२ कोरिन्थी 6:9 - परमेश्‍वरए ताँ तमु क्युइर

⁹ ङिलाइ खाबज्यै ङो आसे बिलेया ताँनइ ङो सेइमुँ। ङि सियाब् धों तलेया ङि अझै सोगोंन् मुँ। ङिलाइ सजैं पिंलेया तिंयाँ समा आसैइमुँ।

२ कोरिन्थी 6:9 ပူးပေါင်းရင်းမြစ်များ

चेला चिब्मैंए केमैं 17:18

को-कोइ इपिक्‍युरि नेरो स्‍तोइकि ह्रब्-सेब्मैंज्यै या पावलने छलफल लइ। चमैं न्होंर्बै कति म्हिमैंइ “चु ल्हें पोंबै म्हिइ तो बिइमुँ जा?” बिसि ङ्योएमल। अरू म्हिमैंइ बिइ, “आगुए ह्‍युलर्बै देवतामैंए ताँ लरिब् धों ङ्हाँम्।” तलेबिस्याँ पावलइ येशूए बारेर नेरो म्हिमैं सिसि धबै सोगों तबै ताँमैं बिरिमल।

चेला चिब्मैंए केमैं 19:26

दिलेया पावलइ एफिससर मत्‍त्रे आङिं, एशियार्बै ल्हें क्ल्ह्‍योर ‘योइ बनेबै देवतामैं तोइ सैइ आङिं’ बिसि ल्हें म्हिने लोमिंब क्हेमैंइ म्रोंरिइमुँ, थेरिइमुँ।

चेला चिब्मैंए केमैं 25:19

चमैंए आक्ह्रिबै ताँ चमैंए धर्मए बारेर नेरो सिल् खाँबै येशू बिबै म्हिए बारेर मुँन। पावलइ येशू अझै सोंगोंन् मुँ बिसि बिमना।

चेला चिब्मैंए केमैं 25:26

दिलेया चुए बारेर ङइ रोमी थेबै म्रुँलाइ प्ह्रिबै ताँमैं तोइ आरे। छतसि ङइ चु म्हि क्हेमैंए उँइँर नेरो खास लइरि अग्रिपास म्रुँए उँइँर पखइमुँ। ङ्योइ चने ताँमैं ङ्युँलु-च्युलु लबै लिउँइँ चुए बारेर ङइ रोमी म्रुँलाइ ताँमैं प्ह्रिल् योंब्मुँ।

रोमी 15:19

झाइले बेल्‍ले थेबै औदिबै चिनुमैं नेरो पबित्र प्ल्हजी पिंबै भोंउँइँले येशू ख्रीष्‍टजी अरू ह्रेंमैंलाइ परमेश्‍वरलाइ म्हाँदिल् पिंइ। चु ताँर मत्‍त्रे ङ क्‍हेमैंने बिमुँ। ङइ यरूशलेम सहरउँइँले इल्‍लुरिकन बिबै ह्‍युल समा ह्‍यासि खन्तोंदोंन् येशू ख्रीष्‍टए बारेर सैं तोंबै ताँ बिप्रइमुँ। सैं तोंबै ताँउँइँलेन् अरू ह्रेंमैंए म्हाँजोरि औदिबै (थेब्-थेबै) केमैं लमिंबइले ङ सैं तोंइमुँ।

रोमी 8:36

(ङ्योए फिर दुःख तम् बिबै ताँ परमेश्‍वरए छ्वेर छले बिइमुँ: “ओ परमेश्‍वर, क्‍हिए फिर ङिइ बिश्‍वास लबइले ङि त्‍हिंइतिमिन् सिब् धोंन् तल् त्हुम्, ङि सैबर होंबै क्युमैं धोंन् तइमुँ।”

१ कोरिन्थी 11:32

दिलेया प्रभुजी ङ्योए निसाफ लमा खीए फिर बिश्‍वास आलब्मैं धोंलेन् ङ्यो या नास आतरिगे बिसि ङ्योलाइ तार झोंम्।

१ कोरिन्थी 15:31

ओ अलि-अङाँमैं, ङ्योए प्रभु येशूए फिर क्हेमैंइ बिश्‍वास लबइले ङए सैं भोंइमुँ। छतसि प्रभुए के लबर ङ त्हिंइ ह्रोंसे या सिल् खाँम्।

१ कोरिन्थी 4:9

ङए सैंरम् ङि कुल्मिंबै चेला चिब्मैंलाइमि परमेश्‍वरजी ताँन् भन्दा च्‍योंबै क्‍ल्‍ह्‍योर थेंब् धों ङ्हाँइमुँ, तलेबिस्याँ चु ह्‍युलए उँइँर, म्हिमैंए उँइँर नेरो स्वर्गदूतमैंए उँइँरै या ङि सिबै सजैं योंल् त्हुबै म्हि धोंन् तइमुँ।

२ कोरिन्थी 11:6

ओं, ङ छेनाले पोंल् आह्रलैया ङ बेल्‍ले ह्रब् सेब मुँ। खैले तमुँ छले ङिइ ह्रब्-सेबै ताँमैं क्हेमैंलाइ छेनाले क्होमिंइमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

२ कोरिन्थी 5:11

छतसि परमेश्‍वरने ङ्हिंल् त्हुम् बिब् सेसि ङिइ अरू म्‍हिमैंलाइ प्रभुए बारेर लोमिंम्। ङि खैब मुँ बिब परमेश्‍वरजी सेइमुँ, झाइले ङिइ खैले छ्ह थोइमुँ बिब क्‍हेमैंइ छेनाले था सेरिगे बिब ङए सैंर मुँ।