२ कोरिन्थी 4:11 - परमेश्‍वरए ताँ तमु क्युइर

¹¹ सिसि ह्‍याल् त्हुबै ङिए ज्युउँइँले या अरूमैंइ येशूजी थोबै छ्ह म्रोंरिगे बिसि ङि सोगों मुँमा खोंयोंन् बिलै येशूए ल्हागिर कालए सुँर्न फेनेम्।

२ कोरिन्थी 4:11 ပူးပေါင်းရင်းမြစ်များ

भजनमैं 141:7

चमैंइ बिब्मुँ, “खैले क्होर क्ल्योब्मैंइ म्रों क्ल्योसि डल्‍ल तिवामुँ, छलेन ङ्योए ह्रिबमैं क्रोंए सुँर सग्याँ-प्हुँग्या तब्मुँ।”

भजनमैं 44:22

छले सैबर बोबै क्यु धोंन् ङि तइमुँ, क्हिए ल्हागिर ङि खोंयोंन् बिलै सिब् धोंन् तल् त्हुइमुँ।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

रोमी 8:36

(ङ्योए फिर दुःख तम् बिबै ताँ परमेश्‍वरए छ्वेर छले बिइमुँ: “ओ परमेश्‍वर, क्‍हिए फिर ङिइ बिश्‍वास लबइले ङि त्‍हिंइतिमिन् सिब् धोंन् तल् त्हुम्, ङि सैबर होंबै क्युमैं धोंन् तइमुँ।”

१ कोरिन्थी 15:31

ओ अलि-अङाँमैं, ङ्योए प्रभु येशूए फिर क्हेमैंइ बिश्‍वास लबइले ङए सैं भोंइमुँ। छतसि प्रभुए के लबर ङ त्हिंइ ह्रोंसे या सिल् खाँम्।

१ कोरिन्थी 15:49

खैले ङ्यो सउँइँले बनेबै म्हि आदम धोंन् ब्योंब् तइ, छलेन ङ्यो स्‍वर्गर्बै म्हि धोंन् ब्योंब् तब्‍मुँ।

२ कोरिन्थी 4:10

येशूजी थोब् धों तबै छ्ह ङिज्यै या थोल् खाँरिगे बिसि ङिए ल्हागिर खी सिमिंबै दुःख मैंसि ङिज्यै या ह्रोंसए ज्युर्न खोंयोंइ बिलै दुःख नोप्रम्।

२ कोरिन्थी 4:12

छले येशूउँइँले खबै सैं तोंबै ताँ बिप्रमा ङि सिब् धों तलेया क्‍हेमैंइ खोंयोंइ आखाँबै छ्ह योंइमुँ।

२ कोरिन्थी 5:4

चु ज्युर मुँमा ङ्योए फिर ल्हें दुःखमैं तमा ङ्योइ दुःखए सो हेंम्। दिलेया ङ्यो क्लुना तरिगे बिसि आङिं, झन ल्हें छ्याँबै क्वेंमैं खिल् योंरिगे, धै चु सिसि क्राँयाबै ज्यु खोंयोंइ आसिबै प्ल्हर्बै ज्यु तरिगे बिबै सैं खम्।

२ कोरिन्थी 6:9

ङिलाइ खाबज्यै ङो आसे बिलेया ताँनइ ङो सेइमुँ। ङि सियाब् धों तलेया ङि अझै सोगोंन् मुँ। ङिलाइ सजैं पिंलेया तिंयाँ समा आसैइमुँ।