२ कोरिन्थी 7:13 - परमेश्‍वरए ताँ तमु क्युइर

¹³ ङिइ बिबै ताँ क्हेमैंइ ङिंब् म्रोंसि ङिए सैं क्‍होइ। ङिए सैं क्‍होब मत्‍त्रे आङिं, क्‍हेमैंइ तीतसलाइ छ्याँन् लसि चए सैं तोंन् लमिंब् म्रोंसि ङि झन् सैं तोंइमुँ।

२ कोरिन्थी 7:13 ပူးပေါင်းရင်းမြစ်များ

रोमी 12:15

सैं तोंब्‍मैंने बालु सैं तोंन्, क्रोब्‍मैंने बालु क्रोद्।

रोमी 15:32

झाइले परमेश्‍वरए इच्छा मुँस्याँ ङ यरूशलेमउँइँले क्‍हेमैं ङाँर सैं तोंन्लेन् खब्मुँ, झाइले ङ्यो सैं तोंन्ले बालुन् टिस्यो।

१ कोरिन्थी 12:26

छतसि भाग घ्रिइ दुःख योंस्‍याँ ताँन् भागज्‍यैया दुःख योंम्, छलेन भाग घ्रिइ छ्याँबै बयन योंस्‍याँ अरू भागमैं या सैं तोंम्।

१ कोरिन्थी 16:13

न्ह क्रों मि क्रोंले टिद्, बिश्‍वासर भों तद्, सैं भोंब् लद्, आङ्हिंन्ले टिद्।

१ कोरिन्थी 16:18

चमैंइ क्हेमैंए सैं तोंन् लब् धोंले ङलाज्यै या तोंन् लमिंइमुँ। छाबै म्‍हिमैंए मान लल् त्हुम्।

२ कोरिन्थी 2:13

दिलेया चर ङए अलि तीतसलाइ त्‍होल् आयोंमा ङए सैं आतों। छतसि तीतसने घ्‍याँर त्‍होम् उ ङ्हाँसि चर्बै म्‍हिमैंने बिदा तसि ङ माकेडोनिया ह्‍युलउँइँ ह्‍याइ।

२ कोरिन्थी 2:3

छतसि ङ क्‍हेमैं ङाँर खमा ङए सैं तोंन् लमिंब्मैं ङाँइलेन् ङए सैं च्योंब् तल् आत्हुरिगे बिसि ओंसोंबै प्ह्रिछ्यार क्‍हेमैंलाइ छ छ लद् बिसि प्‍ह्रिब् ग। ङए सैं तोंमा क्‍हेमैं या सैं तोंम् बिब ङइ सेइमुँ।

२ कोरिन्थी 7:14

क्‍हेमैंए बारेर ङइ तीतसने प्हैंलेया क्‍हेमैंए बारेर ङ फापिल् त्हुबै घ्याँ तोइ आरेल। ङिइ खोंयोंन् बिलै क्‍हेमैंने क्‍ह्रोंसेंन्‍बै ताँ बिइमुँ। छलेन ङिइ तीतसने क्‍हेमैंए बारेर प्हैंब् धों तबै के क्‍हेमैंइ लसि उँइँइ।

२ कोरिन्थी 7:15

क्‍हेमैं तीतसने ङ्हिंसि चलाइ बेल्‍ले मान लइ, झाइले क्‍हेमैं ताँनइ चइ बिबै ताँ ङिंबर तयार तइ। छतसि क्‍हेमैंइ लबै च्हौ छ्याँबै केमैं मैंसि तीतसइ क्हेमैंए फिर म्हाँया झन् ल्हें लइमुँ।

२ कोरिन्थी 7:6

दिलेया सैं च्‍योंब तब्‍मैंलाइ सैं थेब् लमिंबै परमेश्‍वरजी तीतस ङि ङाँर कुल्मिंसि ङिए सैं भोंब् लमिंइ।

फिलिप्पी 2:28

छतसि क्‍हेमैंइ चलाइ धबै म्रोंसि क्‍हेमैंए सैं तोंरिगे, धै क्हेमैंए फिर ङइ ल्हें न्हुँ लल् आत्हुरिगे बिसि ङ क्‍हेमैं ङाँर च एमिंदा ङ्हाँइमुँ।

२ तिमोथी 1:16

दिलेया ओनेसिफरसए परवाए फिर प्रभुजी ल्हयो लरिगे, तलेबिस्याँ च ङ म्रोंसि फा आपिमल। च रोमर खमा फनफनले ङलाइ म्हैसि ङने त्होइ।

फिलेमोन 1:20

छतसि ओ ङइ खोबै अलि, प्रभु नेरो ङए ल्हागिर चए फिर ल्हयो लमिंन्। ख्रीष्‍टए फिर बिश्‍वास लबै ङए अलि, क्हिइ चु ताँर ङए सैं सन्‍तोक लमिंन्।

फिलेमोन 1:7

ओ अलि, क्‍हिइ ङने च्हौ थेबै म्हाँया लब् म्रोंसि ङ बेल्‍ले सैं तोंसि भों योंइमुँ, तलेबिस्याँ क्हिइ प्रभुए म्‍हिमैंए सैं क्‍होल् लमिंइमुँ।

१ पत्रुस 3:8

आखिरि ताँ चु मुँ: क्‍हेमैं ताँनए सैं घ्रि तद्। अरूए फिर दुःख तमा ल्‍हयो खद्। घ्रिइ घ्रिलाइ ह्रोंसए अलि-अङाँमैंने धोंले म्हाँया लद्। आगुए फिर ल्हयो खद्, सैं सारो आलद्।