२ कोरिन्थी 6:14 - परमेश्‍वरए ताँ तमु क्युइर

¹⁴ येशू ख्रीष्‍टए फिर बिश्‍वास आलब्‍मैंने घ्रि तसि आप्रद्। धर्मि नेरो अधर्मि खैले क्‍ह्रिमुँ? चारबै ह्‍वे नेरो मिछु खैब खैले बालु तल् खाँमुँ?

२ कोरिन्थी 6:14 ပူးပေါင်းရင်းမြစ်များ

उत्पत्ति 24:3

स्वर्ग नेरो पृथ्‍बीर्बै याहवेह परमेश्‍वरए उँइँर ङइ क्हिने कसम चबर ल्हैदिम्। क्हिइ ङए च्हए ल्हागिर तोगो ङ टिबै कनान ह्‍युलर्बै च्हमिरिमैं खाबै ब्ह्‍या लसि खैलसया आपखमिंन्।

भजनमैं 106:35

झन् चमैं आगु ह्रेंमैंनेन् प्रब टिब लसि चमैंइ लब् धोंबै केमैंन् लइ।

भजनमैं 119:63

क्हिने ताँन् ङ्हिंब्मैंए थु ङ ग; ओं, क्हिजी ल्हैदिबै के ताँन् लब्मैंए थु ङ ग।

भजनमैं 16:3

इस्राएल ह्‍युलर्बै परमेश्‍वरए म्हिमैं बेल्‍ले कालदिब मुँ, चमैं म्रोंसि ङ सैं तोंरिम्।

प्रस्थान 34:16

क्हेमैंए च्हमैंइ चमैंए च्हमिमैं ब्ह्‍या लसि पखलै, धै च च्हमिमैंइ ह्रोंसए देवतामैं पूजा लसि क्हेमैंए च्हमैंलाज्यै या पूजा लबर ल्हैदिब्मुँ।

हितोपदेश 22:24

ह्रिस खबै म्हिने थु आतद्, युनन् ह्रिस खबै म्हिने प्रब् टिब् आलद्,

हितोपदेश 29:27

ठिक के लबै म्हिमैंइ छलु म्हिलु लब्मैंलाइ आखो, छलु म्हिलु लब्मैंइ ठिक के लब्मैं आखो।

यूहन्‍ना 7:7

चु ह्‍युलर्बै म्हिमैंइ क्‍हेमैंलाइ हेल् आल, दिलेया ङलाइमि हेल् लम्, तलेबिस्याँ चमैंइ लबै केमैं आछ्याँब मुँ बिसि ङइ बिमिंम्।

चेला चिब्मैंए केमैं 4:23

छाइले त्होंखसि पत्रुस नेरो यूहन्‍ना खेंमैए थुमैं ङाँर खसि ख्रो पिंबै खेगि चिब्मैं नेरो चिबनाँब्मैंइ बिबै ताँन् ताँमैं चमैंने बिइ।

१ कोरिन्थी 10:21

क्‍हेमैंइ प्रभुए प्‍हेला नेरो स्यागि म्होंगिए प्‍हेला ङ्हिंना ङ्हिंनउँइँले थुँल् आखाँ। छलेन क्‍हेमैंइ प्रभुए टेबल नेरो स्यागि म्होंगिए टेबलउँइँले या चल् आखाँ।

१ कोरिन्थी 15:33

छतसि न्ह क्रों मि क्रों तद्, खाब तोदोंए ताँ आङेंन्। तलेबिस्याँ “आछ्याँबै के लब्मैंने प्रस्याँ छ्याँबै म्हि या आछ्याँबन् तयाम्।”

१ कोरिन्थी 5:9

ङइ क्‍हेमैंलाइ ओंसों प्‍ह्रिबै प्ह्रिछ्यार ब्यभिचार लब्‍मैंने बालु आप्रद् बिसि प्‍ह्रिल।

१ कोरिन्थी 6:6

दिलेया अलि घ्रिइ अर्को अलिए बिरोध लसि निसाफ म्हैबर बिश्‍वास आल्ब्मैंए उँइँर अड्डार ह्‍याम्।

१ कोरिन्थी 7:39

ह्रोंसए प्युँ आसिन् समा च्हमिरि ह्रोंसए प्‍युँनेन् टिल् त्हुम्। दिलेया प्युँ सियाबै लिउँइँ धबै च म्हरेस्योइ ब्ह्‍या लदा ङ्हाँस्याँ चइ ब्ह्‍या ललेया तम्। दिलेया चु ब्ह्‍या प्रभु येशूए फिर बिश्‍वास लबै म्‍हिनेन् तल् त्हुम्।

फिलिप्पी 2:15

छले क्‍हेमैं तोइ छ्याब् आरेब तसि परमेश्‍वर ङो आसेब्मैंए म्हाँजोर तोइ खोट आरेबै परमेश्‍वरए सन्तान तद्। छतस्याँ परमेश्‍वर ङो आसेब्मैंए उँइँर क्‍हेमैं मुसारा धोंले चारब्मुँ।

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।