२ कोरिन्थी 13:2 - परमेश्‍वरए ताँ तमु क्युइर

² ओंसोंन् ङ क्‍हेमैं ङाँर मुँमा पाप लब्मैं आलब्मैं ताँनलाइ ङइ लोदा सैंदा लब् धोंलेन्, तोगो ह्रेंगो मुँलेया ङइ क्‍हेमैंलाइ लोदा सैंदा लम्: ङ धबै क्‍हेमैं ङाँर खमा ओंसों पाप लब्मैं मत्‍त्रे आङिं, ङइ लोदा सैंदा लसेया अझै पाप के लरिब्मैं खाबै मुँस्याँ चमैंलाज्यै या ङइ सजैं पिंब्मुँ।

२ कोरिन्थी 13:2 ပူးပေါင်းရင်းမြစ်များ

१ कोरिन्थी 5:5

तारेसेरो चइ छाबै पाप केमैं आलरिगे, धै प्रभु येशू युबै त्हिंइर चए प्ल्ह सोरिगे बिसि च म्हिलाइ दुष्‍टए योर पिंवाँन्।

२ कोरिन्थी 1:23

ङए खोंर्बै ताँ सेबै परमेश्‍वरए मिंर ङ क्हेमैंने बिमुँ: क्‍हेमैं कर आयोंन् आतरिगे बिबै सैं मैंसि ङ कोरिन्‍थर आखब् ग।

२ कोरिन्थी 12:14

तारे चु सोंखेबै लारै या ङ क्‍हेमैं ङाँर खसिन्मुँ। ङइ क्‍हेमैंने तोइ खर्ज ह्रिरिब आरे, तलेबिस्याँ ङलाइ क्‍हेमैंए मुइ आङिं क्‍हेमैं चैदिम्। आबा-आमाए ल्हागिर प्‍हसेमैंइ सै न्होर आसाँथें, दिलेया प्‍हसेमैंए ल्हागिर आबा-आमामैंइ सै न्होर साँथेंम्।

२ कोरिन्थी 13:10

क्‍हेमैं ङाँर ङ खमा प्रभुजी ङलाइ पिंबै अधिकारउँइँले ङइ क्‍हेमैलाइं हौदिल् आत्‍हुरिगे बिसि क्‍हेमैंने ह्रेंगो मुँमा ङइ चु प्ह्रिछ्या प्ह्रिइमुँ। क्‍हेमैंए न्होह्रों लबर च अधिकार ङलाइ पिंब आङिं, बरु क्‍हेमैं छ्याँब् तरिगे बिसि पिंब् ग।