२ कोरिन्थी 5:14 - परमेश्‍वरए ताँ तमु क्युइर

¹⁴ येशू ख्रीष्‍टजी ङ्योने म्हाँया लबइले ङ्यो खीए अधीनर मुँ, तलेबिस्याँ ताँन् म्‍हिमैंए ल्हागिर ख्रीष्‍ट सिमिंबइले ङ्यो ताँन् खीने बालुन् सिब् धोंन् तइ बिबै ताँ ङ्योइ सेइमुँ।

२ कोरिन्थी 5:14 ပူးပေါင်းရင်းမြစ်များ

मत्ती 20:28

छलेन म्हिए च्ह या अरूमैंउँइँले सेवा योंबर युब आङिं, दिलेया सेवा लबर नेरो ल्‍हें म्‍हिमैंए पापउँइँले फ्रेमिंबर ह्रोंसए ज्यु पिंबर युब् ग।”

लूका 15:24

तलेबिस्याँ चु ङए च्‍ह सियाल, दिलेया सोसि खइ; म्‍हयाल, दिलेया योंइ।’ छतसि चमैं सैं तोंदै भत्‍यार लसि चब् थुँब लबर होंइ।

लूका 15:32

तिंयाँ ङ्योइ भत्‍यार लसि बेल्‍ले सैं तोंल् त्‍हुम्। तलेबिस्याँ क्‍हिए अलि सियाल, सोसि खइ, म्‍हयालेया योंइ।’”

लूका 24:29

छतसि “म्‍हुँइँस तबर होंइ। तिंयाँ ङिने बालुन् टिमिंन्!” बिसि चमैंइ खीने कर ल्हैदिइ। छबिमा येशू चमैंने बालुन् टिबर धिं न्होंर होंइ।

यूहन्‍ना 1:29

प्‍हँन्हाँग्धों यूहन्‍नाइ येशू खरिब् म्रोंसि बिइ, “ङ्‌ह्‍योत्ति! ह्‍युलर्बै पाप नोइ बोयाबै परमेश्‍वरए क्‍यु झज।

यूहन्‍ना 11:25

येशूजी चने बिइ, “सियाब्‍मैं सोगों लमिंब नेरो खोंयोंइ आखाँबै छ्ह पिंब ङन् ग। ङए फिर बिश्‍वास लब्‍मैं सिलेया सोगों तब्‍मुँ।

यूहन्‍ना 5:25

क्ह्रोंसेंन ङ क्हेमैंने बिमुँ, च त्हे खसिन् मुँ, च त्हे तोगोन् ग। सियाब्‍मैंइ परमेश्‍वरए च्‍हए कै थेब्मुँ, धै च्हए कै थेब्मैं सोल् योंब्मुँ।

चेला चिब्मैंए केमैं 18:5

झाइले सिलास नेरो तिमोथी माकेडोनियाउँइँले फेखमा पावल अरू के आलल्‍ले परमेश्‍वरए ताँ बिमिंमल, धै “येशून् परमेश्‍वरजी कुल्मिंबै म्रुँ ख्रीष्‍ट ग!” बिसि यहूदीमैंने ग्वाइ पिंमल।

रोमी 2:2

परमेश्‍वरजी निसाफ लमा छाबै के लबै म्हिमैं दोषि ठर्दिम् बिबै ताँ ङ्योइ सेइमुँ।

रोमी 5:15

दिलेया चमैं ङ्हिंए के स्योन् मुँ: तलेबिस्याँ आदम बिबै म्‍हि घ्रिइ लबै पापउँइँले ल्हें म्‍हिमैं सिइ। दिलेया परमेश्‍वरए दयाम्हाँया नेरो येशू ख्रीष्‍ट बिबै म्‍हि घ्रिउँइँले ल्हें म्हिइ छलेन् आशिक योंइ।

रोमी 6:13

छलेन ह्रोंसए ज्युर्बै भागमैंलाइ पाप केमैं लबर आल्हैदिद्। बरु सिबइले धबै सोगों तबै म्‍हि धोंले छ्याँबै के लबै ल्हागिर ह्रोंसलाइन परमेश्‍वरए योर पिंवाँन्।

रोमी 6:6

ङ्योइ पाप आलरिगे धै ङ्यो पापए न्होंर आटिरिगे बिसि परमेश्‍वरजी ङ्योए ओंसोंबै छ्ह येशू ख्रीष्‍टने बालु क्रूसर च्योवाइमुँ बिब ङ्योइ सेइमुँ।

