२ कोरिन्थी 11:20 - परमेश्‍वरए ताँ तमु क्युइर

²⁰ छलेन म्‍हि घ्रिइ क्‍हेमैंलाइ केब्छैं लवालेया, क्‍हेमैंए मुइ लुडिवालेया, क्‍हेमैंलाइ ङोर स्‍याब् धोंले च्युवालेया, क्‍हेमैंलाइ प्ह्रलेया, क्‍हेमैंए क्‍ह्राँबोर ल्हिलेया क्‍हेमैंइ ह्रिस आखल्‍ले सैदिमना!

२ कोरिन्थी 11:20 ပူးပေါင်းရင်းမြစ်များ

मर्कूस 12:40

चमैंइ ङ्हाँदु म्हरेस्योमैंए क्‍ल्‍ह्‍यो न्‍हें लुडिम्, दिलेया फिब्लो पार्दिसि ह्रिंग्‍यो ह्रिंग्‍यो प्राथना लम्। छाबै म्हिमैंइ परमेश्‍वरउँइँले झन् ल्‍हें दण्‍ड योंब्‍मुँ।”

लूका 6:29

खाबज्यै क्हिए क्‍हाँबोर ल्हिस्याँ अर्को क्‍हाँबो या तोमिंन्, छलेन खाबज्यै क्‍हिए बक्‍खु प्हेंवास्‍याँ ह्रेंगै या बोल् पिंन्।

१ कोरिन्थी 4:11

तिंयाँ समा ङिइ धोंब-टिंब सैदिसिन् मुँ, ङि फो ख्रेंइमुँ, क्यु पिइमुँ, क्‍लुनान् मुँ, ङिल धिं नाँ या आरे,

२ कोरिन्थी 1:24

ङिइ क्‍हेमैंलाइ “छाबै बिश्‍वास ललन् त्‍हुम्” बिसि कर आल्‍हैदि, तलेबिस्याँ क्‍हेमैं ह्रोंसन् बिश्‍वासर भोंब तइमुँ। बरु क्‍हेमैंए सैं तोंन् लमिंबै ल्हागिर ङि क्‍हेमैंने क्ह्रिसि के लबै सैं मुँ।

२ कोरिन्थी 10:5

परमेश्‍वरए ज्ञानए बिरोध लसि आतबै ताँ पोंब्मैं नेरो थेब् प्हैंसि पोंबै म्हिमैंए बिचारमैं ङिइ नास लवाम्, धै छाबै म्हिमैंलाइ ख्रीष्‍टजी बिबै ताँ म्हाँदिलन् त्हुब लवाम्।

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

२ कोरिन्थी 12:16

ङइ क्‍हेमैंलाइ तोइ सैरै दुःख आपिंइमुँ बिसि क्हेमैंज्यै सेइमुँ। दिलेया ङइ बाठो तसि क्हेमैंलाइ फसदिइ बिसि क्हेमैंइ ङलाइ छ्याब् ल्‍हैदिम् रो।

गलाती 2:4

दिलेया स्योलिबै ताँ लोमिंब्मैं ट्हुबि क्ह्‍याल् त्हुम् बिसि खाबज्यै आसेल्‍ले खसि बिश्‍वास लब्मैंए म्‍हाँजोर होंइ। धै ख्रीष्‍टउँइँले मुक्‍ति योंब्मैंलाइ छैं लसि स्योंम्बै ठिममैं म्हाँदिबर कर ल्हैदिमल।

गलाती 4:25

च सिनै बिबै कों अरब ह्‍युलर मुँ। हागारए मतलब तिंजोरोबै यरूशलेम ग। चर्बै ताँन् म्हिमैं ठिमए न्होंर मुँबइले केब्स्योए सन्तानमैं धोंन् तइ।

गलाती 4:3

च धोंलेन् ङ्यो या कोलो मुँन् समा चु ह्‍युलर्बै छ्यामैंए न्होंर मुँल।

गलाती 4:9

दिलेया तोगो क्‍हेमैंइ परमेश्‍वरलाइ ङो सेइमुँ - बिलन् त्हुमा: परमेश्‍वरजी क्‍हेमैंलाइ ङो सेइमुँ। परमेश्‍वर ङो सेसेया क्‍हेमैं तले ओंसोंन् म्हाँदिबै केर आफेबै सैमैंन् म्हाँदिसि धबै चु ह्‍युलर्बै छ्यामैंए न्होंर तदा ङ्हाँमुँ?

गलाती 5:1

ङ्यो केब्छैं-केब्स्‍योमैं आतबै ल्हागिर ख्रीष्‍टजी सै फोसि ङ्योलाइ ठिमउँइँले खामिंइ। छतसि सैं भोंब् लद्। क्‍हेमैं धबै केब्छैं-केब्स्‍योमैं आतद्!

गलाती 5:10

ङ्यो ताँन् प्रभुए फिर बिश्‍वास लब्मैं ग। छतसि ङइ बिबै ताँ थोसि क्हेमैं तिराइ ल्हैदिरिब् आरे बिसि ङइ बिश्‍वास लइमुँ। क्‍हेमैंए सैंलाइ खैला तोला ङ्हाँन् लबै म्हि, खाब मुँलेया, चलाइ परमेश्‍वरजी सजैं पिंब्‍मुँ।

गलाती 6:12

क्हेमैंलाइ ज्युर चिनु लल् त्‍हुम् बिसि कर ल्‍हैदिब्मैं बैरुबै सै म्रोंसि प्हैंदा ङ्हाँब्मैं ग। “परमेश्‍वरउँइँले खटिदिबै ख्रीष्‍ट म्रुँ क्रूसर च्योसि सिइ,” बिबै ताँ बिप्रमा यहूदीमैंउँइँले खेंमैंलाइ तोइ दुःख आतरिगे बिब् मैंसि चमैंइ “ज्युर चिनु लल् त्‍हुम्” बिब् ग।

फिलिप्पी 3:19

चुमैं लिउँइँ नर्गर नास तब्‍मुँ, तलेबिस्याँ फोन् चुमैंए देवता ग। धै फापिल् त्‍हुबै केमैं लल् योंमा चुमैं सैं तोंम। चमैंए सैं खोंयोंइ बिले चु ह्‍युलर्बै सैमैंर फिरन् तरिम्।

१ थेसलोनिकी 2:5

ङि क्हेमैं ङाँर खमा ङिइ फिब्लो पार्दिबै ताँमैं तोइ आपों बिसि क्हेमैइ सेइमुँ। धै ङिइ तोइ योंम् उ बिसि लोबै या आलल, चु ताँर परमेश्‍वर ङिए साक्षि मुँ।