२ कोरिन्थी 3:3 - परमेश्‍वरए ताँ तमु क्युइर

³ ङिइ लबै केमैंए रो नेरो ख्रीष्‍टजी प्‍ह्रिबै प्ह्रिछ्या क्‍हेमैंन् ग। मसिइ प्‍ह्रिबै प्ह्रिछ्या क्हेमैं आङिं, क्हेमैंने मुँबै प्ह्रिछ्या खोंयोंन् बिलै तरिबै परमेश्‍वरए प्ल्हजी प्‍ह्रिब् ग। चु युँमा प्‍लानर प्ह्रिब् धोंबै प्ह्रिछ्या आङिं, क्‍हेमैंए खोंर्न प्‍ह्रिथेंबै प्ह्रिछ्या ग।

२ कोरिन्थी 3:3 ပူးပေါင်းရင်းမြစ်များ

भजनमैं 40:8

ओ ङए परमेश्‍वर, क्हिजी ङने ल्हैदिबै के ङइ सैं तोंन्ले लम्, तलेबिस्याँ क्हिए ठिम ङए सैंर मुँ।”

भजनमैं 42:2

क्हि खोंयोंन् बिलै तरिबै परमेश्‍वरने खोंयों त्होनेब् ङ्‍हे बिसि ङए सोइ क्हिलाइन म्हैरिमुँ।

भजनमैं 84:2

याहवेहए धिंर टिबै ल्हागिर ङए सोइ थेबै इच्छा लम्, धै मूर्छ तम्; ङए खों नेरो ज्युइ सैं तोंसि खोंयोंन् बिलै तरिबै परमेश्‍वरलाइ क्वे प्रिंम्।

प्रस्थान 24:12

याहवेहजी मोशाने बिइ, “कोंर ङ ङाँर खसि टिद्। क्हिइ म्हिमैंलाइ लोमिंरिगे बिसि ङइ ठिम नेरो लल् त्हुबै ताँमैं युँमाए प्लनार प्ह्रिइमुँ। च युँमा क्हिलाइ पिंब्मुँ।”

प्रस्थान 31:18

याहवेहजी सिनै कोंर मोशाने ताँ लल् खाँबै लिउँइँ खीए योरिंइ प्ह्रिबै युँमाए प्लना ङ्हिं खीजी मोशालाइ पिंइ।

प्रस्थान 32:15

झाइले परमेश्‍वरजी लद् बिबै ताँमैं हार ङ्हिर्न प्ह्रिबै युँमाए प्लना ङ्हिं योर किंसि मोशा कोंउँइँले तयुइ।

प्रस्थान 34:1

याहवेहजी मोशाने बिइ, “ओंसोंबै धोंलेन् युँमाए प्लना ङ्हिं थोसि पखो। क्हिइ ओंसों तिवाबै युँमाए प्लनार प्ह्रिबै ताँमैं च युँमाए प्लनार ङइ प्ह्रिब्मुँ।

हितोपदेश 3:3

क्हिइ खोंयोंइ बिलै ताँनलाइ म्हाँया लरिद्, धै भर लल् खाँब तरिद्; च ताँमैं क्हिइ ह्रोंसए खरिर माला धोंले खिरिद्, धै क्हिए खों न्होंर प्ह्रिथेंन्।

हितोपदेश 7:3

योर च्या खिब् धोंले ङइ बिबै अर्थिमैं सैंर थेंन्; धै क्हिए खोंर प्ह्रिथेंन्।

मत्ती 16:16

सिमोन पत्रुसइ बिइ, “क्‍हिम् खोंयोंन् बिलै तरिबै परमेश्‍वरए च्ह, खीजी कुल्मिंबै जोगेमिंबै म्रुँ ख्रीष्‍ट ग।”

१ कोरिन्थी 3:5

अपोल्‍लोस खाब् जा? ङै या खाब् जा? ङिम् परमेश्‍वरए के लबै म्‍हिमैं मत्‍त्रे ग। ङिउँइँले क्‍हेमैंइ खीए फिर बिश्‍वास लइ। खीजी खटिदिबै के ङि लमुँ।

२ कोरिन्थी 3:6

छारा बाछार्बै के लल् खाँब्मैं खीजी ङिलाइ लमिंइ। च बाछा म्‍हिइ प्‍ह्रिबै ठिम आङिं, दिलेया पबित्र प्ल्हजी फैबै बाछा ग। तलेबिस्याँ म्‍हिइ प्ह्रिबै ठिम म्हाँदिल् आखाँबइले ताँन् म्‍हि सिल् त्‍हुमल, दिलेया पबित्र प्ल्हजी ङ्योलाइ पापउँइँले फ्रेमिंसि छारा छ्ह पिंम्।

२ कोरिन्थी 3:7

परमेश्‍वरजी मोशालाइ पिंबै ठिम युँमा प्‍लानर कुन्दिथेंल। च युँमार प्‍ह्रिबै ठिम म्‍हिमैंलाइ पिंमा परमेश्‍वरए थेबै ह्‍वे चारइ। च थेबै ह्‍वे मदुरो तदै ह्‍यालेया इस्राएलीमैंइ मोशाए लि ङ्ह्‍योल् आखाँमल।

