२ कोरिन्थी 6:10 - परमेश्‍वरए ताँ तमु क्युइर

¹⁰ न्हुँ खलेया ङि खोंयोंन् बिलै सैं तोंरिम्, ङ्हाँदुमैं तलेया ङिइ ल्हें म्‍हिमैंलाइ प्‍ल्होब लमिंम्, ङि तोइ आरेब् धों तलेया ख्रीष्‍टए फिर बिश्‍वास लबइले ङिइ तोन्दोंरि सै योंइमुँ।

२ कोरिन्थी 6:10 ပူးပေါင်းရင်းမြစ်များ

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

हितोपदेश 13:7

कोइ म्हि ह्रोंसने तोइ आरेलैया प्लब् प्हैंम्; कोइ म्हि प्लब् मुँलेया तोइ आरेब् धोंले प्रम्,

हितोपदेश 16:16

मारा योंब् भन्दा बुद्धि योंब छ्याँब् ग, धै चाँदि भन्दा ज्ञान बुद्धिलाइ त्हाँन्।

मत्ती 5:12

च त्हेर क्‍हेमैं बेल्‍‍ले सैं तोंन्, तलेबिस्याँ स्‍वर्गर क्‍हेमैंए इनाम थेब तब्मुँ। छलेन स्‍योंम्बै अगमबक्‍तामैंलाज्यै या म्‍हिमैंइ ह्रुगुदिल।

मत्ती 5:4

शोक लब्‍मैंइ आशिक योंब्मुँ, तलेबिस्याँ परमेश्‍वरजी चमैंए सैं क्‍होल् लमिंब्‍मुँ।

लूका 6:21

ओ तोगो फो ख्रेंब्मैं, क्हेमैंइ आशिक योंब्मुँ तलेबिस्याँ क्‍हेमैंइ म्रेंन्ले चल् योंब्‍मुँ। तोगो क्रोब्‍मैंइ आशिक योंब्मुँ, तलेबिस्याँ क्‍हेमैं निस्‍योल् योंब्‍मुँ।

यूहन्‍ना 16:22

छलेन तोगो क्हेमैंलाइ शोक तमुँ। दिलेया ङ धबै क्‍हेमैंने त्‍होयुमा क्‍हेमैंए सैं बेल्‍ले तोंब्‍मुँ। धै खाबज्यै क्हेमैंलाइ सैं आतोंल् लल् खाँरिब् आरे।

चेला चिब्मैंए केमैं 16:25

दिलेया म्‍हुँइँस आधाजरे पावल नेरो सिलास प्राथना लदै परमेश्‍वरए क्वेमैं प्रिंरिमा झेल न्होंर मुँबै म्हिमैंइ थेरिल।

चेला चिब्मैंए केमैं 3:6

झाइले पत्रुसइ चने बिइ, “ङने मारा चाँदि आरे, दिलेया ङने तो मुँ चन् ङइ क्हिलाइ पिंस्यो। नासरतर्बै येशू ख्रीष्‍टए मिंर रेसि प्रह्‍याद्।”

चेला चिब्मैंए केमैं 5:41

झाइले चमैंए सैंर, म्हिमैंइ म्हि आच्जिल् ललेया येशूए मिंरि सैदिल् खाँब्मैं ङ्यो तइ ङ्हाँसि सैं तोंदै चमैं थेबै म्हि च्होंउँइँले त्होंह्‍याइ।

रोमी 11:12

यहूदीमैंइ पाप लमा ह्‍युलर्बै ताँन् म्‍हिमैंइ थेबै आशिक योंइ, धै यहूदीमैंए नोक्सनउँइँले अरू ह्रेंमैंइ थेबै आशिक योंइ। छतसि ताँन् यहूदीमैंइ बिश्‍वास लस्‍याँ ह्‍युलर्बै ताँन् म्‍हिमैंइ झन् थेबै आशिक योंब्‍मुँ।

रोमी 12:15

सैं तोंब्‍मैंने बालु सैं तोंन्, क्रोब्‍मैंने बालु क्रोद्।

रोमी 15:13

छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

रोमी 8:32

परमेश्‍वरजी ह्रोंसए घ्रिदे मुँबै च्‍हलाइ जोगेसि आथें, बरु ङ्यो ताँनए ल्हागिर ख्रो तबर पिंवाइ। ङ्योए ल्हागिर ह्रोंसए च्‍हलाइ पिंल् खाँबै परमेश्‍वरजी झन् अरू तोन्दोंरि सैमैं ङ्योलाइ आपिं रो वा?

रोमी 9:2

ताँ तो जा बिस्‍याँ, ङइ खोबै यहूदी म्हिमैंए बारेर ङए सैंर ल्हें दुःख नेरो पिर मुँ।

१ कोरिन्थी 1:5

छले येशू ख्रीष्‍टउँइँले दयाम्हाँया योंबइले क्हेमैं ताँन् सैमैंर प्ल्होइमुँ धै तोन्दोंरिर ह्रब् सेब् तसि पोंल् ह्रब् तइमुँ।

२ कोरिन्थी 2:4

तलेबिस्याँ क्हेमैंए सैं नल् लबर आङिं, बरु क्हेमैंए फिर ङइ कति थेबै म्हाँया लम् बिब क्हेमैंइ सेरिगे बिसि सैंर बेल्‍ले न्हुँ लसि क्रोदै क्‍हेमैंलाइ च प्ह्रिछ्या प्‍ह्रिल।

