२ कोरिन्थी 2:16 - परमेश्‍वरए ताँ तमु क्युइर

¹⁶ दिलेया नास तब्‍मैंए ल्हागिर ङ्यो सिनु थाँ नाँब् धों तम्। छतसि चमैं नर्गर फेनेम्। मुक्‍ति योंब्‍मैंए ल्हागिर ङ्यो लिंबै थाँ खबै धुप धोंन् तम्। छतसि चमैं स्वर्गर फेनेम्। च्हौ थेबै के खाबइ लल् खाँम्?

२ कोरिन्थी 2:16 ပူးပေါင်းရင်းမြစ်များ

लूका 2:34

झाइले शिमियोनइ चमैं फिर आशिक पिंदै मरियमने बिइ, “थेद्, इस्राएलीमैं न्होंरि ल्हें म्हि नास लबर नेरो ल्हें म्हि जोगेमिंबर चु कोलो कुलइमुँ। चु कोलो परमेश्‍वरजी कुलबै चिनु तब्मुँ, ल्हें म्हिइ चु कोलोए बिरोधर पोंब्मुँ।

यूहन्‍ना 9:39

झाइले येशूजी बिइ, “आम्रोंब्मैंइ म्रोंरिगे धै म्रोंब्मैंइ म्रोंल् आखाँरिगे बिसि ङ निसाफ लबर ह्‍युलर युइ।”

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

२ कोरिन्थी 12:11

ङलाइ बुद्धि आरेबै म्हि तबर क्‍हेमैंन कर ल्‍हैदिइ। क्‍हेमैंइ अरूमैंए छ्याँबै बयन लसि चमैंलाइन “बेल्‍ले छ्याँबै कुल्मिंबै चेला चिब्मैं” बिमुँ, चमैंए उँइँरम् क्‍हेमैंइ ङए बारेर छ्याँबै बयन लल् त्‍हुमल। तलेबिस्याँ ङ तोइ आङिंलेया चमैं भन्दा ङ तोरै च्‍योंब् आरे।