२ कोरिन्थी 11:29 - परमेश्‍वरए ताँ तमु क्युइर

²⁹ तलेबिस्याँ दुःख योंब्मैं मुँस्‍याँ ङै या दुःख योंब् धोंन् तमल। खाबै या पापर च्होयास्याँ ङए सैंर बेल्‍ले न्हुँ खमल।

२ कोरिन्थी 11:29 ပူးပေါင်းရင်းမြစ်များ

मत्ती 11:6

चु ताँ या बिद्, ङए ताँ क्वेंसि तोइ संका आलबै म्‍हिइ आशिक योंब्मुँ।”

यूहन्‍ना 2:17

छ लब् म्रोंसि खीए चेलामैंइ परमेश्‍वरए छ्वेर प्‍ह्रिथेंबै चु ताँ चिइ, “ओ परमेश्‍वर, क्‍हिए धिं ङलाइ बेल्‍ले म्हाँया खम्। छतसि मिइ ख्रोंब् धोंले ङए सैं बेल्‍ले ख्रोंइँमुँ।”

रोमी 12:15

सैं तोंब्‍मैंने बालु सैं तोंन्, क्रोब्‍मैंने बालु क्रोद्।

रोमी 15:1

ङ्यो बिश्‍वासर भोंसि तब्‍मैंइ बिश्‍वासर आभोंबै अलिमैंइ संका लबै ताँमैं सैदिल् त्‍हुम्। छलेन ङ्योइ ह्रोंस मत्‍त्रे सैं तोंबै केमैं लल् आत,

१ कोरिन्थी 11:22

चब् थुँब् लबै ल्हागिर क्हेमैंए धिं आरे वा? क्‍हेमैंइ परमेश्‍वरए म्हिमैंलाइ तो धोंइ आङ्हाँ वा, धै तोइ आरेब्‍मैंलाइ फा पिन् लब् वा? क्‍हेमैंए सैंर खै ङ्हाँइमुँ? छाबै केए ल्हागिर क्हेमैंइ ठिक लइ बिसि बिब् वा? अँहँ, ङइ तिफुँइ बिल् आखाँ।

१ कोरिन्थी 12:26

छतसि भाग घ्रिइ दुःख योंस्‍याँ ताँन् भागज्‍यैया दुःख योंम्, छलेन भाग घ्रिइ छ्याँबै बयन योंस्‍याँ अरू भागमैं या सैं तोंम्।

१ कोरिन्थी 15:36

ओ बुद्धि आरेबै म्‍हि, क्हिइ प्‍लुबै प्लु आक्राँन् समा आम्‍लो आङिं वा?

१ कोरिन्थी 8:13

छतसि बिश्‍वासर आभोंबै अलिलाइ ङइ चबै सैइ पापर च्होवाम् बिस्‍याँ, कुर चडेबै सै ङइ खोंयोंइ चरिब् आरे।

१ कोरिन्थी 8:9

बरु छेन्ले मैंन्! क्हिइ तोइ आमैंन्ले कुर चडेबै सै चलेन् तम् बिसि चबइले बिश्‍वासर आभोंबै म्हिमैं पापर आच्होरिगे।

१ कोरिन्थी 9:22

छलेन बिश्‍वासर आभोंब्मैंए बिश्‍वास भोंब् तरिगे बिसि ङै या बिश्‍वासर आभोंब्मैं धोंन् तइ। खैले तमुँ छले खाब् आङिं खाबइ प्रभुए फिर बिश्‍वास लरिगे बिसि म्हिमैं खै तल ङै या छान् तल।

२ कोरिन्थी 13:9

ङि छले भों आरेब् धों तलेया क्‍हेमैं भोंब् तमा ङि सैं तोंम्। छतसि क्‍हेमैं तोन्दोंरि सैर बिब् धों तरिगे बिसे या ङिइ प्राथना लम्।

गलाती 2:14

सैं तोंबै ताँइ बिब् धोंले चमैं आप्रब् म्रोंसि ताँन् म्हिमैंए उँइँर ङइ पत्रुसने बिइ, “क्‍हि यहूदी तसेया यहूदीमैंए छ्यार आप्रल्‍ले अरू ह्रेंमैं धोंले प्रइमुँ। छतसि अरू ह्रेंर्बै म्‍हिमैंने यहूदीमैंए छ्यार प्रल् त्‍हुम् बिसि क्हिइ खैले कर ल्‍हैदिम्?”

गलाती 6:2

घ्रिए फिर दुःख तमा घ्रिइ ल्होद्। छलमा क्‍हेमैंइ ख्रीष्‍टजी पिंबै ठिम पूरा लब्‍मुँ।

दर्शन 2:2

क्हिए बिश्‍वासीमैंइ लबै केमैं, क्हेमैंइ बेल्‍ले भोंले लबै केमैं नेरो क्हेमैंइ सैदिबै दु:खमैं ङइ सेइमुँ। झाइले क्हेमैंइ आछ्याँबै के लबै म्हिमैंलाइ आसैदि बिसे या ङइ सेइमुँ। को-कोइइ ‘ङि प्रभु येशूजी कुल्मिंबै चेला चिब्मैं ग’ बिसि स्योर तेमा चमैंए सैं फो किंसि क्हेमैंइ चमैं स्‍योर्गों मुँन बिब् सेबै या ङइ सेइमुँ।

दर्शन 2:20

दिलेया क्‍हेमैंए बिरोधर चु ताँ ङइ बिल् त्हुइमुँ: क्‍हिइ ईजेबेल बिबै च्हमिरिलाइ क्हेमैंने बालुन् टिल् पिंइमुँ। चइ ह्रोंसलाइन अगमबक्‍ता ग बिसि बिइमुँ, दिलेया चइ ङए के लब्‍मैंलाइ वाँसि ब्यभिचार लले या, कुर चडेबै सै चले या तोइ आत बिसि लोमिंम्।