२ कोरिन्थी 4:15

तलेबिस्याँ ङिइ दुःख नोदै के लब क्‍हेमैंए ल्हागिर्न ग। खैले परमेश्‍वरए दयाम्हाँया ल्हें म्‍हिमैंइ योंइमुँ, छलेन परमेश्‍वरए मान कति थेब मुँ बिसि धन्‍यबाद पिंब्‍मैं या ल्हेंन् तब्मुँ।

२ कोरिन्थी 4:7

ताँन् भन्दा थेबै शक्‍ति ङिल आङिं, परमेश्‍वरलन् ग बिसि छेनाले उँइँमिंबै ल्हागिर चु सै न्होर ङि सए पुमैं धों तबै म्हिमैंने खीजी थेंमिंइमुँ।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

एफिसी 3:16

क्हेमैंए ल्हागिर ङइ छ बिसि प्राथना लइमुँ: परमेश्‍वरए बेल्‍ले थेबै सै न्होर क्हेमैंलाइ पिंसि खीजी ह्रोंसए पबित्र प्ल्हउँइँले क्‍हेमैंए सैं भोंब् लमिंरिगे।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

फिलिप्पी 2:17

क्‍हेमैंइ लबै येशू ख्रीष्‍टए फिर्बै बिश्‍वास परमेश्‍वरए मिंर ख्रो पिंब् धों ग। छतसि क्हेमैंइ परमेश्‍वरए मिंर पिंबै सैमैंए फिर ङइ ह्रोंसलाइन् ख्रो पिंल् त्हुलेया, ङए सैं तोंब्मुँ। छले क्हेमैं ताँनने ङ बेल्‍ले तोंइमुँ।

फिलिप्पी 4:4

छतसि प्रभुर खोंयोंन् बिलै सैं तोंन्। ङ धबै बिमुँ, सैं तोंन्।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

१ थेसलोनिकी 1:6

ङि नेरो प्रभुजी छ्ह खैले थोल क्हेमैंज्यै या छलेन् छ्ह थोइमुँ, तलेबिस्याँ ल्‍हें दुःख सैदिलेया परमेश्‍वरए पबित्र प्ल्हउँइँले सैं तोंन्‍ले क्‍हेमैंइ सैं तोंबै ताँ थेइ।

१ थेसलोनिकी 5:16

खोंयोंन् बिलै सैं तोंरिद्।

१ तिमोथी 4:8

तलेबिस्याँ ज्युए ल्हागिर लबै के तिस्याँदे मत्‍त्रे फायदा तम्। दिलेया परमेश्‍वरए घ्याँर प्रबै ल्हागिर तालिम लस्‍याँ ल्हें सैर फायदा तम्, तलेबिस्याँ चए रो चु छ्हर मत्‍त्रे आङिं अर्को छ्हरै या योंम्।

१ तिमोथी 6:18

चमैंइ छ्याँबै केमैं लरिगे, धै छ्याँबै केमैं लसि म्हिमैं ल्होब्मैं, पिंब्मैं तरिगे बिसि चमैंने बिद्।

हिब्रू 10:34

झेलर मुँब्‍मैंलाइ क्हेमैंइ ल्होमिंइ, ह्रोंसए सै न्होर अरूमैंइ लुडिवालेया क्‍हेमैं सैं तोंसिन् सैदिइ, तलेबिस्याँ क्‍हेमैंल च सै न्होर भन्दा थेब खोंयोंन् बिलै तरिबै स्वाबै सै न्होर मुँ बिसि क्‍हेमैंइ सेल।

याकूब 2:5

ओ ङए खोबै अलि-अङाँमैं, ङए ताँ थेद्, परमेश्‍वरजी चु ह्‍युलर्बै ङ्हाँदुमैंलाइ खीए फिर्बै बिश्‍वासर भोंब् लमिंसि स्वर्ग ग्याल्सर्बै हगवालमैं तबर त्हाँब, आङिं वा? खीलाइ म्हाँया लब्‍मैंने चु ग्याल्स पिंम् बिसि खीजी बाछा फैब, आङिं वा?

१ पत्रुस 4:13

बरु ख्रीष्‍ट बेल्‍ले थेबै मानर युमा क्हेमैं या सैं तोंल् योंरिगे बिसि खीजी सैदिब् धों तबै दुःख क्‍हेमैंज्यै या योंमा सैं तोंन्।

दर्शन 2:9

क्‍हिए दुःखमैं नेरो क्‍हि ङ्हाँदु मुँ बिब ङइ सेइमुँ। दिलेया क्‍हिम् क्‍ह्रोंसेंन प्लब मुँ। कोइ म्‍हिमैंइ ‘ङ यहूदी ग,’ बिमुँ, दिलेया चमैं यहूदीमैं आङिं, चमैं दुष्‍टए न्होंर टिब्‍मैं ग। चमैंइ क्‍हिए फिर पोंबै आछ्याँबै ताँमैं ङइ सेइमुँ।

दर्शन 21:7

दुष्‍टए फिर ट्होब्मैंइ चु ताँन् आशिकमैं योंब्मुँ। धै ङ चमैंए परमेश्‍वर तब्‍मुँ, चमैं या ङए प्हसेमैं तब्‍मुँ।