२ कोरिन्थी 2:15 - परमेश्‍वरए ताँ तमु क्युइर

¹⁵ तलेबिस्याँ मुक्‍ति योंब्मैं नेरो नास तबि छेब्मैंए म्‍हाँजोरै या ङ्यो परमेश्‍वरए ल्हागिर ख्रीष्‍टए छ्याँबै थाँ खबै धुप धों तइमुँ।

२ कोरिन्थी 2:15 ပူးပေါင်းရင်းမြစ်များ

उत्पत्ति 8:21

याहवेहजी ख्रोए लिंबै थाँ किंबै लिउँइँ ह्रोंसए सैंर बिइ, “म्हिए सैंर्बै ताँमैं कोलो ओंनोंन् आछ्याँब तलेया म्हिइ लबै केउँइँले तारे ङइ खोंयोंइ पृथ्बीलाइ सराप पिंरिब् आरे। तोगो ङइ नास लब् धोंले सो प्ह्‍याबै ताँन् सैमैं धबै ङ नास लरिब् आरे।”

प्रस्थान 29:18

च सक्लोन् क्यु साँड् ख्रो पिंबै क्ल्ह्‍योर ख्रोंन्। चए छ्याँब थाँइ ङ सैं तोंन् लम्।

प्रस्थान 29:25

झाइले याहवेहजी खोबै थाँ तरिगे बिसि ङइ खोबै भेटिमैं चमैंए योइ मिइ ख्रोंबै ख्रोने बालु ख्रो पिंबै क्ल्ह्‍योर ख्रोंवान्। चु याहवेहए ल्हागिर मिउँइँले चडेबै ख्रो ग।

१ कोरिन्थी 1:18

तलेबिस्याँ ङ्योए पाप ख्रुमिंबै ल्हागिर येशू ख्रीष्‍टजी क्रूसर ख्रो पिंब् ग बिबै ताँ नास तबर होंब्मैंइ बुद्धि आरेब्मैंए ताँ धों ङ्हाँम्, दिलेया येशूए फिर बिश्‍वास लसि पापउँइँले फ्रेब्मैंइ बिस्याँ ङ्योए ल्हागिर चु ताँ परमेश्‍वरए शक्‍ति ग ङ्हाँम्।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

फिलिप्पी 4:18

ङलाइ चैदिब् भन्दा ल्हें ङइ योंइमुँ। क्‍हेमैंइ इपाफ्रोडिटसने पिमिंबै बेल्‍ले लिंबै थाँ खबै परमेश्‍वरजी खोबै ख्रो धों तबै भेटि योंसि ङ बेल्‍ले सैं तोंइमुँ।

२ थेसलोनिकी 2:10

धै नास तयाब्मैंने औदिबै स्योलिबै ताँमैं पोंब्मुँ। चमैं नास तयाब्मुँ तलेबिस्याँ चमैंइ क्ह्रोंसेंन्बै ताँ आक्वें धै छ्याँबै घ्याँरै या आप्र।