेम्।

१ कोरिन्थी 1:4

क्‍हेमैंए ल्हागिर खोंयोंन् बिलै ङए परमेश्‍वरलाइ धन्‍यबाद पिंम्, तलेबिस्याँ येशू ख्रीष्‍टउँइँले क्‍हेमैंइ खीए दयाम्हाँया योंइमुँ।

२ कोरिन्थी 1:14

तोगो समा क्‍हेमैंइ ङि छेनाले आसेइमुँ, दिलेया लिउँइँ ङ्योए प्रभु येशू युबै त्हिंइर ङिलाइ क्‍हेमैंइ छेनाले सेब्मुँ। क्हेमैं म्रोंसि ङि ङ्‍हो लोंब् धोंले च्हमा ङि म्रोंसि क्हेमैं या ङ्‍हो लोंब्मुँ।

२ कोरिन्थी 1:4

ङ्योए ताँन् दुःखर खीजी ल्होमिंसि सैं क्‍होल् लमिंम्। छतसि खीजी ङ्योए सैं क्‍होमिंब् धोंले ङ्योज्‍यै या अरूमैंए फिर दुःख तमा ल्होमिंसि चमैंए सैं क्‍होमिंल् खाँम्।

२ कोरिन्थी 10:8

प्रभुजी ङिलाइ पिंबै अधिकार क्‍हेमैंलाइ न्‍होह्रों लबै ल्हागिर पिंब आङिं, बरु क्‍हेमैंलाइ भोंब् लमिंबै ल्हागिर पिंब् ग। छतसि प्रभुजी ङिलाइ पिंबै अधिकारए बारेर ङइ प्हैंसि पोंलेया ङ फापिल् त्हुरिब् आरे।

२ कोरिन्थी 11:21

ङिइमि छ लल् आखाँ, फा पिल् त्‍हुबै ताँ मुँ। दिलेया खाबज्‍यै या तो मुँले ताँर थेब् प्‍हैंम् बिस्याँ, ङै या बुद्धि आरेबै म्हि धोंले च ताँर्न थेब् प्हैंसि पोंम्।

२ कोरिन्थी 2:14

परमेश्‍वरलाइ धन्‍यबाद तरिगे! तलेबिस्याँ खीजी ङ्योलाइ ख्रीष्‍ट येशूने घ्रिन् लमिंसि ट्होगों घ्याँर डोरेब्मुँ! धै छ्याँबै थाँ खबै धुप धों तबै खीए ज्ञानए ताँमैं ङ्योउँइँलेन् ताँन् क्‍ल्‍ह्‍योजरे फेनेब्मुँ।

२ कोरिन्थी 3:12

छतसि ङिल छाबै क्ह्रोंसेंन्बै आशा मुँबइले सैं तोंबै ताँ बिप्रमा थेबै भों खम्।

२ कोरिन्थी 7:14

क्‍हेमैंए बारेर ङइ तीतसने प्हैंलेया क्‍हेमैंए बारेर ङ फापिल् त्हुबै घ्याँ तोइ आरेल। ङिइ खोंयोंन् बिलै क्‍हेमैंने क्‍ह्रोंसेंन्‍बै ताँ बिइमुँ। छलेन ङिइ तीतसने क्‍हेमैंए बारेर प्हैंब् धों तबै के क्‍हेमैंइ लसि उँइँइ।

२ कोरिन्थी 8:24

चमैंए फिर क्हेमैंइ कति थेबै म्हाँया लम् बिसि चमैंने उँइँन्, झाइले ङिइ क्‍हेमैंए बारेर प्हैंसि पोंबै ताँ क्ह्रोंसेंन् मुँन बिब ताँन् क्‍ल्‍ह्‍योर्बै बिश्‍वासीमैंइ सेरिगे।

फिलिप्पी 1:14

छले ङ झेलर च्युवासेरो ल्‍हें अलि-अङाँमैं प्रभुए फिर बिश्‍वास लबर भोंब् तइमुँ, धै चमैंइ आङ्हिंनले परमेश्‍वरए ताँ पोंल् खाँइमुँ।

फिलिप्पी 1:20

ङए थेबै इच्छा नेरो आशा चु मुँ: ङ खोंयोंइ फापिल् त्हुरिब् आरे। ङ बेल्‍ले भोंसि तब्मुँ, सिल् त्हुलेया, सोल् योंलेया ओंसोंबै धोंले तोगो या ङउँइँले येशू ख्रीष्‍टए मान तरिगे।

फिलिप्पी 1:26

ङ धबै क्‍हेमैं ङाँर खमा ख्रीष्‍ट येशूए मिं थेब लबै ताँमैं ङउँइँले तइमुँ बिब् सेसि क्‍हेमैं सैं तोंल् योंब्मुँ।

फिलिप्पी 2:17

क्‍हेमैंइ लबै येशू ख्रीष्‍टए फिर्बै बिश्‍वास परमेश्‍वरए मिंर ख्रो पिंब् धों ग। छतसि क्हेमैंइ परमेश्‍वरए मिंर पिंबै सैमैंए फिर ङइ ह्रोंसलाइन् ख्रो पिंल् त्हुलेया, ङए सैं तोंब्मुँ। छले क्हेमैं ताँनने ङ बेल्‍ले तोंइमुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

१ थेसलोनिकी 2:19

तो तलेया ङ्योए प्रभु येशू युमा खीए उँइँर राबै त्हेर ङिए इनाम योंबै आशा, सैं तोंबै ताँ क्हेमैंन् ग। धै क्हेमैं म्रोंसि ङि थेब् प्हैंबै क्रेगि योंब्मुँ।

१ थेसलोनिकी 2:2

क्‍हेमैं ङाँर खब् भन्दा ओंसों फिलिप्‍पीमैंइ ङि म्हि आच्हिसि बेल्‍ले दुःख पिंब क्हेमैंइ सेइमुँ। छलेन क्‍हेमैंए सहररै या बिरोध लब्मैं ल्हें तनाबिलेया परमेश्‍वरजी ङिए सैं भोंब् लमिंबइले ङिइ क्‍हेमैंलाइ सैं तोंबै ताँ बिल् योंइ।

२ थेसलोनिकी 1:4

क्हेमैंए फिर कति दुःख तलेया च दुःख सैदिसि क्हेमैं बिश्‍वासर भोंब् तब् म्रोंसि परमेश्‍वरए फिर बिश्‍वास लब्मैंए म्हाँजोर ङिइ प्हैंदै पोंल् योंमा ङिए ङ्‍हो च्हौ प्ल्ह्‍याब् धों ङ्हाँइमुँ। धै ङि क्हेमैंए बारेर प्हैंसि पोंम्।

फिलेमोन 1:7

ओ अलि, क्‍हिइ ङने च्हौ थेबै म्हाँया लब् म्रोंसि ङ बेल्‍ले सैं तोंसि भों योंइमुँ, तलेबिस्याँ क्हिइ प्रभुए म्‍हिमैंए सैं क्‍होल् लमिंइमुँ।

याकूब 1:2

ओ ङए अलि-अङाँमैं, क्‍हेमैंए फिर ल्हें खालर्बै दुःख खमा बेल्‍ले सैं तोंन्।