२ कोरिन्थी 11:8 - परमेश्‍वरए ताँ तमु क्युइर

⁸ क्‍हेमैंए सेवा लबै ल्हागिर ङइ अरू क्‍ल्‍ह्‍योर्बै बिश्‍वासीमैंउँइँले मुइ योंमा ङइ क्‍हेमैंए ल्हागिर चमैंलाइ लुडिब् धोंन् तइ।

२ कोरिन्थी 11:8 ပူးပေါင်းရင်းမြစ်များ

१ कोरिन्थी 4:12

चब-थुँबै ल्हागिर ङिइ ह्रोंसइन बेल्‍ले दुःख लमुँ। म्हिमैंइ ङिए फिर सराप झोंलेया ङिइ चमैंए फिर आशिकन् पिंमुँ। म्हिमैंइ ङिने खैन् ललेया ङि सैदिम्।

१ कोरिन्थी 9:6

बर्णाबास नेरो ङइ मत्‍त्रे के लसि ह्रोंसए फो न्हल् त्हुब् रो वा?

२ कोरिन्थी 11:9

ङ क्‍हेमैं ङाँर मुँबै त्हेर ङलाइ मुइ चैदिमा ङइ क्‍हेमैंने तोइ खर्ज आह्रिल। बरु माकेडोनिया ह्‍युलउँइँले खबै अलिमैंइ ङए खाँचो पूरा लमिंइ। ङइ क्‍हेमैंलाइ ओंसों या तोइ सैरै या दुःख आपिंल, लिउँइँज्‍यै या तोइ दुःख पिंरिब आरे।

फिलिप्पी 4:18

ङलाइ चैदिब् भन्दा ल्हें ङइ योंइमुँ। क्‍हेमैंइ इपाफ्रोडिटसने पिमिंबै बेल्‍ले लिंबै थाँ खबै परमेश्‍वरजी खोबै ख्रो धों तबै भेटि योंसि ङ बेल्‍ले सैं तोंइमुँ।