२ कोरिन्थी 4:8 - परमेश्‍वरए ताँ तमु क्युइर

⁸ ङिइ खन्तोंदोंउँइँले दुःख योंइमुँ, दिलेया आप्लेइमुँ। खैला-तोला तसि सैं ङ्हिरि तनाबिलेया ङिए सैं च्योंब आतइमुँ।

२ कोरिन्थी 4:8 ပူးပေါင်းရင်းမြစ်များ

भजनमैं 129:2

“ङ कोलो मुँब् ओंनोन् चमैंइ ङए फिर ल्हें खे दुःख पिंइमुँ। दिलेया चमैंइ ङलाइ ट्होल् आखाँइमुँ।

भजनमैं 37:33

दिलेया ठिक के लबै म्हिमैंलाइ याहवेहजी दुष्‍ट म्हिमैंए योर पिरिब् आरे, धै निसाफ तमै या खीजी चमैंलाइ छ्याब् आरेबन् ठर्दिमिंब्मुँ।

हितोपदेश 14:26

याहवेहने ङ्हिंबै म्हिइ रक्षा योंम्, धै चए प्हसेमैंए ल्हागिर खी लोबै क्ल्ह्‍यो तब्मुँ।

हितोपदेश 18:10

याहवेहए मिं बेल्‍ले भोंबै धरर धों ग; छतसि ठिक के लब्मैं चर ह्‍यामा ग्वार योंम्।

यूहन्‍ना 14:18

“ङइ क्हेमैं आबा आरेब्मैं धोंले पिथेंरिब् आरे। ङ धबै क्हेमैं ङाँर युब्मुँ।

१ कोरिन्थी 10:13

म्हिए फिर तखबै जाँच बाहेक अरू जाँच क्‍हेमैंए फिर आतइमुँ। दिलेया परमेश्‍वर भर लल् खाँब मुँ, खीजी फैबै बाछा पूरा लम्। छतसि क्‍हेमैंइ सैदिलै आखाँबै जाँचर खीजी फेल् आपिं। जाँचर फेमा सैदिल् खाँरिगे बिसि खीजी क्हेमैंलाइ जाँचउँइँले स्योरल् खाँबै घ्याँ या पिंमुँ।

२ कोरिन्थी 12:10

छतसि ख्रीष्‍टए मिं थेब् तरिगे बिसि ङ आखाँ आथुलेया, म्‍हिमैंइ ङलाइ प्ह्रलेया, सैदिलै आखाँबै दुःख तलेया ङ सन्‍दोक तम्, तलेबिस्याँ आभोंबै त्हेरै या ङ बेल्‍ले भोंब् तम्।

२ कोरिन्थी 6:12

ङिइमि क्‍हेमैंए फिर बेल्‍ले म्हाँया लइमुँ, बरु क्‍हेमैंइ गो ङिए फिर म्हाँया आलब् धों तइमुँ।

२ कोरिन्थी 6:4

बरु ङि “परमेश्‍वरए के लबै चेलामैं मुँन” बिब म्‍हिमैंइ सेरिगे बिसि ङिइ खोंयोंन् बिलै छ्याँबै के लसि उँइँम्। खैतबै दुःखन् तलेया ङिइ सैदिम्।

२ कोरिन्थी 7:5

ङि माकेडोनिया ह्‍युलर फेनेसि तीतसइ पबै सँउँसर आयोंन् समा सन्‍दोक आरेल। चर ङिइ तो के ललेया खन्तोंदोंउँइँले दुःखन् तखइ, म्हिमैं ङिने प्‍होंमल, ङिए सैं ङ्हिंमल।

गलाती 4:20

ङ तोगोन् क्‍हेमैं ङाँर मुँस्याँ ङइ छले ताँ लल् आत्हुमल। ङ तोगो क्हेमैं ङाँइले ह्रेंगो मुँ, छतसि क्‍हेमैंने खैले ताँ लल् त्हुम् बिसि ङ अलमल् तइमुँ।