२ कोरिन्थी 11:23 - परमेश्‍वरए ताँ तमु क्युइर

²³ चमैं येशू ख्रीष्‍टए सेवा लब्मैं वा? चमैं भन्दा ङ झन् छेनाले सेवा लबै म्‍हि ग। छबिमा ङ सोबल धोंले पोंइ। ङइ बेल्‍ले दुःखले ख्रीष्‍टए सेवा लइमुँ, ङ ल्हें खे झेलर टिल् त्‍हुइ, ङलाइ ल्हें खे कोर्राइ प्रुइ, छले ल्हें खे ङ कालए सुँर फेइ।

२ कोरिन्थी 11:23 ပူးပေါင်းရင်းမြစ်များ

चेला चिब्मैंए केमैं 14:19

च लिउँइँ एन्‍टिओखिया नेरो आइकोनियनउँइँले को-कोइ यहूदीमैं चर फेखइ, धै चमैंइ चर्बै म्हिमैं वाँसि पावललाइ युँमाइ ल्हिल् पिंइ, धै पावल सियाइ बिब् मैंसि सहर बैरु चैं बोइ।

चेला चिब्मैंए केमैं 20:23

चर्बै म्हिमैंइ ङ झेलर च्युवाब्मुँ धै ङए फिर दुःख खब्मुँ बिसि पबित्र प्ल्हजी ताँन् सहरर ङने था पिंइँमुँ, च्हौ मत्‍त्रे ङइ सेइमुँ।

चेला चिब्मैंए केमैं 21:11

चइ पावलए फगि किंसि ह्रोंसए यो प्हले फैसि बिइ, “‘चु फगिए क्ल्हे यरूशलेमर ह्‍याइ बिस्याँ चर्बै यहूदीमैंइ चलाइ छलेना फैसि अरू ह्रेंमैंए योर पिंवाब्मुँ,’ बिसि पबित्र प्ल्हजी बिइमुँ।”

चेला चिब्मैंए केमैं 25:14

चमैं चर दे त्हिंइ टिबै लिउँइँ फेस्तसइ म्रुँने पावलए मुद्दाए बारेर छले ताँ लइ: “फेलिक्सइ च्युथेंबै म्हि घ्रि चुर मुँ।

चेला चिब्मैंए केमैं 27:1

झाइले ङि इटालिया ह्‍युलर ह्‍याल् त्हुम् बिसि क्रथे फेस्‍तसइ निर्नय लइ। छतमा चमैंइ पावल नेरो अरू कैदिमैं युलियस मिं मुँबै कप्‍तानए जिम्मार पिंइ। च “आगस्ट थेबै म्रुँ” बिबै फौजर्बै कप्‍तान घ्रि मुँल।

चेला चिब्मैंए केमैं 28:16

ङि रोम खबै लिउँइँ पावल रुँबै सिपाइ घ्रिने बालो च घ्रिन् टिल् पिंइ।

चेला चिब्मैंए केमैं 28:30

पावल ङ्हिंदि समा ह्रोंसए खर्जर्न रोमर टिइ, धै च ङाँर खब्मैं ताँनलाइ खिइ मान लमल।

चेला चिब्मैंए केमैं 9:16

ङए मिंर बिश्‍वास लमा चइ कति थेबै दुःख नोल् त्हुम् बिब ङइ चने उँइँमिंब्मुँ।”

रोमी 8:36

(ङ्योए फिर दुःख तम् बिबै ताँ परमेश्‍वरए छ्वेर छले बिइमुँ: “ओ परमेश्‍वर, क्‍हिए फिर ङिइ बिश्‍वास लबइले ङि त्‍हिंइतिमिन् सिब् धोंन् तल् त्हुम्, ङि सैबर होंबै क्युमैं धोंन् तइमुँ।”

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 3:5

अपोल्‍लोस खाब् जा? ङै या खाब् जा? ङिम् परमेश्‍वरए के लबै म्‍हिमैं मत्‍त्रे ग। ङिउँइँले क्‍हेमैंइ खीए फिर बिश्‍वास लइ। खीजी खटिदिबै के ङि लमुँ।

