२ कोरिन्थी 11:22 - परमेश्‍वरए ताँ तमु क्युइर

²² चमैं हिब्रू क्‍युइ पोंल् खाँम्‍मा? ङै या पोंल् खाँम्। चमैं इस्राएलीमैं वा? ङै या इस्राएली ग। चमैंए खे अब्राहाम वा? ङए खे या अब्राहाम ग।

२ कोरिन्थी 11:22 ပူးပေါင်းရင်းမြစ်များ

प्रस्थान 10:3

छतसि मोशा नेरो हारून फारो ङाँर ह्‍यासि चने बिइ, “हिब्रूमैंए याहवेह परमेश्‍वरजी क्हिने ‘खोंयों समा क्हि च्योंने तसि ङइ बिब् आङिं?’ बिइ। ‘ङए सेवा लरिगे बिसि ङए म्हिमैं ह्‍याल् पिंन्।

प्रस्थान 3:18

“इस्राएलर्बै चिबनाँबमैंइ क्हिए ताँ थेब्मुँ, धै क्हि नेरो चिबनाँबमैं मिश्रर्बै म्रुँ ङाँर ह्‍यासि क्हेमैंइ चने छ बिद्, ‘हिब्रूमैंए याहवेह परमेश्‍वरजी ङिने त्होइमुँ। छतसि तारे ङि क्हिने बिन्ति लमुँ, ङिए याहवेह परमेश्‍वरए ल्हागिर क्यु आयोंबै क्ल्ह्‍योर ख्रो पिंबर सोंरोबै घ्याँर ङि ह्‍याल् पिंन्।’

प्रस्थान 5:3

झाइले चमैंइ बिइ, “हिब्रूमैंए परमेश्‍वर ङिने त्होइमुँ। यो छ्युँ लमुँ, क्यु आयोंबै क्ल्ह्‍योर सोंरोबै घ्याँर ह्‍यासि ङिए परमेश्‍वरए ल्हागिर ख्रो पिंबर ङि ह्‍याल् पिंन्। आस्याँ खीजी ङिलाइ नब छब लसि, सेलाँइ (तरवारइ) ल्हिसि सैब्मुँ।”

प्रस्थान 7:16

झाइले चने छ बिद्, ‘हिब्रूमैंए याहवेह परमेश्‍वरजी ङलाइ क्हि ङाँर कुलइमुँ। खीजी क्हिने “ङए म्हिमैंलाइ क्यु आयोंबै क्ल्ह्‍योर ङए सेवा लबर ह्‍याल् पिंन्!” बिइ। दिलेया तोगो समा क्हिइ ह्‍याल् आपिं।

प्रस्थान 9:1

याहवेहजी धबै मोशाने बिइ, “फारो ङाँर ह्‍यासि चने ‘ङए म्हिमैं ङए सेवा लबर ह्‍याल् पिंन् बिसि हिब्रूमैंए याहवेह परमेश्‍वरजी बिइमुँ,’ बिद्।

प्रस्थान 9:13

याहवेहजी धबै मोशाने बिइ, “प्हन्हाँग न्हाँकर्न रेसि फारो ङाँर ह्‍यासि चने, ‘ङए सेवा लबर ङए म्हिमैं ह्‍याल् पिंन्!’ बिसि हिब्रूमैंए याहवेह परमेश्‍वरजी बिइमुँ बिद्।

मत्ती 3:9

‘ङि यहूदीमैं परमेश्‍वरजी त्‍हाँबै म्‍हि अब्राहमए खलकर्बै तसेरो ङि परमेश्‍वरए सजैंउँइँले स्योल् योंब्‍मुँ,’ बिसि ह्रों-ह्रोंसन् बिआप्रद्। तलेबिस्याँ ङ क्हेमैंने बिमुँ, परमेश्‍वरजी अब्राहमए ल्हागिर चु युँमाउँइँले या सन्‍तान् लमिंल् खाँम्।

चेला चिब्मैंए केमैं 22:3

“ङ किलिकिया ह्‍युलर्बै टार्ससथें यहूदी ग, दिलेया ङ चु यरूशलेमर गमलिएल बिबै ङए गुरुए योउँइँले फारब् ग। धै ङ्योए खेमैंइ म्हाँदिबै रोसमैं ङइ छेनाले लोइमुँ। तिंयाँ क्‍हेमैंइ परमेश्‍वरलाइ सैं न्होंउँइँले म्‍हाँदिब् धोंले ङज्‍यै या खीलाइ म्‍हाँदिदा ङ्हाँइँमुँ।

चेला चिब्मैंए केमैं 6:1

च त्हेर चेलामैं ल्हें ततै ह्‍याल। छले चेलामैं ल्हें ततै ह्‍यामा हिब्रू क्युइ पोंब्मैंने ग्रिक क्युइ पोंब्मैं गनगन् लबर होंइ, तलेबिस्याँ त्हिंइ ह्रोंसे चबै सै चुमा ग्रिक पोंबै चेलामैंए म्हरेस्योमैंइ चैदिबै चबै सै आयोंल।

रोमी 11:1

छ बिस्‍याँ परमेश्‍वरजी खीए यहूदी म्‍हिमैं त्‍याग्‍दिइ वा? आङिं, कत्ति आङिं! तलेबिस्याँ ङै या अब्राहमए सन्तानउँइँले फिबै बेन्‍यामिनए कुलर्बै इस्राइलि ग।

रोमी 9:4

परमेश्‍वरजी चमैंलाइ ह्रोंसए म्‍हिमैं तबै ल्हागिर त्‍हाँइ। खीजी चमैंलाइ ह्रोंसए प्‍हसेमैं लसि खीए औदिबै केमैं उँइँमिंइ। खीजी चमैंए खेमैंने बाछा फैसि ठिम पिंइ, धै खीए सेवा लबै या लोमिंइ, छले खीजी फैबै बाछामैं चमैंइ योंइ।

गलाती 3:16

छलेन अब्राहाम नेरो चए सन्‍तान न्होंर्बै म्हि घ्रिने परमेश्‍वरजी बाछा फैइमुँ। छ्वेर “ल्हें म्हिने बाछा फैइमुँ” आबि, बरु “क्‍हिए सन्‍तान न्होंर्बै म्हि घ्रि” बिसि म्‍हि घ्रिने मत्‍त्रे बाछा फैमुँ। च म्‍हि ख्रीष्‍ट ग।

फिलिप्पी 3:5

तलेबिस्याँ ङलम् फिबै प्रेरोर ज्युर चिनु लल। ङ इस्राएल ह्रेंर्बै बेन्यामीन कुलर्बै ग, हिब्रूमैंलैया हिब्रू ग, मोशाइ प्ह्रिबै ठिममैं म्हाँदिबै फरिसी घ्रि ग,