२ कोरिन्थी 3:12 - परमेश्‍वरए ताँ तमु क्युइर

¹² छतसि ङिल छाबै क्ह्रोंसेंन्बै आशा मुँबइले सैं तोंबै ताँ बिप्रमा थेबै भों खम्।

२ कोरिन्थी 3:12 ပူးပေါင်းရင်းမြစ်များ

यूहन्‍ना 10:24

यहूदी चिबनाँब्मैं खीए कारग्युले खागु तसि बिइ, “क्‍हि खाब् जा बिसि खोंयों समा ङिने आबि? क्हि परमेश्‍वरजी कुल्मिंबै म्रुँ ख्रीष्‍ट ग बिस्याँ ङिने छेनाले बिमिंन्।”

यूहन्‍ना 16:25

“तोगो ङइ क्हेमैंने अहानउँइँले ताँ लरिइमुँ। प्हँन लिउँइँ बिस्याँ परमेश्‍वर आबाए बारेर ङइ क्हेमैंइ क्होल्‍ले बिमिंब्मुँ।

यूहन्‍ना 16:29

खीए चेलामैंइ बिइ, “तोगोम् क्हिजी अहान आबिल्‍ले बेल्‍ले क्होल्‍ले पोंरिइमुँ।

चेला चिब्मैंए केमैं 14:3

पावल नेरो बर्णाबास ल्‍हें त्हिंइ समा च सहरर टिसि चमैंइ प्रभुए फिर भर थेंसि प्रभुए बारेर आङ्हिंन्ले पोंइ। छतमा प्रभुजी चमैंए योउँइँले औदिबै केमैं नेरो चिनुमैं तल् पिंइ, छतमा खीए बेल्‍ले थेबै म्हाँयाए बारेर चमैंइ लोमिंबै ताँ क्‍ह्रोंसेन् ग बिसि ग्वाइ पिंइ।

चेला चिब्मैंए केमैं 4:13

झाइले पत्रुस नेरो यूहन्‍ना आखेबै म्हिमैं मुँलेना आङ्हिंन्ले पोंल् खाँब् म्रोंसि चमैं प्लेटोयाइ। धै चुमैं येशूने बालुन् टिब्मैं मुँन बिसि चमैंइ था सेइ।

चेला चिब्मैंए केमैं 9:27

दिलेया बारनाबास बिबै चेलाइ शावल त्होसि चलाइ कुल्मिंबै चेला चिब्मैं ङाँर बोमिंइ। “घ्याँर प्रमा शाऊलइ प्रभु म्रोंइ, प्रभु चने बालु पोंइ, झाइले दमस्कसर येशूए मिंउँइँले खबै सैं तोंबै ताँ आङ्हिंन्ले अरूमैंने बिमिंइ,” बिबै ताँ या बारनाबासइ चेला चिब्मैंलाइ बिइ।

चेला चिब्मैंए केमैं 9:29

झाइले चइ ग्रिक क्युइ पोंबै यहूदीमैंने या छलफल लमल, दिलेया चमैंइ चलाइ सैल् म्हैमल।

१ कोरिन्थी 14:19

दिलेया बिश्‍वासीमैं खागु तमा ङइ आक्होबै क्यइर हजार च्यु ताँफुँमैं पोंब् भन्दा बरु ताँफुँ ङ्‍हन् पोंलेया ह्रोंसए सैंउँइँलेन् ताँनइ क्होबै क्युइर ङ पोंदा ङ्हाँम्।

२ कोरिन्थी 10:1

क्‍हेमैंए न्‍होंरि को-कोइइ “पावल ङिउँइँले ह्रेंगो तमा ङिलाइ हौदिबै प्ह्रिछ्या प्‍ह्रिम्, दिलेया ङि ङाँर मुँमा च्‍योंब तसि तोइ आबिल्‍ले टिम्,” बिसि बिम् रो। दिलेया ख्रीष्‍टजी ङ्योए फिर म्हाँया लब् धोंले ङए सैंरै या ल्हयो खबइले क्हेमैने ङ यो छ्युँ लम्:

२ कोरिन्थी 3:11

छले म्हह्‍याबै ठिमलै या मान तसेरो खोंयोंन् बिलै तरिबै छारा बाछाल झन् थेबै मान तल् त्हुम्।

२ कोरिन्थी 4:13

भजनसंग्रहर बिब् धोंले, “ङइ परमेश्‍वरए फिर बिश्‍वास लइ, छतसि ङइ खीए ताँ पोंइ।” छ बिब् धोंलेन् ङिज्यै या खीए फिर बिश्‍वास लइ, छतसि ङि खीए ताँ पोंम्।

२ कोरिन्थी 7:4

क्‍हेमैं म्रोंसि ङ ढुक्‍का तसि ङ्‍हो लोंइँमुँ। क्हेमैं म्रोंसि ङए सैं क्होइमुँ। छतसि ङिइ खैतबै दुःख योंलेया ङ सैं तोंन्लेन् टिम्।

फिलिप्पी 1:14

छले ङ झेलर च्युवासेरो ल्‍हें अलि-अङाँमैं प्रभुए फिर बिश्‍वास लबर भोंब् तइमुँ, धै चमैंइ आङ्हिंनले परमेश्‍वरए ताँ पोंल् खाँइमुँ।

फिलिप्पी 1:20

ङए थेबै इच्छा नेरो आशा चु मुँ: ङ खोंयोंइ फापिल् त्हुरिब् आरे। ङ बेल्‍ले भोंसि तब्मुँ, सिल् त्हुलेया, सोल् योंलेया ओंसोंबै धोंले तोगो या ङउँइँले येशू ख्रीष्‍टए मान तरिगे।

कलस्सी 4:4

ङइ सैं तोंबै ताँ पोंमा म्हिमैंलाइ छेनाले क्होमिंल् खाँरिगे बिसि ङए ल्हागिर प्राथना लमिंन्।

१ थेसलोनिकी 2:2

क्‍हेमैं ङाँर खब् भन्दा ओंसों फिलिप्‍पीमैंइ ङि म्हि आच्हिसि बेल्‍ले दुःख पिंब क्हेमैंइ सेइमुँ। छलेन क्‍हेमैंए सहररै या बिरोध लब्मैं ल्हें तनाबिलेया परमेश्‍वरजी ङिए सैं भोंब् लमिंबइले ङिइ क्‍हेमैंलाइ सैं तोंबै ताँ बिल् योंइ।

१ तिमोथी 3:13

डिकनइ लल् त्हुबै सेवा छेनाले लब्मैंल छ्याँबै इजेत तम्, धै ह्रोंसइ लबै बि‍श्‍वासए बारेर अरूमैंने आङ्हिंन्ले बिल् खाँम्।

फिलेमोन 1:8

छतसि ख्रीष्‍टए के लबै ल्हागिर क्हिलाइ के ल्हैदिबै हग ङने मुँलेया “ङइ ल्हैदिबै के ललन् त्हुम्” बिसि क्हिलाइ कर आल्हैदि।