२ कोरिन्थी 11:10 - परमेश्‍वरए ताँ तमु क्युइर

¹⁰ ख्रीष्‍टजी क्ह्रोंसेंन्बै ताँ बिब् धोंले ङज्‍यै या क्ह्रोंसेंन्बै ताँ बिम्: “ङइ क्‍हेमैंलाइ दुःख आपिं” बिसि प्हैंबै ताँ अखैया ह्‍युल तिगोंन् खाबज्‍यै ङलाइ आपोंन् बिल् आखाँ।

२ कोरिन्थी 11:10 ပူးပေါင်းရင်းမြစ်များ

चेला चिब्मैंए केमैं 18:12

अखैया बिबै ह्‍युलर गलियोन बिबै म्हि रोमी क्रथे तमा यहूदीमैं ताँन् क्ह्रिसि पावलए बिरोध लइ, धै अदालतर बोइ।

चेला चिब्मैंए केमैं 18:27

झाइले अपोल्‍लसइ अखैया ह्‍युलर ह्‍याबै सैं लमा अलि-अङाँमैंइ च चर ह्‍याबर भों पिंइ, धै चइ बिबै ताँ क्वेंरिगे बिसि चर्बै चेलामैंए मिंरि भों पिंदै प्ह्रिछ्या (चिट्ठि) प्ह्रिइ। अपोल्‍लस चर फेनेसि परमेश्‍वए दयाम्हाँयाउँइँले प्रभुए फिर बिश्‍वास लबै म्हिमैंलाइ बेल्‍ले ल्होमिंइ।

रोमी 1:9

ङइ प्राथना लमा खोंयोंन् बिलै क्‍हेमैंलाज्यै मैंम् बिबै ताँ परमेश्‍वरजी सेइमुँ। खीए च्‍हउँइँले योंबै सैं तोंबै ताँ बिप्रसि ङइ खीए के छेनाले लम्।

रोमी 16:5

चमैंए धिंर मुँबै बिश्‍वासीमैंलाज्यै या ङए जय मसीह बिमिंन्। ङइ खोबै थु इपेनितसलाज्यै या जय मसीह मुँ। च एशिया ह्‍युलर्बै येशू ख्रीष्‍टए फिर बिश्‍वास लबै ओंसोंबै म्‍हि ग।

रोमी 9:1

तोगो ङइ बिबै ताँ क्ह्रोंसेंन्बै ग। ङ ख्रीष्‍टल् ग, ङ स्‍योर आते। धै पबित्र प्ल्हए न्होंर मुँबै ङए सैंज्‍यै या स्‍योर आते बिसि ङए सैंइ साक्षि पिंम्।

१ कोरिन्थी 16:15

अखैया ह्‍युलर्बै स्‍तिफनस नेरो चए परवाए बारेर क्‍हेमैंइ था सेइमुँ। च ह्‍युलर्बै म्हिमैं न्होंरि चमैं ताँन् भन्दा ओंसों प्रभुए फिर बिश्‍वास लब्मैं ग। परमेश्‍वरए म्‍हिमैंए सेवा छेनाले लबर चमैंइ ह्रोंसलाइन पिंवाइमुँ।

२ कोरिन्थी 1:1

परमेश्‍वरए इच्‍छाउँइँले येशू ख्रीष्‍टजी के लबर कुल्मिंबै चेला चिब ङ पावल नेरो ङ्योए अलि तिमोथीउँइँले कोरिन्‍थ सहरर्बै बिश्‍वासीमैं नेरो ग्रिस ह्‍युलर्बै परमेश्‍वरए ताँन् म्‍हिमैंलाइ जय मसीह मुँ।

२ कोरिन्थी 1:23

ङए खोंर्बै ताँ सेबै परमेश्‍वरए मिंर ङ क्हेमैंने बिमुँ: क्‍हेमैं कर आयोंन् आतरिगे बिबै सैं मैंसि ङ कोरिन्‍थर आखब् ग।

२ कोरिन्थी 10:15

ङिलाइ परमेश्‍वरजी पिंबै जिम्मा बाहेक् अरू चेलामैंइ लबै केर ङिइ यो झोंसि थेब् आप्‍हैं। बरु क्‍हेमैंए बिश्‍वास भोंब् तरिगे धै परमेश्‍वरजी ङिलाइ जिम्‍मा पिंब् धोंले ङिइ क्‍हेमैंने बालु झन् ल्हें के लल् खाँरिगे बिब ङिए आशा मुँ।

२ कोरिन्थी 11:12

ङिइ धोंलेन् के लइमुँ बिसि थेब् प्हैंसि पोंब्मैंए ताँ थोरिगे बिसि ङइ लरिबै के खोंयोंन् बिलै ङ लरिब्मुँ।

२ कोरिन्थी 11:31

ङइ स्‍योर आतेइमुँ बिबै ताँ खोंयोंन् बिलै म्हाँदिल् त्हुबै प्रभु येशूए आबा परमेश्‍वरजी सेइमुँ।

२ कोरिन्थी 12:19

चु ताँन् ताँमैं बिमा ङि छ्याँब् मुँ बिसि क्हेमैंए उँइँर पोंइ वा? छ कत्ति आङिं! बरु परमेश्‍वरए उँइँर ख्रीष्‍टजी बिब् धोंले ङि पोंम्। ओ ङए खोबै अलि-अङाँमैं, ङिइ लबै ताँन् केमैं क्‍हेमैंलाइ भोंब् लमिंबै ल्हागिर्न ग।

२ कोरिन्थी 9:2

तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

गलाती 1:20

(ङ परमेश्‍वरए उँइँर स्योर आते, ङइ प्‍ह्रिबै ताँ क्‍ह्रोंसेंन्‍बै ग।)

गलाती 2:20

ङ ख्रीष्‍टने बालुन् क्रूसर च्‍योसि सिइमुँ। छतसि तारे पिरु सोब ङ आङिं, दिलेया ख्रीष्‍ट ङए सैं न्‍होंर तसि सोइमुँ। तोगो चु ज्युर ङ सोरिबै छ्ह परमेश्‍वरए च्‍ह येशू ख्रीष्‍टए फिर बिश्‍वास लसि सोरिबै छ्ह ग, तलेबिस्याँ खीजी ङलाइ म्हाँया लसि ङए ल्हागिर खीए ज्युन् सुम्‍पिदिइ।

१ थेसलोनिकी 2:10

ङि क्‍हेमैंने टिमा ङिने तोइ छ्याब् आरेल, ङिइ लबै केमैं ठिक मुँल, ङिइ क्ह्रोंसेंन्बै ताँमैं पोंमल बिबै ताँर क्‍हेमैं नेरो परमेश्‍वर या साक्षि मुँ।

१ थेसलोनिकी 2:5

ङि क्हेमैं ङाँर खमा ङिइ फिब्लो पार्दिबै ताँमैं तोइ आपों बिसि क्हेमैइ सेइमुँ। धै ङिइ तोइ योंम् उ बिसि लोबै या आलल, चु ताँर परमेश्‍वर ङिए साक्षि मुँ।

१ तिमोथी 2:7

चु ताँमैंए ग्वाइ पिंबर्न परमेश्‍वरजी ङलाइ कुल्मिंबै चेला चिब तबर त्हाँइ। क्ह्रोंसेंन्बै ताँ था सेसि प्रभु येशूलाइ बिश्‍वास लरिगे बिसि अरू ह्रेंमैंलाइ लोमिंबर ङलाइ कुल्मिंइमुँ। ङ स्‍योर आते, चु क्ह्रोंसेंन्बै ताँ ग।