२ कोरिन्थी 1:22 - परमेश्‍वरए ताँ तमु क्युइर

²² खीजीन् ङ्योलाइ खीए म्‍हिमैं लबै ल्हागिर छाप झोंमिंसि बैनाए रुपर खीए पबित्र प्ल्ह ङ्योए सैंर पिंसि ङ्यो खीए म्हिमैं ग बिबै ताँ पक्‍का लमिंइ।

२ कोरिन्थी 1:22 ပူးပေါင်းရင်းမြစ်များ

यूहन्‍ना 3:33

दिलेया खीए ताँ क्वेंब्मैंइ परमेश्‍वर क्ह्रोंसेंन्बै मुँ बिसि प्रमाण पिंम्।

यूहन्‍ना 6:27

नास तयाबै चबै सैए ल्हागिर दुःख आलद्, बरु खोंयोंइ बिलै सोरिल् योंबै चबै सैए ल्हागिर दुःख लद्। चु खोंयोंन् बिलै सोल् योंबै क्हें म्हिए च्ह ङइ क्हेमैंलाइ पिंब्मुँ, तलेबिस्याँ क्हेमैं खोंयोंन् बिलै सोरिगे बिसि परमेश्‍वर आबाजी ङलाइ त्हाँसि कुल्मिंब् ग।”

रोमी 4:11

अब्राहामइ ज्युर चिनु लब् भन्दा ओंसोंन् परमेश्‍वरए फिर बिश्‍वास लबइले परमेश्‍वरजी चलाइ च त्हेर्न ठिक ठर्दिइ। च लिउँइँ परमेश्‍वरजी चलाइ ठिक ठर्दिबै चिनु तरिगे बिसि ज्युर चिनु लल् पिंइ। ज्युर चिनु लब् भन्दा ओंसोंन् अब्राहाम ठिक ठर्दिबइले ज्युर चिनु आललैया बिश्‍वास लब्‍मैंए खे अब्राहाम तइ, तलेबिस्याँ ज्युर चिनु आललैया म्‍हिमैंइ बिश्‍वास लसिन् परमेश्‍वरए उँइँर ठिक ठर्दिम्।

रोमी 8:23

सृष्‍टि मत्‍त्रे आङिं, ङ्योज्‍यै या दुःखए सो सेंसिन् परमेश्‍वरए घ्‍याँ ङ्‌ह्‍योरिइमुँ। परमेश्‍वरजी लिउँइँ पिंबै ताँन् आशिकए फुइ तोगोइन खीए पबित्र प्ल्ह ङ्योए ल्हागिर पिंइमुँ। छतमा खीजी ङ्योलाइ खीए च्‍ह-च्हमिमैं लमिंसि जोगेमिंब्मुँ बिसि ङ्योइ घ्‍याँ ङ्‌ह्‍योरिइमुँ।

रोमी 8:9

दिलेया परमेश्‍वरए प्ल्ह क्‍ह्रोंसेंन्‍ले क्‍हेमैंने टिस्याँ क्‍हेमैं ओंसोंबै बानिए लिलि आप्र, बरु परमेश्‍वरए प्ल्हए लिलि प्रम्। येशू ख्रीष्‍टए प्ल्ह आरेबै म्‍हि ख्रीष्‍टल् आङिं।

२ कोरिन्थी 5:5

चु ज्यु फेर्दिबै ल्हागिर ङ्योलाइ परमेश्‍वरजीन् तयार लमिंइमुँ। चु केए बैनाए रुपर खीजीन् ङ्योलाइ पबित्र प्ल्ह पिंइमुँ।

एफिसी 4:30

परमेश्‍वरए पबित्र प्ल्हलाइ सैं नल् आलद्। परमेश्‍वरजी आखिरि त्हिंइर स्‍वर्गर बोबै ल्हागिर खीजी क्हेमैंए फिर ह्रोंसए पबित्र प्ल्हजी छाप ल्हैदिइमुँ।

१ थेसलोनिकी 4:8

छतसि खाबइ चु ताँ आम्हाँदि, चइ म्हिमैंए बिरोध लब आङिं, दिलेया क्हेमैंलाइ खीए पबित्र प्ल्ह पिंबै परमेश्‍वरए बिरोध लब् ग।

२ तिमोथी 2:19

दिलेया परमेश्‍वरजी बिबै ताँ बिस्याँ थेबै जग धोंले भोंब मुँ। च जगए फिर पबित्र प्ल्हजी छाप ल्हैदिइमुँ, “प्रभुजी खीए म्हिमैं ङो सेमुँ” धै “प्रभए मिं किंब्मैं ताँन् आछ्याँबै केउँइँले ह्रेंगो तल् त्हुम्।”

दर्शन 2:17

“पबित्र प्ल्हजी बिश्‍वासीमैंने बिबै ताँ न्ह मुँब्मैंइ छेनाले थेरिगे। “शैतान दुष्‍टए फिर ट्होगों तब्मैंलाइ लोथेंबै मन्‍न ङइ चल् पिंब्‍मुँ। चलाइ ङइ तार्ग्या युँमा पिंब्‍मुँ। च युँमार चए छारा मिं प्ह्रिइमुँ। च मिं योंबै म्‍हिइ मत्‍त्रे च छारा मिं था सेम्।”

दर्शन 7:3

“ङ्योए परमेश्‍वरए के लब्‍मैंए ङ्‌होर ङिइ परमेश्‍वरए छाप आझोंन् समा पृथ्‍बी, मा ङ्युँइ नेरो सिं धुँमैंलाइ नास आलद्।”

दर्शन 9:4

झाइले परमेश्‍वरजी तिरिमैंलाइ छ बिइ, “पृथ्‍बीर्बै छि प्याँ पिमैं नेरो सिं धुँमैं, नास आलद्, दिलेया खाब् म्‍हिए ङ्‌होर ङए छाप आरे, चमैंलाइ च्हिद्।