१ कोरिन्थी 4:1

छतसि ङिलाइ येशू ख्रीष्‍टए के लब्मैं नेरो परमेश्‍वरउँइँले खबै बुद्धिए ताँमैं ङिए जिम्‍मार थेंइमुँ बिसि म्हिमैंइ मैंल् त्‍हुम्।

१ कोरिन्थी 4:11

तिंयाँ समा ङिइ धोंब-टिंब सैदिसिन् मुँ, ङि फो ख्रेंइमुँ, क्यु पिइमुँ, क्‍लुनान् मुँ, ङिल धिं नाँ या आरे,

१ कोरिन्थी 4:9

ङए सैंरम् ङि कुल्मिंबै चेला चिब्मैंलाइमि परमेश्‍वरजी ताँन् भन्दा च्‍योंबै क्‍ल्‍ह्‍योर थेंब् धों ङ्हाँइमुँ, तलेबिस्याँ चु ह्‍युलए उँइँर, म्हिमैंए उँइँर नेरो स्वर्गदूतमैंए उँइँरै या ङि सिबै सजैं योंल् त्हुबै म्हि धोंन् तइमुँ।

२ कोरिन्थी 10:7

क्‍हेमैंइ ह्रोंसए मिइ म्रोंबै सैमैं मत्‍त्रे ङ्ह्‍योम्। क्हेमैंए न्होंरि खाबज्यै या “ङ येशू ख्रीष्‍टए म्‍हि ग!” बिम् बिस्याँ च धोंलेन् ङि या ख्रीष्‍टए म्हिन् ग बिसि चइ क्होल् त्हुम्।

२ कोरिन्थी 11:5

दिलेया “ङि कुल्मिंबै चेला चिब्मैं ग” बिसि थेब् प्हैंसि पोंब्मैं भन्दा ङ तोइ सैरै या च्योंरि आरे।

२ कोरिन्थी 3:6

छारा बाछार्बै के लल् खाँब्मैं खीजी ङिलाइ लमिंइ। च बाछा म्‍हिइ प्‍ह्रिबै ठिम आङिं, दिलेया पबित्र प्ल्हजी फैबै बाछा ग। तलेबिस्याँ म्‍हिइ प्ह्रिबै ठिम म्हाँदिल् आखाँबइले ताँन् म्‍हि सिल् त्‍हुमल, दिलेया पबित्र प्ल्हजी ङ्योलाइ पापउँइँले फ्रेमिंसि छारा छ्ह पिंम्।

२ कोरिन्थी 4:11

सिसि ह्‍याल् त्हुबै ङिए ज्युउँइँले या अरूमैंइ येशूजी थोबै छ्ह म्रोंरिगे बिसि ङि सोगों मुँमा खोंयोंन् बिलै येशूए ल्हागिर कालए सुँर्न फेनेम्।

२ कोरिन्थी 6:9

ङिलाइ खाबज्यै ङो आसे बिलेया ताँनइ ङो सेइमुँ। ङि सियाब् धों तलेया ङि अझै सोगोंन् मुँ। ङिलाइ सजैं पिंलेया तिंयाँ समा आसैइमुँ।

गलाती 6:17

आखिरि ताँ: तारे खाबज्यै ङलाइ दुःख आपिंरिगे, तलेबिस्याँ ङइ ङए ज्युर येशूए ल्हागिर सैदिबै घामैंए डाम नोइमुँ।

एफिसी 3:1

छतसि ङ पावल क्हेमैं अरू ह्रेंमैंए ल्हागिर प्राथना लम्। ख्रीष्‍ट येशूजी पिंबै के लबइले ङ झेलर मुँ।

एफिसी 4:1

प्रभुए ल्हागिर के लबइलेन् ङ झेलर टिल् त्हुइमुँ, दिलेया ङ क्‍हेमैंने यो छ्युँ लमुँ: क्हेमैं परमेश्‍वरजी त्हाँबै म्हिमैं ग। छतसि क्हेमैं छ्याँबै बानि ब्योरउँइँले छ्ह थोद्।

एफिसी 6:20

धै ङइ खैले पोंल् त्हुम् छलेन आङ्हिंन्ले पोंल् खाँरिगे बिसि ङए ल्हागिरै या प्राथना लमिंन्।