१ कोरिन्थी 16:22

प्रभुलाइ म्हाँया आलबै म्हिइ सराप योंरिगे। ओ प्रभु यु।

१ कोरिन्थी 2:14

पबित्र प्ल्ह आरेबै म्हिमैंइ परमेश्‍वरजी बिबै ताँ क्होल् आखाँ। च ताँ चमैंए ल्हागिर केर आफेबै ताँ धों तम्, तलेबिस्याँ पबित्र प्ल्हजी पिंबै ज्ञान-बुद्धिउँइँले मत्‍त्रे च ताँमैं क्होल् खाँम्।

२ कोरिन्थी 3:7

परमेश्‍वरजी मोशालाइ पिंबै ठिम युँमा प्‍लानर कुन्दिथेंल। च युँमार प्‍ह्रिबै ठिम म्‍हिमैंलाइ पिंमा परमेश्‍वरए थेबै ह्‍वे चारइ। च थेबै ह्‍वे मदुरो तदै ह्‍यालेया इस्राएलीमैंइ मोशाए लि ङ्ह्‍योल् आखाँमल।

२ कोरिन्थी 3:9

म्हिमैंलाइ दोषि ठर्दिबै ठिमै या छले चारल बिस्याँ, झन् म्हिमैंलाइ ठिक ठर्दिमिंबै के बेल्‍ले चारब्मुँ।

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

एफिसी 6:24

छले ङ्योए प्रभु येशूए फिर म्हाँया लब्मैं ताँनने खोंयोंन् बिलै परमेश्‍वरए दयाम्हाँया तरिगे।

कलस्सी 2:13

ओंसों क्‍हेमैं ह्रोंसए पाप नेरो ज्युर चिनु आलबइले सिरिल, दिलेया परमेश्‍वरजी ङ्योए ताँन् पाप क्षमा लमिंसि ख्रीष्‍टने बालुन् सोगों लमिंइ।

कलस्सी 3:3

तलेबिस्याँ क्‍हेमैं चु ह्‍युलए ल्हागिर सिल् खाँइमुँ, धै क्हेमैंए क्ह्रोंसेंन्बै छ्ह ख्रीष्‍टने बालुन् परमेश्‍वर ङाँर लोथेंइमुँ।

१ तिमोथी 2:6

खीजी ह्रोंसलाइन पिंसि क्रूसर पापए छे फोमिंसि म्‍हिमैं पापउँइँले फ्रेमिंइ, छले परमेश्‍वरजी ताँन् म्हिमैंइ खोंयोंइ आनुबै छ्ह योंरिगे बिबै प्रमाण ठिक त्हेर उँइँमिंइ।

१ तिमोथी 5:6

दिलेया म्हरेस्यो तसेया च खै तदा ङ्हाँमुँ छान् तप्रस्याँ सोगोंन् तलेया सियाब् धोंन् तब् ग।

तीतस 3:3

तलेबिस्याँ ओंसों ङ्योइ या आमादु, बिब आङिंब, आतबै केर प्रब, सयल लब, आगुए फिर ह्रिस लब, आगुइ ङ्योलाइ हेल लमल, ङ्योज्यै या अरूलाइ हेल लमल।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

हिब्रू 6:10

क्‍हेमैंइ छ्याँबै के लइमुँ, क्‍हेमैंइ परमेश्‍वरलाइ म्हाँया लइमुँ बिब उँइँबै ल्हागिर खीए म्‍हिमैंलाइ ल्होरिइमुँ, अझै क्‍हेमैंइ ल्होरिमुँ। क्‍हेमैंइ लबै छ्याँबै के परमेश्‍वरजी म्‍लेरिब् आरे, तलेबिस्याँ खीजी ठिक निसाफ लम्।

१ पत्रुस 1:8

क्‍हेमैंइ येशू ख्रीष्‍टलाइ खोंयोंइ आम्रोंइमुँ, दिलेया खीलाइ म्हाँया लरिइमुँ। खीलाइ तोगो आम्रोंलेया खीए फिर बिश्‍वास लइमुँ। धै बेल्‍ले सैं तोंरिइमुँ,

१ यूहन्‍ना 5:19

ङ्योइ चु ताँ या सेइमुँ: चु ह्‍युलर्बै म्‍हिमैं दुष्‍टए न्होंर मुँ, ङ्यो बिस्याँ परमेश्‍वरए म्हिमैं ग।