२ कोरिन्थी 5:2 - परमेश्‍वरए ताँ तमु क्युइर

² चु ज्युर मुँमा ङ्योलाइ दुःख तम्, स्वर्गर्बै ज्युर मुँमा दुःख आत। छतसि क्वें फेर्दिब् धोंलेन् ज्यु या फेर्दिल् योंस्याँ तमल बिबै सैं खम्।

२ कोरिन्थी 5:2 ပူးပေါင်းရင်းမြစ်များ

रोमी 7:24

ओहो, ङ खैबै ङ्‍हो आसबै म्‍हि! ङलाइ सैवाबै आछ्याँबै इच्‍छाए न्होंरउँइँले खाबइ ङ जोगेमिंब् ङ्‍हे?

रोमी 8:23

सृष्‍टि मत्‍त्रे आङिं, ङ्योज्‍यै या दुःखए सो सेंसिन् परमेश्‍वरए घ्‍याँ ङ्‌ह्‍योरिइमुँ। परमेश्‍वरजी लिउँइँ पिंबै ताँन् आशिकए फुइ तोगोइन खीए पबित्र प्ल्ह ङ्योए ल्हागिर पिंइमुँ। छतमा खीजी ङ्योलाइ खीए च्‍ह-च्हमिमैं लमिंसि जोगेमिंब्मुँ बिसि ङ्योइ घ्‍याँ ङ्‌ह्‍योरिइमुँ।

१ कोरिन्थी 15:51

थेद्, ङइ क्‍हेमैंने म्हिमैंइ क्होल् आखाँबै ताँ बिम्। ङ्यो न्होंरि को-कोइ सियालेया ताँन् सिरिब् आरे, दिलेया ङ्यो ताँनए से-कोए ज्यु मि चिब्‍लि लबर्न परमेश्‍वरजी फेर्दिवाब्‍मुँ।

फिलिप्पी 1:23

ङए सैं ङ्हिरि तइमुँ। चु ङ्हिरोबै छ्ह पिसि ख्रीष्‍टने बालु टिब ङए थेबै सैं मुँ, ङए ल्हागिरि च ताँ बेल्‍ले छ्याँब तमल।