२ कोरिन्थी 6:16

ङ्यो परमेश्‍वर टिबै क्‍ल्‍ह्‍यो तबइले ङ्योइ कु म्हाँदिल् खाँम्मा? आखाँ! तलेबिस्याँ ङ्योए ज्यु क्ह्रोंसेंन खोंयोंइ तरिबै परमेश्‍वर टिबै क्‍ल्‍ह्‍यो ग। परमेश्‍वरजी ङ्योए बारेर छ बिइमुँ: “ङए म्‍हिमैंने ङ टिब्‍मुँ, झाइले चमैंने प्रब्मुँ। ङ चमैंए परमेश्‍वर तब्‍मुँ, झाइले चमैं ङए म्हिमैं तब्‍मुँ।”

१ थेसलोनिकी 1:9

तलेबिस्‍याँ ङि क्हेमैं ङाँर खमा क्हेमैंइ ङिलाइ बेल्‍ले मान लइ, धै क्‍हेमैंइ कु (मूर्ति) फ्योब पिसि क्‍ह्रोंसेंन्‍बै परमेश्‍वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ।

हिब्रू 10:16

“चु त्हिंइ लिउँइँ चमैंने फैबै ङए बाछा चुन् ग, ङइ चमैंए खोंर ङए ठिम थेंमिंब्‍मुँ, धै चमैंए सैंर ङए ठिम प्‍ह्रिमिंब्‍मुँ।”

हिब्रू 8:10

“दिलेया चु त्‍हिंइ लिउँइँ, बिसि याहवहजी बिइमुँ। ङ इस्राएलए सन्तानमैंने छाबै बाछा फैब्‍मुँ: चमैंए सैंर ङए ठिम थेंमिंब्‍मुँ, धै चमैंए खोंर च ठिममैं प्‍ह्रिमिंब्‍मुँ। ङ चमैंए परमेश्‍वर तब्‍मुँ, धै चमैं ङए म्हिमैं तब्‍मुँ।

हिब्रू 9:14

ख्रीष्‍टए पबित्र कोजी झन् ङ्योए आछ्याँबै सैंलाइ कति छेनाले ख्रुमिंमुँ। तलेबिस्याँ खीजी परमेश्‍वरए प्ल्हउँइँले ह्रोंसलाइ तोइ खोट आरेबै ख्रो तसि परमेश्‍वरलाइ पिंवाइ। छतसि ख्रीष्‍टए कोजी ङ्योए सैंलाइ छेनाले चोखो लमिंबइले ङ्योइ सोगों परमेश्‍वरए सेवा लल् खाँम्।

दर्शन 2:1

“एफिसस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “मुसारा ङिउलो क्‍योलो योर छेसि माराए पानस ङिउलोए म्‍हाँजोर प्रबै येशूजी चु ताँ बिइमुँ:

दर्शन 2:12

“पर्गामम नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “छ्यारबै दोहोरो धार मुँबै सेलाँ मुँबै येशूजी चु ताँ बिइमुँ:

दर्शन 2:18

“थिआटिर नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ मिए राब धों तबै मि नेरो टल्‍कदिबै पित्तल धों तबै प्‍हले मुँबै परमेश्‍वरए च्‍हजी बिइमुँ:

दर्शन 2:8

“स्‍मुर्ना नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ ओंसों ओनोंन् मुँब नेरो लिउँइँ समा तरिबै येशूजी बिइमुँ, ङ सियाल, दिलेया धबै सोगों तइ।

दर्शन 3:1

“सार्डिस नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “चु ताँ परमेश्‍वरए प्ल्ह ङि नेरो मुसारा ङि मुँबै येशूजी बिइमुँ: क्‍हेमैंइ लबै के ङइ सेइमुँ। म्हिमैंइमि क्‍हेमैं सोगोंन् मुँ ङ्हाँइमुँ, दिलेया क्‍हेमैं सियाइमुँ।

दर्शन 3:14

“लाउडिकिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “भर लल् खाँब नेरो क्ह्रोंसेंन्बै ग्वाइ पिंबै येशूजी चु ताँ बिइमुँ: ङउँइँले परमेश्‍वरजी तोन्दोंरि सै बनेइमुँ, छतसि ङ आमेन ग।

दर्शन 3:22

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे।”

दर्शन 3:7

“फिलाडेल्‍फिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “पबित्र नेरो क्ह्रोंसेंन्बै ताँ पोंबै येशूजी चु ताँ बिइमुँ: ङने स्‍योंम्‍बै दाऊद म्रुँए साँजु मुँ। छतसि ङइ थोंबै म्रा खाबज्‍यै तोरल् आखाँ, छलेन ङइ तोरबै म्रा खाबज्‍यै थोंल् आखाँ।