२ कोरिन्थी 2:12 - परमेश्‍वरए ताँ तमु क्युइर

¹² ख्रीष्‍ट येशूउँइँले खबै सैं तोंबै ताँ बिबर ङ त्रोआस बिबै नाँसर ह्‍यामा प्रभुजी ङलाइ चर खीए के लबै मौका पिंइ।

२ कोरिन्थी 2:12 ပူးပေါင်းရင်းမြစ်များ

चेला चिब्मैंए केमैं 14:27

झाइले चमैं एन्‍टिओखियार फेखसि चर्चर्बै म्हिमैं खागु लसि परमेश्‍वरजी खेंमैंउँइँले लबै ताँन् केमैं सुनेइ, धै परमेश्‍वरजी खैले अरू ह्रेंमैंए ल्हागिर प्रभुए फिर बिश्‍वास लबै म्रा थोंमिंइ बिबै ताँ या बिइ।

चेला चिब्मैंए केमैं 16:11

झाइले ङि त्रोआसउँइँले क्यु झाजर क्रेसि सरासर सामोथ्राके टापुउँइँ ह्‍याइ, धै प्हँन्हाँग्धों नियापोलिसर फेखइ।

चेला चिब्मैंए केमैं 16:8

छतसि चमैं माइसिया तसि त्रोआस सहरर फेनेइ।

चेला चिब्मैंए केमैं 20:8

ङि खागु तबै फिर्बै कोठर ल्हें बत्तिमैं म्रोल।

रोमी 1:1

येशू ख्रीष्‍टए के लबर त्हाँबै ङ पावलउँइँले क्हेमैं रोम सहरर्बै बिश्‍वासीमैंलाइ जय मसीह मुँ, सैं तोंबै ताँ बिप्रबै ल्हागिर नेरो कुल्मिंबै चेला चिब तबर परमेश्‍वरजी ङ त्‍हाँब् ग।

१ कोरिन्थी 16:9

बिरोध लब्मैं ल्‍हेन् मुँलेया चुर सैं तोंबै ताँ बिमिंबै थेबै मौका ङइ योंइमुँ।

१ कोरिन्थी 9:12

क्‍हेमैंउँइँले अरूमैंइ चैदिबै सैमैं योंम् बिस्याँ, झन् ङिइमि क्‍हेमैंउँइँले ल्हें योंल् त्हुम्। दिलेया ङिइ चु हग आम्हैइमुँ। बरु ख्रीष्‍टउँइँले खबै सैं तोंबै ताँ म्हिमैंने बिप्रमा क्‍हेमैंए फिर तोइ दुःख आतरिगे बिसि ङिइ तोन्दोंरि दुःख सैदिइ।

१ कोरिन्थी 9:14

छलेन सैं तोंबै ताँ बिप्रब्‍मैंइ सैं तोंबै ताँ बिप्रबै केउँइँलेन् चल्-थुँल् योंरिगे बिसि प्रभुजी बिइमुँ।

१ कोरिन्थी 9:16

तलेबिस्याँ ङइ सैं तोंबै ताँ म्हिमैंने बिप्रइ बिसि ङ थेब् प्‍हैंल् त्हुबै ताँ तोइ आरे। तलेबिस्याँ ङइ सैं तोंबै ताँ बिप्रलन् त्हुम्। ङइ सैं तोंबै ताँ आबिप्रइ बिस्‍याँ ङ आसोलै तम्।

२ कोरिन्थी 10:14

परमेश्‍वरजी क्हेमैं ङिए जिम्मार पिंइमुँ। छतसि ख्रीष्‍टउँइँले खबै सैं तोंबै ताँ धाँसे ओंसों क्‍हेमैं ङाँर बिखब्मैं ङिन् ग।

२ कोरिन्थी 11:4

क्‍हेमैं ङाँर म्‍हि घ्रि खसि ङिइ बिबै येशू भन्दा अर्कोन् येशूए बारेर्बै ताँ बिइ बिस्याँ, झाइले क्‍हेमैंइ योंबै पबित्र प्ल्ह भन्दा चइ बिबै अर्कोन् प्ल्हए ताँ क्हेमैंइ क्वेंइ बिस्याँ, छलेन ङिइ बिमिंबै सैं तोंबै ताँ भन्दा अर्को ताँमैं क्‍हेमैंइ क्वेंइ बिस्याँ, च म्हिए ताँ क्हेमैंइ सैं तोंन्ले थेमना!

२ कोरिन्थी 11:7

क्‍हेमैंलाइ थेब् लबै ल्हागिर ह्रोंसलाइन च्योंब् लसि येशूउँइँले खबै सैं तोंबै ताँ क्‍हेमैंने छलेन् बिमिंमा ङइ पाप लइ वा?

२ कोरिन्थी 4:3

छतसि ङिइ बिबै सैं तोंबै ताँ नास तब्मैंए ल्हागिर मत्‍त्रे हुथेंब् धों तइमुँ।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

२ कोरिन्थी 8:18

ङिइ तीतसने अर्को अलि या कुलसिन् मुँ। सैं तोंबै ताँ बिप्रमा ताँन् क्‍ल्‍ह्‍योर्बै बिश्‍वासीमैं न्‍होंरि च अलि मान योंसि मिं कालिदिइमुँ।

२ कोरिन्थी 9:13

ख्रीष्‍टउँइँले खबै सैं तोंबै ताँर बिब् धोंले क्‍हेमैं प्रसि यहूदीमैं नेरो अरू म्हिमैंए ल्हागिर क्हेमैंइ सैं प्ल्हसि पिंबै भेटिउँइँले परमेश्‍वरए मिं थेब् तब्मुँ।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

१ थेसलोनिकी 3:2

ङ्योए अलि तिमोथी क्‍हेमैं ङाँर कुलइमुँ। च परमेश्‍वरए सेवा लसि येशू ख्रीष्‍टए बारेर्बै सैं तोंबै ताँ बिप्रबै म्हि ग।