२ कोरिन्थी 3:14 - परमेश्‍वरए ताँ तमु क्युइर

¹⁴ मोशाए मोंड क्वेंइ हुब् धोंले इस्राएलथेंमैंए सैं या हुथेंब् धोंन् तइमुँ। छतसि तिंयाँ समै या ठिम खेमा चमैंइ परमेश्‍वरए ताँ क्‍होल् आखाँ। ख्रीष्‍ट येशूजी मत्‍त्रे च हुथेंबै क्‍वें स्‍योवासि परमेश्‍वरए ताँ क्होमिंल् खाँम्।

२ कोरिन्थी 3:14 ပူးပေါင်းရင်းမြစ်များ

भजनमैं 69:23

छेनाले म्रोंल् आखाँरिगे बिसि चमैंए मि मिछु तरिगे, धै चमैंए क्रे खोंयोंन् बिलै कुदुँ तरिगे।

मत्ती 13:11

छबिमा येशूजी चमैंने बिइ, “परमेश्‍वरजी स्‍वर्गर्बै ग्याल्सए न्होंर्बै ताँमैं क्‍हेमैंलाइ सेल् पिंइमुँ। दिलेया अरू म्हिमैंलाइ बिस्‍याँ खीजी चुए बारेर सेल् आपिंइमुँ।

मत्ती 16:17

येशूजी चने बिइ, “ओ, योनाए च्‍ह सिमोन, क्‍ह्रोसेंन क्‍हिइ आशिक योंइमुँ! तलेबिस्याँ छाबै ताँ क्‍हिइ म्‍हिउँइँले था सेब आङिं, दिलेया स्‍वर्गर मुँबै ङए आबाजी क्हिलाइ सेल् पिंब् ग।

मत्ती 6:23

दिलेया क्‍हिए मिइ म्रोंल् आखाँ बिस्याँ क्‍हिए ज्यु ताँन् मिछु तब्‍मुँ। छतसि क्‍हिए खों न्होंर मुँबै बत्ति मिछु त‍याइ बिस्याँ क्‍हिए छ्ह या मिछु खैबन् तयाब्मुँ।

यूहन्‍ना 12:40

ङइ चमैंलाइ सल् लमिंल् आत्हुरिगे बिसि चमैंए मिइ आम्रोंरिगे, खोंइ आक्होरिगे, धै चमैं सैं एसि ङ ङाँर आखरिगे बिसि ङइ चमैंए मि म्रोंल् आखाँब् लमिंइँमुँ, धै चमैंए खों सारो लमिंइँमुँ, बिसि परमेश्‍वरजी बिइमुँ।

यूहन्‍ना 12:46

ङए फिर बि‍श्‍वास लब्मैं मिछु खैबर टिल् आत्हुरिगे बिसि ङ ह्‍युलर चारबै ह्‍वे तसि युइमुँ।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

चेला चिब्मैंए केमैं 13:15

झाइले म्हिमैंइ मोशाइ पिंबै ठिम नेरो अगमबक्‍तामैंए कितब खेबै लिउँइँ च्हों धिंर्बै चिब्मैंइ, “ओ अलि-अङाँमैं, क्हेमैंने म्हिमैंए ल्हागिरि अर्तिए ताँमैं तोइ मुँस्याँ बिमिंन्,” बिसि पावल नेरो चए थुमैं ङाँर सँउँसर पिमिंइ।

चेला चिब्मैंए केमैं 15:21

तलेबिस्याँ ओंसोंबै पुस्ता ओनोंन् सहर सहरजरे मोशाए ठिम प्रचार तरिइमुँ, तलेबिस्याँ प्रिबै त्हिंइ ह्रोंसे चु ताँ च्हों धिंमैंर खेरिइमुँ।”

चेला चिब्मैंए केमैं 16:14

छले ताँ सेरिमा थिआटीरा सहरर्बै कलाँजी रङबै क्वेंए छों लबै च्हमिरि घ्रि चर्न मुँल। चए मिं लिडिया मुँल। चइ परमेश्‍वर म्हाँदिमल धै पावलइ पोंबै ताँ छेनाले थेरिगे बिसि प्रभुजी चए खों थोंमिंइ।

चेला चिब्मैंए केमैं 26:18

चमैं मिछु खैबाउँइँले चारबै व्हेर खरिगे धै दुष्‍टए शक्‍तिउँइँले फ्रेसि परमेश्‍वरउँइँ एरिगे बिसि क्हिइ चमैंए मि थोंमिंन्। छले चमैंइ पापए क्षमा योंब्मुँ धै ङए फिर बिश्‍वास लसि पबित्र तबै म्हिमैं टिबै क्ल्ह्‍योर चमैं टिल् योंब्मुँ।’

रोमी 11:25

ओ अरू ह्रेंर्बै अलि-अङाँमैं, क्‍हेमैं थेब आप्हैंरिगे बिसि क्हेमैंइ चु खास ताँ घ्रि क्होल् त्हुम्: परमेश्‍वरजी त्‍हाँबै अरू ह्रेंर्बै ताँन् म्‍हिमैंइ येशू ख्रीष्‍टए फिर बिश्‍वास आलन् समा मत्‍त्रे यहूदीमैंइ सैं सारो लब्मुँ।

२ कोरिन्थी 3:15

ओं, तिंयाँ समै या चमैंए सैं हुथेंब् धोंन् तइमुँ। छतसि चमैंइ मोशाए ठिम खेमा तोइ क्‍होल् आखाँ।

२ कोरिन्थी 3:6

छारा बाछार्बै के लल् खाँब्मैं खीजी ङिलाइ लमिंइ। च बाछा म्‍हिइ प्‍ह्रिबै ठिम आङिं, दिलेया पबित्र प्ल्हजी फैबै बाछा ग। तलेबिस्याँ म्‍हिइ प्ह्रिबै ठिम म्हाँदिल् आखाँबइले ताँन् म्‍हि सिल् त्‍हुमल, दिलेया पबित्र प्ल्हजी ङ्योलाइ पापउँइँले फ्रेमिंसि छारा छ्ह पिंम्।

२ कोरिन्थी 4:6

“मिछु खैबै क्‍ल्‍ह्‍योउँइँले ह्‍वे चाररिगे” बिसि परमेश्‍वरजी बिइ। येशू ख्रीष्‍टए लिउँइँले परमेश्‍वरए चारबै ह्‍वे कति थेब् मुँ बिब ङिइ सेरिगे बिसि खीजी ह्रोंसए ह्‍वे ङिए खोंर चारल् पिंइमुँ।

एफिसी 4:18

चमैं तोइ च्हैंब-मैंब् लल् आखाँब्मैं तयाइमुँ। चमैंए सारो सैंउँइँले त्होंबै केर आफेबै ताँमैंइ लमा परमेश्‍वरजी पिंबै छ्ह चमैंइ आयों।