२ कोरिन्थी 4:10 - परमेश्‍वरए ताँ तमु क्युइर

¹⁰ येशूजी थोब् धों तबै छ्ह ङिज्यै या थोल् खाँरिगे बिसि ङिए ल्हागिर खी सिमिंबै दुःख मैंसि ङिज्यै या ह्रोंसए ज्युर्न खोंयोंइ बिलै दुःख नोप्रम्।

२ कोरिन्थी 4:10 ပူးပေါင်းရင်းမြစ်များ

यूहन्‍ना 14:19

तारे तिस्‍याँदे लिउँइँ ह्‍युलर्बै म्हिमैंइ ङ म्रोंरिब् आरे। दिलेया क्हेमैंइ बिस्याँ ङ म्रोंब्मुँ। ङ सोगों तबइले क्हेमैं या सोगों तरिब्मुँ।

रोमी 6:5

येशू सिमिंबइले ङ्यो या खीनेन् घ्रिन् तइमुँ बिस्याँ, येशू धबै सोगों तब् धोंले ङ्यो या धबै सोगों तब्‍मुँ।

रोमी 6:8

ङ्यो ख्रीष्‍टने बालुन् सिइमुँ बिस्याँ, खीने बालुन् सोब्मुँ बिसि ङ्योइ बिश्‍वास लम्।

रोमी 8:36

(ङ्योए फिर दुःख तम् बिबै ताँ परमेश्‍वरए छ्वेर छले बिइमुँ: “ओ परमेश्‍वर, क्‍हिए फिर ङिइ बिश्‍वास लबइले ङि त्‍हिंइतिमिन् सिब् धोंन् तल् त्हुम्, ङि सैबर होंबै क्युमैं धोंन् तइमुँ।”

२ कोरिन्थी 1:5

ख्रीष्‍टजी ल्हें दुःख नोब् धोंले ङ्योज्यै या दुःख नोइबिस्‍याँ ख्रीष्‍टजी ङ्योए सैं क्होमिंम्।

२ कोरिन्थी 1:9

तारेम् च्हगन् तइ ङिम् सिबन् मुँन बिब् समन् ङिइ मैंयाल। दिलेया ङिइ ह्रोंसए फिर भर आलरिगे बरु सिब्‍मैंलाइ सोगों लमिंबै परमेश्‍वरए फिर भर लरिगे बिसि छ तब् मुँन।

२ कोरिन्थी 13:4

तलेबिस्याँ भों आरेबै म्हि धों तसि खी क्रूसर च्‍योसि सिइ, दिलेया परमेश्‍वरए शक्‍तिजी खीलाइ धबै सोगों लमिंइ। येशूने घ्रिन् तमा ङि भों आरेब्मैं तलेया क्‍हेमैं छ्याँब् तरिगे बिबै ल्हागिर परमेश्‍वरजीन् ङिलाइ ख्रीष्‍टजी थोब् धों तबै छ्ह थोबै भों पिंब्मुँ।

२ कोरिन्थी 4:11

सिसि ह्‍याल् त्हुबै ङिए ज्युउँइँले या अरूमैंइ येशूजी थोबै छ्ह म्रोंरिगे बिसि ङि सोगों मुँमा खोंयोंन् बिलै येशूए ल्हागिर कालए सुँर्न फेनेम्।

गलाती 6:17

आखिरि ताँ: तारे खाबज्यै ङलाइ दुःख आपिंरिगे, तलेबिस्याँ ङइ ङए ज्युर येशूए ल्हागिर सैदिबै घामैंए डाम नोइमुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

२ तिमोथी 2:11

चु ताँनइ क्वेंल् त्हुबै ताँ ग: “ङ्यो खीने बालुन् सिइमुँ बिस्‍याँ खीने बालुन् सोगों तसि रेब्मुँ।

१ पत्रुस 4:13

बरु ख्रीष्‍ट बेल्‍ले थेबै मानर युमा क्हेमैं या सैं तोंल् योंरिगे बिसि खीजी सैदिब् धों तबै दुःख क्‍हेमैंज्यै या योंमा सैं तोंन्।

१ पत्रुस 4:14

क्‍हेमैंइ ख्रीष्‍टए फिर बिश्‍वास लबइले म्‍हिमैंइ क्‍हेमैंए आब्रु वास्‍याँ सैं तोंन्, तलेबिस्याँ छाबै त्हेर ताँन् भन्दा थेबै मान मुँबै परमेश्‍वरए पबित्र प्ल्ह क्‍हेमैंने तब्मुँ।

दर्शन 1:17

खीलाइ म्रोंमा ङ सिब् धोंन् तसि खीए प्‍हलेर पत्गु तइ। दिलेया खीए क्‍योलो यो ङए फिर थेंसि खीजी बिइ, “आङ्हिंन्, ताँन् भन्दा ओंसोंबै नेरो ताँन् भन्दा लिउँइँबै ङन् ग।