२ कोरिन्थी 10:13 - परमेश्‍वरए ताँ तमु क्युइर

¹³ दिलेया ङिम् छले थेब् प्हैंसि आपों। बरु परमेश्‍वरजी ङिने “लद्” बिबै केमैं मत्‍त्रे ङिइ लम्, धै क्‍हेमैंए ङाँर खसि लबै केमैं या परमेश्‍वरजी ङिने “लद्” बिबै केन् ग।

२ कोरिन्थी 10:13 ပူးပေါင်းရင်းမြစ်များ

भजनमैं 19:4

दिलेया चमैंए कै ह्‍युल तिगोंन् कोनिइमुँ, चमैंइ पोंबै ताँमैं ताँन् ह्‍युलर फेनेइमुँ, खीजी त्हिंयाँ टिबै ल्हागिर मुर क्ल्‍ह्‍यो घ्रि लथेंइमुँ।

हितोपदेश 25:14

ह्रोंसइ पिंइ आपिंबै क्होल्से पिंइ बिसि थब् प्हैंबै म्हि नाँ आयुबै न्हाँम्स्यो नेरो खैं धों तब् ग।

मत्ती 25:15

केब्छैंमैंइ के कति लल् खाँम् च ङ्‍ह्‍‍योसि खीजी घ्रिने माराए सिक्‍का ङ्‍ह, घ्रिने माराए सिक्‍का ङ्हिं, धै घ्रिने माराए सिक्‍का घ्रि जिम्‍मा ल्‍हैदिसि च आगुए ह्‍युलउँइँ ह्‍याइ।

रोमी 10:18

बरु ङ चु ताँ ङ्योएम्: यहूदीमैंइ थेल् आयों रो वा? थेइमुँ, तले आथेब! तलेबिस्याँ परमेश्‍वरए छ्वेर छले प्ह्रिइमुँ: “चमैंए कै पृथ्‍बी तिगोंन् थेनेइमुँ, चमैंइ बिबै ताँ ह्‍युलए कुना-कुना समन् फेनेइमुँ।”

रोमी 12:3

परमेश्‍वरजी ङलाइ खीए दयाम्हाँया पिंबइले ङइ क्‍हेमैं ताँनने यो छ्युँ लमुँ: ह्रोंसलाइ थेब आमैंन्, परमेश्‍वरजी क्हिलाइ पिंबै बिश्‍वास अनुसार ह्रोंस खैतब् मुँ छाबन् मैंन्।

रोमी 12:6

छतसि परमेश्‍वरजी खीए दयाजी ङ्योलाइ पिंबै स्‍यो स्‍योबै बरदानमैं अनुसार के लले। अगमबाणि पोंबै बरदान क्हिलाइ पिंइबिस्‍याँ ह्रोंसइ येशू ख्रीष्‍टए फिर लबै बिश्‍वास अनुसार अरूने पोंन्।

रोमी 15:20

ख्रीष्‍टए मिं या आथेबै म्हिमैं ङाँर खीउँइँले खबै सैं तोंबै ताँ बिप्रब ङए सैं मुँ। अरूइ झोंथेंबै जगए फिर धिं बेनब छ्याँब आत। छतसि अरूइ ओंसोंन् बिप्रबै क्‍ल्‍ह्‍यो जरे ङ बिप्रदा आङ्हाँ।

१ कोरिन्थी 12:11

चु ताँन् केमैं पबित्र प्ल्ह घ्रिए केमैंन् ग। खीजी ताँन् म्हिमैंलाइ खीए सैंर मैंब् धोंले स्‍यो-स्‍योबै बरदान पिंम्।

एफिसी 4:7

दिलेया प्रभु येशू ख्रीष्‍टजी ङ्योलाइ आशिक पिंबइले ङ्यो ताँनइ स्‍यो-स्‍योबै बरदान योंइमुँ।

१ पत्रुस 4:10

परमेश्‍वरए दयाम्हाँयाइ क्हेमैंइ तो-तो बरदान योंइमुँ, च बरदान घ्रिइ घ्रिए ल्हागिर ओलेद्।