२ कोरिन्थी 6:11 - परमेश्‍वरए ताँ तमु क्युइर

¹¹ ओ कोरिन्‍थथेंमैं, ङिइ सैंर तोइ ताँ आलोल्‍ले छेनाले क्हेमैने बिमिंइमुँ।

२ कोरिन्थी 6:11 ပူးပေါင်းရင်းမြစ်များ

भजनमैं 119:32

क्हिजी बिबै घ्याँर ङ प्रइमुँ, तलेबिस्याँ क्हिजी ङए खों खाँसों ङ्हाँन् लमिंइमुँ!

भजनमैं 51:15

ओ याहवेह, ङलाइ पोंल् ह्रब् लमिंन्, धै ङइ क्हिए मिंन् थेब् लब्मुँ।

चेला चिब्मैंए केमैं 18:1

च लिउँइँ पावल एथेन्‍सउँइँले कोरिन्‍थ सहर ह्‍याइ।

चेला चिब्मैंए केमैं 18:8

च्हों धिंर्बै चिब क्रिस्‍पस नेरो चए ताँन् परवाइ प्रभुए फिर बिश्‍वास लइ, धै कोरिन्‍थिमैं न्होंरै या ल्हें म्हिइ पावलए ताँ थेइरि बिश्‍वास लसि बप्‍तिस्मा किंइ।

२ कोरिन्थी 12:15

क्‍हेमैंए ल्हागिर सैं तोंदै ङने मुँबै ताँन् सै न्होर नेरो ङए ज्यु या पिंब्मुँ। छले ङइ क्‍हेमैंए फिर ल्हें म्हाँया लसेरो क्‍हेमैंइ ङलाइ च्युगुदे म्हाँया लब् वा?

२ कोरिन्थी 2:4

तलेबिस्याँ क्हेमैंए सैं नल् लबर आङिं, बरु क्हेमैंए फिर ङइ कति थेबै म्हाँया लम् बिब क्हेमैंइ सेरिगे बिसि सैंर बेल्‍ले न्हुँ लसि क्रोदै क्‍हेमैंलाइ च प्ह्रिछ्या प्‍ह्रिल।

गलाती 3:1

ओ बुद्धि आरेबै गलातीमैं! खाबइ क्‍हेमैंलाइ म्होंनि झोंइ? येशू ख्रीष्‍ट क्रूसर च्‍योवाबै ताँ क्हेमैंने ङिइ छेनाले बिल।

गलाती 4:12

ओ अलि-अङाँमैं, क्‍हेमैं या ङ धोंन् तद् बिसि ङइ क्‍हेमैंने यो छ्युँ लम्। तलेबिस्याँ ङै या क्‍हेमैं धोंन् तइमुँ। क्‍हेमैंइ ङए न्होह्रों तोइ आलइमुँ।

एफिसी 6:19

सैं तोंबै ताँ बिप्रबै लमा ङ झेलर तनाबिलेया ङ ख्रीष्‍टए ताँ बिमिंबै स्यार्बो ग। छतसि ङ पोंबर होंमा परमेश्‍वरजी ङए सैंर खीए ताँमैं झोंमिंरिगे, धै सैं तोंबै ताँए बारेर था आसेबै चाँजो ङइ छेनाले था पिंल् खाँरिगे,

एफिसी 6:8

ङ्यो केब्छैं ङिंले या आङिंले या, ङ्योइ लबै छ्याँबै केए इनाम प्रभुजी पिंब्‍मुँ बिबै ताँ खोंयोंइ या आम्‍लेद्।

फिलिप्पी 1:8

क्‍हेमैंए फिर ख्रीष्‍ट येशूजी खैले म्हाँया लमुँ, छलेन ङज्यै या क्‍हेमैं ताँनए फिर म्हाँया लसि साँ खम्। चु ताँ परमेश्‍वरज्यै सेइमुँ।

फिलिप्पी 4:15

ओंसों ङ माकेडोनिया ह्‍युलउँइँले ह्‍यामाइ या घ्याँ खर्ज पिंसि ङलाइ क्‍हेमैंइ ल्होइ, अरू खाबज्‍यै आल्हो बिब क्‍हेमैं फिलिप्‍पीथेंमैंइ सेइमुँ।

दर्शन 22:12

“थेद्! म्हिमैंइ खैबै के लइमुँ छाबन् नों पिंबर ङ युनन् युब्‍मुँ बिसि,” येशूजी बिइमुँ।