२ कोरिन्थी 12:12 - परमेश्‍वरए ताँ तमु क्युइर

¹² “ङ क्‍ह्रोंसेंन कुल्मिंबै चेला चिब ग” बिसि उँइँबर ङइ सैदिल् त्हुबै सैमैं तोन्दोंरि सैदिसि क्‍हेमैंए उँइँर ङइ औदिबै चिनु मुँबै केमैं लल।

२ कोरिन्थी 12:12 ပူးပေါင်းရင်းမြစ်များ

यूहन्‍ना 4:48

दिलेया येशूजी चने बिइ, “क्हेमैंइ थेब् थेबै केमैं नेरो औदिबै चिनुमैं आम्रोंन् समा खैलसे या क्वेंरिब् आरे।”

१ कोरिन्थी 14:18

क्हेमैंइ भन्दा ङइ आक्होबै क्युइमैं ल्हें पोंल् ह्रम्। छतसि ङ परमेश्‍वरलाइ धन्‍यबाद पिंम्।

२ कोरिन्थी 11:4

क्‍हेमैं ङाँर म्‍हि घ्रि खसि ङिइ बिबै येशू भन्दा अर्कोन् येशूए बारेर्बै ताँ बिइ बिस्याँ, झाइले क्‍हेमैंइ योंबै पबित्र प्ल्ह भन्दा चइ बिबै अर्कोन् प्ल्हए ताँ क्हेमैंइ क्वेंइ बिस्याँ, छलेन ङिइ बिमिंबै सैं तोंबै ताँ भन्दा अर्को ताँमैं क्‍हेमैंइ क्वेंइ बिस्याँ, च म्हिए ताँ क्हेमैंइ सैं तोंन्ले थेमना!

२ कोरिन्थी 11:6

ओं, ङ छेनाले पोंल् आह्रलैया ङ बेल्‍ले ह्रब् सेब मुँ। खैले तमुँ छले ङिइ ह्रब्-सेबै ताँमैं क्हेमैंलाइ छेनाले क्होमिंइमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।