२ कोरिन्थी 5:13 - परमेश्‍वरए ताँ तमु क्युइर

¹³ “ङिए सैं क्ल्ह्‍योर आरे,” बिसि म्हिमैंइ मैंस्याँ च परमेश्‍वरए ल्हागिर्न ग। ङिए सैं क्ल्ह्‍योर मुँस्‍याँ, च क्‍हेमैं छ्याँब् तबै ल्हागिर्न ग।

२ कोरिन्थी 5:13 ပူးပေါင်းရင်းမြစ်များ

मर्कूस 3:21

चु ताँ थेसि येशूए परवाइ खी किंबर खइ, तलेबिस्याँ म्हिमैंइ “येशूए सैं क्ल्ह्‍योर आरे” बिमल।

रोमी 12:3

परमेश्‍वरजी ङलाइ खीए दयाम्हाँया पिंबइले ङइ क्‍हेमैं ताँनने यो छ्युँ लमुँ: ह्रोंसलाइ थेब आमैंन्, परमेश्‍वरजी क्हिलाइ पिंबै बिश्‍वास अनुसार ह्रोंस खैतब् मुँ छाबन् मैंन्।

२ कोरिन्थी 11:1

ङ तोइ बुद्धि आरेबै म्हि धों तलेया क्‍हेमैंइ सैदिल् खाँस्‍याँ छ्याँब तमल बिब ङए सैं मुँ। गार आम्हाँदिल्‍ले ङए ताँ थेमिंन् ओ!

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।

२ कोरिन्थी 12:6

ङइ प्हैंबै सैं ललेया ङ बुद्धि आरेब् धों आत, तलेबिस्याँ ङइ क्ह्रोंसेंन्बै ताँ मत्‍त्रे पोंमल। दिलेया छाबै ताँर ङ थेब् प्‍हैंदा आङ्हाँ। तलेबिस्याँ म्‍हिमैंइ ङइ तो लब म्रोंइमुँ, ङउँइँले तो ताँ थेइमुँ, च भन्दा बडि चमैंइ ङलाइ आमैंरिगे बिब ङए सैं मुँ।

२ कोरिन्थी 7:12

ङइ च प्ह्रिछ्या आछ्याँबै के लबै म्हिलाइ हौदिबर मत्‍त्रे आङिं, झाइले सैदिबै म्हिलाइ ल्होबरै या आङिं, परमेश्‍वरए उँइँर क्हेमैंइ ङिए फिर कति थेबै म्हाँया लइमुँ बिब क्हेमैंइ सेरिगे बिसि प्‍ह्रिब् ग।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

१ थेसलोनिकी 1:5

तलेबिस्याँ ङिइ क्हेमैंने सैं तोंबै ताँ ओंसोंन् बिमिंमा ङिए सुँइ मत्‍त्रे पोंब आङिं, परमेश्‍वरए पबित्र प्ल्ह नेरो भोंउँइँले बिब् ग। चु ताँ क्ह्रोंसेंन् ग बिब सैं न्‍होंर था सेसि ङि क्‍हेमैं ङाँर युइ। क्‍हेमैंए म्‍हाँजोर टिमा क्‍हेमैंए ल्हागिर्न ङिइ खैले त्हिंइ थोल बिसि क्‍हेमैंज्यै सेइमुँ।

२ तिमोथी 2:10

छतसि परमेश्‍वरजी त्हाँबै म्‍हिमैंइ ख्रीष्‍ट येशूउँइँले खोंयोंइ आखाँबै छ्ह योंल् खाँरिगे बिबै ल्हागिर ङए फिर खैतबै दुःखन् तलेया ङ सैदिम्।