फिलिप्पी 1:13

येशू ख्रीष्‍टए सैं तोंबै ताँ ङइ बिप्रबै लमा ङ झेलर च्युवाब् ग बिसि दरबारर्बै सिपाइमैं नेरो ताँन् म्हिमैंइ सेइमुँ।

फिलिप्पी 2:17

क्‍हेमैंइ लबै येशू ख्रीष्‍टए फिर्बै बिश्‍वास परमेश्‍वरए मिंर ख्रो पिंब् धों ग। छतसि क्हेमैंइ परमेश्‍वरए मिंर पिंबै सैमैंए फिर ङइ ह्रोंसलाइन् ख्रो पिंल् त्हुलेया, ङए सैं तोंब्मुँ। छले क्हेमैं ताँनने ङ बेल्‍ले तोंइमुँ।

कलस्सी 1:24

क्हेमैंए ल्हागिर दुःखन् योंरिलेया ङ सैं तोंइमुँ, तलेबिस्याँ ख्रीष्‍टए ज्युए ल्हागिर, खी क्वेंब्मैंए ल्हागिर ङज्यै या नोल् त्हुबै दुःख ङ‍ए ज्युर्न नोसि पूरा लम्।

कलस्सी 1:29

ङए सैं न्होंर ख्रीष्‍टजी थेंमिंबै भोंउँइँले ङ खैबै दुःखन् तलेया चु के लम्।

१ थेसलोनिकी 3:2

ङ्योए अलि तिमोथी क्‍हेमैं ङाँर कुलइमुँ। च परमेश्‍वरए सेवा लसि येशू ख्रीष्‍टए बारेर्बै सैं तोंबै ताँ बिप्रबै म्हि ग।

१ तिमोथी 4:6

प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्‍वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्‍हि येशू ख्रीष्‍टए के लबै छ्याँबै म्‍हि तब्‍मुँ।

२ तिमोथी 1:16

दिलेया ओनेसिफरसए परवाए फिर प्रभुजी ल्हयो लरिगे, तलेबिस्याँ च ङ म्रोंसि फा आपिमल। च रोमर खमा फनफनले ङलाइ म्हैसि ङने त्होइ।

२ तिमोथी 1:8

छतसि प्रभुए क्ह्रोंसेंन्बै ताँमैंए ग्वाइ पिंबर फा आपिद्। ङ झेलर मुँबै ताँरै या फा आपिद्। बरु ङ्योए प्रभुउँइँले खबै सैं तोंबै ताँमैं बिप्रमा दुःखन् खलेया सैदिद्।

२ तिमोथी 2:9

ङइ चु सैं तोंबै ताँ अरू म्हिमैंने बिमिंबै लमा ङ अप्रादिमैं धोंले सँउँलिइ फैसि दुःख नोल् त्‍हुइमुँ। दिलेया परमेश्‍वरए ताँम् खाबज्यै या फैथेंल आखाँ।

२ तिमोथी 3:11

एन्‍टिओखिया, आइकोनियम नेरो लुस्‍त्रार ङइ खै-खैबै दुःखमैं सैदिइ बिसि क्हिइ सेइमुँ। दिलेया प्रभुजी च ताँन् दुःखउँइँले ङ जोगेमिंइ।

फिलेमोन 1:9

दिलेया ङइ क्हिलाइ बेल्‍ले म्हाँया लसि ङइ क्हिने ताँ मत्‍त्रे थेंब् ग। ङ खेब् तयाइमुँ, येशू ख्रीष्‍टउँइँले खबै सैं तोंबै ताँ बिप्रइ बिसि छाबै खेब् तयाबै म्हि या झेलर टिल् त्हुइमुँ।

हिब्रू 10:34

झेलर मुँब्‍मैंलाइ क्हेमैंइ ल्होमिंइ, ह्रोंसए सै न्होर अरूमैंइ लुडिवालेया क्‍हेमैं सैं तोंसिन् सैदिइ, तलेबिस्याँ क्‍हेमैंल च सै न्होर भन्दा थेब खोंयोंन् बिलै तरिबै स्वाबै सै न्होर मुँ बिसि क्‍हेमैंइ सेल।