२ कोरिन्थी 1:3 - परमेश्‍वरए ताँ तमु क्युइर

³ ङ्योए प्रभु येशू ख्रीष्‍टए परमेश्‍वर, अथवा खीए आबाजी ङ्योए फिर ल्हयो खसि सैं क्होमिंम्। छतसि खीए मिं खोंयोंन् बिलेया थेब तरिगे।

२ कोरिन्थी 1:3 ပူးပေါင်းရင်းမြစ်များ

उत्पत्ति 14:20

क्हिलाइ शत्तुरमैंए फिर ट्होल् पिंबै ताँन् भन्दा थेबै परमेश्‍वरए मिं थेब तरिगे!” बिसि चइ अब्रामए फिर आशिक पिंइ। धै अब्रामइ ह्रोंसइ ट्होइ पखबै तोन्दोंरि सैए च्युबाँर्बै तिंबाँ मल्कीसेदेकलाइ पिंइ।

भजनमैं 18:46

याहवेह सोगों मुँ! ङ लोबै पाराए मिं थेब तरिगे! ङ जोगेमिंबै परमेश्‍वरए मिं बेल्‍ले थेब तरिगे।

भजनमैं 68:35

ओ परमेश्‍वर, क्हि पबित्र क्‍ल्‍ह्‍योउँइँले युमा क्हि म्रोंसि ताँन् म्हिमैं ङ्हिंम्; इस्राएलए परमेश्‍वरजी ह्रोंसए म्हिमैंलाइ शक्ति नेरो भों पिंम्। परमेश्‍वरए मिं थेब् तरिगे!

भजनमैं 72:19

खीए थेबै मिं खोंयोंन बिलै क्वेरिगे; पृथ्बी तिगोंन् म्हिमैंइ खीए थेबै के म्रोंरिगे! आमेन नेरो आमेन!

भजनमैं 86:15

दिलेया ओ प्रभु, क्हि ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

यूहन्‍ना 10:30

आबा नेरो ङ घ्रिन् ग।”

यूहन्‍ना 20:17

येशूजी चने बिइ, “ङ आछुइद् तलेबिस्याँ ङ तोगो समा आबा ङाँर आह्‍याइमुँ। बरु ङए अलिमैं ङाँर ह्‍यासि चमैंने ‘तारे ङ ङए आबा, क्हेमैंए आबा, धै ङए परमेश्‍वर, क्हेमैंए परमेश्‍वर ङाँर ह्‍यासिन् मुँ’ बिसि ङए ताँ बिमिंन्।”

२ कोरिन्थी 11:31

ङइ स्‍योर आतेइमुँ बिबै ताँ खोंयोंन् बिलै म्हाँदिल् त्हुबै प्रभु येशूए आबा परमेश्‍वरजी सेइमुँ।

२ कोरिन्थी 7:6

दिलेया सैं च्‍योंब तब्‍मैंलाइ सैं थेब् लमिंबै परमेश्‍वरजी तीतस ङि ङाँर कुल्मिंसि ङिए सैं भोंब् लमिंइ।

एफिसी 1:17

ङ्योए प्रभु येशू ख्रीष्‍टए आबा थेबै मान मुँबै परमेश्‍वरजी खीए बारेर अझै क्‍हेमैंइ छेनाले क्होबै ल्हागिर खीए ज्ञान बुद्धि नेरो पबित्र प्ल्ह पिंरिगे बिसे या ङइ क्हेमैंए ल्हागिर प्राथना लइन मुँ।

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।

फिलिप्पी 2:11

झाइले ताँनइ परमेश्‍वर आबाए मान तबै ल्हागिर “येशू ख्रीष्‍टन् प्रभु ग” बिसि म्हाँदिब्मुँ।

कलस्सी 1:3

ङिइ क्‍हेमैंए ल्हागिर प्राथना लमा ङ्योए प्रभु येशू ख्रीष्‍टए आबा परमेश्‍वरलाइ खोंयोंइ या धन्‍यबाद पिंम्।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

२ यूहन्‍ना 1:4

परमेश्‍वर आबाजी ङ्योलाइ बिब् धोंलेन् क्हिए को-कोइ कोलोमैं क्ह्रोंसेंन्‍बै घ्‍याँर प्रबै ताँ था सेसि ङ बेल्‍ले सैं तोंइमुँ।

२ यूहन्‍ना 1:9

ख्रीष्‍टजी बिब् धोंले आप्रब, खीजी बिबै ताँए फिरि अरू ताँ थप्‍दिब्‍मैंने परमेश्‍वर आटि। दिलेया खीजी बिब् धोंले प्रब्मैंने बालु परमेश्‍वर आबा नेरो च्‍ह ङ्हिंना ङ्हिंन् टिम्।