२ कोरिन्थी 3:1 - परमेश्‍वरए ताँ तमु क्युइर

¹ ङिइ ह्रोंसए बयन लइमुँ वा? ङिइ “छ्याँबै के लइमुँ” बिसि अरूमैंइ धोंले प्ह्रिछ्या प्ह्रिसिन् ङिइ क्‍हेमैंलाइ उँइँल् त्‍हुम्‌ रो वा? छलेन क्‍हेमैंज्यै अरूमैंलाइ छाबै प्ह्रिछ्या प्ह्रिसिन् उँइँल् त्‍हुम्मा?

२ कोरिन्थी 3:1 ပူးပေါင်းရင်းမြစ်များ

चेला चिब्मैंए केमैं 18:27

झाइले अपोल्‍लसइ अखैया ह्‍युलर ह्‍याबै सैं लमा अलि-अङाँमैंइ च चर ह्‍याबर भों पिंइ, धै चइ बिबै ताँ क्वेंरिगे बिसि चर्बै चेलामैंए मिंरि भों पिंदै प्ह्रिछ्या (चिट्ठि) प्ह्रिइ। अपोल्‍लस चर फेनेसि परमेश्‍वए दयाम्हाँयाउँइँले प्रभुए फिर बिश्‍वास लबै म्हिमैंलाइ बेल्‍ले ल्होमिंइ।

रोमी 16:1

तारे ङ ङ्योए अङाँ फिबिलाइ क्‍हेमैंने ङो सेब् मिं सेब् लमिंम्। चइ किंक्रिया नाँसर्बै बिश्‍वासीमैंलाइ ल्होमिंम्।

१ कोरिन्थी 10:33

ङज्यै या ङइ लबै तोन्दोंरि केर म्हिमैंए सैं खैले तोंन् लब् ङ्‍हे ङ्हाँम्। ङइ ह्रोंसल् मत्‍त्रे छ्याँब् तरिगे धै सैं तोंल् योंरिगे आङ्हाँ, बरु ताँन् म्हिमैंइ मुक्‍ति योंसि छ्याँब् तरिगे बिब ङए सैं मुँ।

१ कोरिन्थी 16:3

धै ङ खसि क्‍हेमैंइ त्‍हाँबै म्हिमैंए योर्न प्ह्रिछ्या पिंसि क्हेमैंइ स्योबै मुइ पिंनेबर चमैं यरूशलेमर कुल्‍मिंब्‍मुँ।

१ कोरिन्थी 3:10

परमेश्‍वरउँइँले योंबै ज्ञान बुद्धिउँइँले ङइ धिं बनेबै सिपालु कर्मिइ धोंले छेनाले तें (जग) झोंइमुँ। च तेंए फिर गारा झोंब्मैं ताँनइ छेनाले च्हैंसि मैंसि परमेश्‍वरउँइँले योंबै भों मुँबै बरदान अनुसार के लसि छेनाले गारा झोंल् त्हुम्।

१ कोरिन्थी 4:15

तलेबिस्याँ क्हेमैंलाइ ख्रीष्‍टए ताँ लोमिंबै म्हिमैं हजार च्‍युन् मुँलेया ख्रीष्‍टउँइँले खबै सैं तोंबै ताँ धाँसे ओंसो क्हेमैंने बिमिंसि क्हेमैंलाइ ख्रीष्‍ट ङो सेल् लमिंबै क्हेमैंए आबा ङन् ग।

२ कोरिन्थी 10:12

ह्रोंसइ ह्रोंसलाइन थेब् लसि प्हैंबै म्हिमैंने ङि च्हैंदा आङ्हाँ। चमैंइ ह्रोंसलाइन अरूमैंने च्हैंसि ङ्‍ह्‍योमा चमैं कत्ति बुद्धि आरेब्‍मैं तब्मुँ।

२ कोरिन्थी 10:18

तलेबिस्याँ ह्रोंसइन ह्रोंसलाइ थेब् प्हैंसि पोंबै म्हिलाइ प्रभुजी आखो, बरु प्रभुजी ठिक ठर्दिबै म्‍हिन् ठिक ठर्दिम्।

२ कोरिन्थी 10:8

प्रभुजी ङिलाइ पिंबै अधिकार क्‍हेमैंलाइ न्‍होह्रों लबै ल्हागिर पिंब आङिं, बरु क्‍हेमैंलाइ भोंब् लमिंबै ल्हागिर पिंब् ग। छतसि प्रभुजी ङिलाइ पिंबै अधिकारए बारेर ङइ प्हैंसि पोंलेया ङ फापिल् त्हुरिब् आरे।

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।

२ कोरिन्थी 12:19

चु ताँन् ताँमैं बिमा ङि छ्याँब् मुँ बिसि क्हेमैंए उँइँर पोंइ वा? छ कत्ति आङिं! बरु परमेश्‍वरए उँइँर ख्रीष्‍टजी बिब् धोंले ङि पोंम्। ओ ङए खोबै अलि-अङाँमैं, ङिइ लबै ताँन् केमैं क्‍हेमैंलाइ भोंब् लमिंबै ल्हागिर्न ग।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।

२ कोरिन्थी 5:12

क्हेमैंए उँइँर ङिइ धबै ह्रोंसलाइन थेब् लदै प्‍हैंसि आपों, बरु को-कोइ म्हिमैंइ म्रोंल् खाँबै सैए बारेर थेब् प्हैंसि पोंम्, खों न्होंर्बै ताँए बारेर वास्ता आल। छाबै म्हिमैंए ताँ क्हेमैंइ थोल् खाँरिगे बिसि ङिए बारेर क्हेमैं थेब प्हैंसि चमैंए उँइँर पोंल् योंरिगे बिसि ङिइ क्‍हेमैंलाइ मौका पिंब् ग।