२ कोरिन्थी 13:4 - परमेश्‍वरए ताँ तमु क्युइर

⁴ तलेबिस्याँ भों आरेबै म्हि धों तसि खी क्रूसर च्‍योसि सिइ, दिलेया परमेश्‍वरए शक्‍तिजी खीलाइ धबै सोगों लमिंइ। येशूने घ्रिन् तमा ङि भों आरेब्मैं तलेया क्‍हेमैं छ्याँब् तरिगे बिबै ल्हागिर परमेश्‍वरजीन् ङिलाइ ख्रीष्‍टजी थोब् धों तबै छ्ह थोबै भों पिंब्मुँ।

२ कोरिन्थी 13:4 ပူးပေါင်းရင်းမြစ်များ

यूहन्‍ना 10:18

खाबज्यै या ङ ङाँइँले ङए सो किंल् आखाँ, दिलेय ङ ह्रोंसइन ह्रोंसए सो पिंम्। ह्रोंसए सो पिंबै हग ङने मुँ, धै किंबै हगैया ङनेन् मुँ। चु ताँ ङए आबा ङाँइँले ङइ योंब् ग।”

चेला चिब्मैंए केमैं 2:36

छतसि तारे इस्राएलर्बै ताँन् म्‍हिमैंइ चु ताँ छेनाले क्होरिगे: क्हेमैंइ क्रूसर च्योवाबै चु येशून् परमेश्‍वरजी ताँन् म्हिमैंए प्रभु नेरो जोगेमिंबै म्रुँ ख्रीष्‍ट लमिंइँमुँ।”

चेला चिब्मैंए केमैं 3:16

क्हेमैंइ ङो सेबै चु सबै म्हिइ येशूए मिंए फिर बिश्‍वास लबइले खीजी चुलाइ भोंब् लमिंइ। धै क्हेमैं ताँनए उँइँरि छेनाले सल् लमिंइ।

रोमी 1:4

ङ्योए प्रभु येशू ख्रीष्‍ट सिसेया पबित्र प्ल्हए थेबै शक्‍तिउँइँले सोगों तबइले “येशू परमेश्‍वरए च्‍हन् ग!” बिबै प्रमान खीजी ङ्योलाइ उँइँमिंइ।

रोमी 14:9

तलेबिस्याँ येशू ख्रीष्‍ट सिब्‍मैं नेरो सोब्‍मैंए प्रभु तबै ल्हागिर सिसि धबै सोगों तइ।

रोमी 6:4

छतसि ङ्योइ बप्‍तिस्‍मा किंमा येशूने बालुन् सिसि पाइ, धै थेबै शक्‍ति मुँबै परमेश्‍वर आबाजी येशू ख्रीष्‍टलाइ सिबउँइँले धबै सोगों लमिंइ, छतसि ङ्योइ ओंसों लब् धोंबै आछ्याँबै केमैं पिसि छ्याँबै केमैं लल् त्हुम्।

१ कोरिन्थी 1:25

तलेबिस्याँ परमेश्‍वरउँइँले खबै ताँ म्‍हिमैंइ “बुद्धि आरेब्” धों ङ्हाँलेया च ताँ म्‍हिमैंए “बुद्धि” भन्दा झन् ल्हें ज्ञान मुँबै ताँ ग, झाइले परमेश्‍वरउँइँले खबै ताँ म्‍हिमैंइ “तोन् तोबै” ङ्हाँलेया च ताँ म्‍हिमैंए भों भन्दा झन् ल्हें भोंब मुँ।

१ कोरिन्थी 15:43

पाबै त्हेरि च ज्यु आछ्याँब नेरो भों आरेब् तम्, दिलेया परमेश्‍वरजी सोगों लमिंमा च ज्यु छ्याँब नेरो भोंब तम्।

१ कोरिन्थी 2:3

छतसि ङ क्‍हेमैं ङाँर भों आरेबै म्हि धोंले ङ्हिंदा-ङ्हिंदाले त्हारदै खइ।

१ कोरिन्थी 6:14

परमेश्‍वरजी ह्रोंसए शक्‍तिजी प्रभु येशू सिबउँइँले सोगों लमिंइ। छलेन ङ्योलाज्यै या खीए शक्‍तिजी सोगों लमिंब्‍मुँ।

२ कोरिन्थी 10:10

“पावलए प्ह्रिछ्यामैंरम् दयाम्हाँया आरेबै म्हिइ धोंले हौदिबै ताँमैं प्‍ह्रिम्, दिलेया ङ्यो ङाँर मुँमा चइ तोइ बिल् आखाँ,” बिसि को-कोइ बिम्।

२ कोरिन्थी 12:10

छतसि ख्रीष्‍टए मिं थेब् तरिगे बिसि ङ आखाँ आथुलेया, म्‍हिमैंइ ङलाइ प्ह्रलेया, सैदिलै आखाँबै दुःख तलेया ङ सन्‍दोक तम्, तलेबिस्याँ आभोंबै त्हेरै या ङ बेल्‍ले भोंब् तम्।

२ कोरिन्थी 13:9

ङि छले भों आरेब् धों तलेया क्‍हेमैं भोंब् तमा ङि सैं तोंम्। छतसि क्‍हेमैं तोन्दोंरि सैर बिब् धों तरिगे बिसे या ङिइ प्राथना लम्।

फिलिप्पी 3:10

खी सिसि धबै खैले सोइ खगे बिसि खीए शक्‍ति ङइ क्होल् खाँरिगे, धै खी सिब् धोंलेन् ङइ या सिलन् त्हुलै सिसि खीजी नोब् धों तबै दु:ख नोल् खाँरिगे।

हिब्रू 5:7

येशू ह्‍युलर मुँमा खीलाइ सिबउँइँले सोगों लमिंल् खाँबै परमेश्‍वरने बेल्‍ले क्रोदै थेबै कैले प्राथना लइ। खीजी छले सैं न्होंउँइँले यो छ्युँ लसि प्राथना लबइले परमेश्‍वरजी खीए प्राथना थेमिंइ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।