२ कोरिन्थी 11:32 - परमेश्‍वरए ताँ तमु क्युइर

³² ङ दमस्‍कस सहरर मुँमा अरितस म्रुँए न्होंर्बै क्रथेइ ङलाइ क्‍हाबै ल्हागिर सहरए मुल म्रार पालेमैं थेंल।

२ कोरिन्थी 11:32 ပူးပေါင်းရင်းမြစ်များ

चेला चिब्मैंए केमैं 9:10

च त्हेर दमस्‍कसर हननिया मिं मुँबै चेला घ्रि मुँल। प्रभु च ङाँर म्रोंयुसि चने “ओ हननिया,” बिइ। चइ “प्रभु, ङ चुर्न मुँ,” बिइ।

चेला चिब्मैंए केमैं 9:2

झाइले चइ चने “येशूए लिलि प्रबै मुँयुँमैं-च्हमिरिमैं खाब् स्यालेन ङइ चमैंलाइ क्‍हासि यरूशलेमर बोल् पिंन् बिबै प्ह्रिछ्यामैं दमस्‍कस सहरर्बै म्हि च्हों धिंमैंए म्हिमैंए मिंरि प्ह्रिमिंन् ओ,” बिइ।

चेला चिब्मैंए केमैं 9:8

शाऊल रेसि मि ङ्‍ह्‍योमा चइ तोइ म्रोंल आखाँल। छतमा चने ह्‍याबै थुमैंइ च डोरेसि दमस्कसर पखइ।

२ कोरिन्थी 11:26

छलेन येशू ख्रीष्‍टउँइँले खबै सैं तोंबै ताँ बिप्रमा ल्हें खे ङलाइ स्‍योंइ नोबोल् म्हैइ, ह्‍योमैंइ ङ सैल् म्हैइ, ह्रोंसए यहूदी ह्रेंमैं नेरो अरू ह्रेंमैंज्‍यै या ङलाइ दुःख पिंइ। सहरजरे या, म्‍हि आटिबै ह्‍युलरै या, मा ङ्युँइरै या, झाइले स्‍योर्गु थुमैंउँइँले या ङइ दुःख योंइ।