२ कोरिन्थी 12:4 - परमेश्‍वरए ताँ तमु क्युइर

⁴ चर म्हिए सुँउँइँले त्होंलै आतबै औदिबै ताँमैं चइ थेइ। च ताँमैं म्‍हिए सुँउँइँले पोंलन् आत।

२ कोरिन्थी 12:4 ပူးပေါင်းရင်းမြစ်များ

लूका 23:43

येशूजी चने बिइ, “क्‍ह्रोसेंन ङ क्हिने बिमुँ, क्‍हि तिंयाँन् ङने स्‍वर्गर तब्‍मुँ।”

चेला चिब्मैंए केमैं 8:39

झाइले चमैं क्‍युउँइँले बैरु त्‍होंखबै लिउँइँ प्रभुए प्ल्हजी फिलिप बोयाइ। हिचडइ फिलिप धबै आम्रोंलेया सैं तोंदै ह्रोंसए घ्‍याँ क्‍हाइ।

१ कोरिन्थी 13:1

ङइ म्‍हिमैंए ल्हें खालर्बै क्युइमैं नेरो स्‍वर्गदूतमैंए क्युइर पोंलेया ङइ अरूमैंए फिर म्हाँया आलस्‍याँ, ङइ पोंबै ताँ ड्वाँ ड्वाँले ह्राबै ङ्‌ह नेरो झ्याँइ झ्याँइले ह्राबै छ्योंले धोंन् तम्।

२ कोरिन्थी 12:2

येशूए फिर बिश्‍वास लबै ङइ ङो सेबै म्हि घ्रिलाइ च्युसे प्लिदि भन्दा ओंसों परमेश्‍वरजी तल सोंर्बै स्वर्ग समा क्‍वेबोइ। चलाइ ज्युर्न बोइ उ प्ल्ह मत्‍त्रे बोइ च ङइ आसे, च ताँ परमेश्‍वरजी सेइमुँ।

१ थेसलोनिकी 4:17

झाइले ङ्यो प्रभु येशू युबै त्हिंइ समा सोरिब्मैं मुर प्रभुने त्होबर चमैंनेन् न्‍हाँम्‍स्योने बालु क्वेबोब्मुँ। छले ङ्यो खोंयोंन् बिलै प्रभुनेन् टिब्मुँ।

दर्शन 12:5

धै च च्हमिरिइ च्ह घ्रि फिइ। (च च्हइ पैए प्‍हरे छेसि ताँन् ह्रेंमैंए फिर ग्याल्स लब्मुँ।) कोलो फिबै तोंदोंन् दूत घ्रिइ कोलोलाइ परमेश्‍वर ङाँर बोसि खीए राजगद्दिर थेंइ।

दर्शन 2:7

“पबित्र प्ल्हजी बिश्‍वासीमैंने बिबै ताँ न्‍ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ परमेश्‍वरए बगैंचार मुँबै छ्ह पिंबै सिं धुँर्बै रोमैं ङइ चल् पिंब्‍मुँ।”