२ कोरिन्थी 11:27 - परमेश्‍वरए ताँ तमु क्युइर

²⁷ झाइले गारो केमैं लल् त्‍हुइ, ल्हें खे न्‍हरु च्‍हुइल् आयों, फो ख्रेंन्ले क्यु पिल्‍ले टिल् त्‍हुइ, ल्हें खे चल् आयोंल्‍ले, बास आयोंल्‍ले, क्वें खिल् आयोंल्‍ले टिल् त्‍हुइ।

२ कोरिन्थी 11:27 ပူးပေါင်းရင်းမြစ်များ

मत्ती 17:21

[दिलेया बर्त टिसि प्राथना आलन् समा क्‍हेमैंइ छाबै खालर्बै मों ल्‍हाल् आखाँ।]

चेला चिब्मैंए केमैं 14:23

झाइले चमैंइ ताँन् चर्चर एल्डरमैं त्हाँइ, धै बर्त टिसि प्राथना लसि चमैंइ च एल्डरमैं खेंमैंइ बिश्‍वास लबै प्रभुए जिम्मार पिंवाइ।

चेला चिब्मैंए केमैं 20:31

छतसि चु ताँ मैंसि छेनाले टिद्! सोंदिं समन् त्हिंयाँ म्‍हुँइँसा मिक्लि पिंदै ताँन् म्हिमैंने ङइ लोमिंबै ताँ आम्‍लेद्।

१ कोरिन्थी 7:5

छतसि क्‍हेमैं क्‍ह्रिसि टिबै ल्हागिर घ्रिइ बिब घ्रिइ ङिंल् त्हुम्। दिलेया प्राथना लबै ल्हागिर क्हेमैं सल्‍ला लसि तिस्या स्यो तलेया लिउँइँ क्‍हेमैं बालुन् तल् त्‍हुम्। छ आलस्याँ क्‍हेमैंइ सैं फैल् आखाँबइले दुष्‍टइ मौका योंल् खाँम्।

२ कोरिन्थी 11:23

चमैं येशू ख्रीष्‍टए सेवा लब्मैं वा? चमैं भन्दा ङ झन् छेनाले सेवा लबै म्‍हि ग। छबिमा ङ सोबल धोंले पोंइ। ङइ बेल्‍ले दुःखले ख्रीष्‍टए सेवा लइमुँ, ङ ल्हें खे झेलर टिल् त्‍हुइ, ङलाइ ल्हें खे कोर्राइ प्रुइ, छले ल्हें खे ङ कालए सुँर फेइ।

२ कोरिन्थी 6:5

धोंलै, टिंलै, झेलर च्युलै, हुल त्हुँसि दुःख पिंलै, गारो केमैं लल् त्‍हुलै, न्‍हरु च्‍हुइल् आयोंलै, चल्-थुँल् आयोंलै,

फिलिप्पी 4:12

ङ खैले च्योंब् तब, खैले थेब् तब, बिबै ताँ या ङइ सेइमुँ। ङ चल् योंलेया आयोंलेया, ङने तोन्दोंरि सै मुँलेया तोइ आरेलैया, खैबै त्हेरै या सन्तोकले टिल् खाँबै ताँ ङइ सेइमुँ।

१ थेसलोनिकी 2:9

ओ अलि-अङाँमैं, परमेश्‍वरउँइँले खबै सैं तोंबै ताँ क्हेमैंने बिमिंमा क्‍हेमैंलाइ तोइ दुःख आतरिगे बिसि चब-थुँबए ल्हागिर ङिइ त्‍हिंयाँ म्‍हुँइँस ह्रोंसइन बेल्‍ले के लइ बिब क्‍हेमैंज्यै सेइमुँ।

२ थेसलोनिकी 3:8

ङिइ खाबलैया छलेन् तोइ आचल, खाबलै खर्ज आतरिगे बिसि ङिइ त्‍हिंयाँ म्‍हुँइँस के लमल।

हिब्रू 11:37

चमैंलाइ म्हिमैंइ युँमाइ प्रिंसि सैइ, करौंतिइ क्‍ल्हेइ, सेलाँइ सैवाइ। छले दुःख पिंसि चमैंए सैमैं नोक्‍सान लवाइ। छतसि चमैं ङ्हाँदु तसि र-क्‍युए ट्हुबिमैं खिसि क्याइ खैने माइ खेले प्ररिइ।