२ कोरिन्थी 1:21 - परमेश्‍वरए ताँ तमु क्युइर

²¹ ङ्योलाइ त्‍हाँसि ख्रीष्‍ट येशूए फिर बिश्‍वास लबर भोंब लमिंब परमेश्‍वरन् ग।

२ कोरिन्थी 1:21 ပူးပေါင်းရင်းမြစ်များ

भजनमैं 45:7

ठिक केमैं लब क्हिजी खोमुँ, आछ्याँबै केमैं बिस्याँ क्हिजी आखो। छतसि परमेश्‍वर, क्हिए परमेश्‍वरजी क्हिए थुमैंलाइ भन्दा क्हिलाइ ल्हें आशिक पिंसि क्हिए सैं तोंन् लमिंइमुँ;

भजनमैं 87:5

म्हिमैंइ सियोनए बारेर छले बिब्मुँ, “चु तान् म्हि चर्न फिल; झाइले ताँन् भन्दा थेबै परमेश्‍वरजीन् चलाइ भोंब लमिंब्मुँ।”

भजनमैं 89:4

‘क्हिए सन्तानलाइ खोंयोंन् बिलै ङइ म्रुँ तल् पिंब्मुँ, धै क्हिए ग्याल्स पुस्ता-पुस्ता समा तल् पिंब्मुँ,’ बिसि ङए के लबै म्हि दाऊदने कसम चइमुँ।” तिस्याँदे मैंन्

यूहन्‍ना 3:34

परमेश्‍वरजी कुल्मिंबै म्हिइ परमेश्‍वरए ताँ पोंम्, तलेबिस्याँ परमेश्‍वरजी खीए पबित्र प्ल्हइ प्लिमिंम्।

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।

रोमी 16:25

ङ्यो ताँनइ परमेश्‍वरए मिं थेब लले! खीजी क्‍हेमैंलाइ बिश्‍वासर भोंसि लमिंल् खाँम्। येशू ख्रीष्‍टउँइँले खबै सैं तोंबै ताँ ङइ बिप्रमा जुग जुग ओनोंन् लोथेंबै ताँ तारे छर्लङ्ग तसि ताँनइ सेइमुँ।

रोमी 8:9

दिलेया परमेश्‍वरए प्ल्ह क्‍ह्रोंसेंन्‍ले क्‍हेमैंने टिस्याँ क्‍हेमैं ओंसोंबै बानिए लिलि आप्र, बरु परमेश्‍वरए प्ल्हए लिलि प्रम्। येशू ख्रीष्‍टए प्ल्ह आरेबै म्‍हि ख्रीष्‍टल् आङिं।

१ कोरिन्थी 1:8

ङ्योए प्रभु येशू ख्रीष्‍ट युबै त्हिंइर क्‍हेमैंलाइ तोइ छ्याब् आरेब लमिंरिगे बिसि खीजीन् लिउँइँ समा क्हेमैंए बिश्‍वासर भोंब लमिंब्मुँ।

२ कोरिन्थी 5:5

चु ज्यु फेर्दिबै ल्हागिर ङ्योलाइ परमेश्‍वरजीन् तयार लमिंइमुँ। चु केए बैनाए रुपर खीजीन् ङ्योलाइ पबित्र प्ल्ह पिंइमुँ।

कलस्सी 2:7

खैले सिं धुँए जरा सरि न्होंन्हों च्‍योंमु, छलेन क्‍हेमैं छ्ह थोमा ख्रीष्‍टलाइ सैं पिंसि भोंब् तद्। इपाफ्रासइ क्‍हेमैंलाइ लोमिंब् धोंलेन् ख्रीष्‍टए फिर अझै बिश्‍वास भोंब् लद्। धै खोंयोंन् बिलै धन्‍यबाद पिंबै सैं प्‍ह्‍याद्।

१ थेसलोनिकी 3:13

खीजी क्हेमैंलाइ भोंब् लमिंब्मुँ, धै प्रभु येशू खीए म्हिमैंने बालु धबै चु ह्‍युलर युमा क्हेमैं ङ्योए परमेश्‍वर आबाए उँइँर बेल्‍ले छ्याँब खोट आरेब तब्मुँ।

२ थेसलोनिकी 2:17

क्‍हेमैंए सैं भोंब लमिंरिगे धै तोन्‍दोंरि छ्याँबै केमैं लबर नेरो छ्याँबै ताँमैं पोंबर ल्होमिंरिगे बिसि ङइ प्राथना लमुँ।

२ थेसलोनिकी 2:8

लिउँइँ परमेश्‍वरजी पिवासि च दुष्‍ट शत्‍त्रु त्‍होंब्मुँ, दिलेया प्रभु येशू युबै त्हेर्बै चारबै ह्‍वे नेरो खीए सुँउँइँले त्होंबै सोइ चलाइ नास लवाब्‍मुँ।

२ थेसलोनिकी 3:3

दिलेया प्रभु येशू भर पर्दिब् मुँ। खीजी क्‍हेमैंए सैं भोंब् लमिंब्मुँ धै दुष्‍टउँइँले जोगेमिंब्‍मुँ।

हिब्रू 13:9

क्‍हेमैं तब आतबै ताँमैं लोमिंबै म्हिमैंए लिलि आप्रद्। चु चल् तमु, चु चल् आत िबबै ताँ म्हिमैंइ बिबै ताँ मत्‍त्रे ग, बरु परमेश्‍वरए दयाम्हाँयाउँइँले ङ्योइ सैं भोंब् लबै ताँ छ्याँबै मुँ। चु चल् तमु, चु चल् आत िबबै ताँ ङिंब्मैंइ मुक्‍ति आयों, चमैंला बिब् धोंइ तोइ आतइमुँ।

१ पत्रुस 5:10

दयाम्हाँया मुँबै परमेश्‍वरजी क्हेमैंलाइ येशू ख्रीष्‍टने घ्रिन् लमिंइमुँ, धै खीजी योंब् धों तबै खोंयोंइ आनुबै मान ङ्योज्यै या योंरिगे बिसि खीजी ङ्योलाइ त्‍हाँइमुँ। क्‍हेमैंइ तिस्याँदे दुःख योंबै लिउँइँ खीजीन् क्हेमैंलाइ धबै छारा लमिंसि, भोंसि लमिंब्मुँ धै बेल्‍ले शक्‍ति मुँब लमिंब्‍मुँ।

१ यूहन्‍ना 2:20

दिलेया क्‍हेमैंए फिर ख्रीष्‍टजी पबित्र प्ल्ह प्लिंमिंइमुँ, छतसि क्‍हेमैं ताँनइ क्ह्रोंसेंन्बै ताँ सेइमुँ।

१ यूहन्‍ना 2:27

दिलेया ख्रीष्‍टजी ह्रोंसए पबित्र प्ल्हजी क्‍हेमैंलाइ प्लिंमिंइमुँ, छतसि क्‍हेमैंलाइ अरू लोमिंबै म्‍हि आचैदि। ताँन् सैए बारेर खीए प्ल्हजी क्‍हेमैंलाइ लोमिंम्, खीजी लोमिंबै ताँ क्ह्रोंसेंन्बै ग, स्‍योर आङिं। छतसि पबित्र प्ल्हजी लोमिंबै ताँमैं ङिंनु, धै छ्ह तिगोंन् ख्रीष्‍टनेन् घ्रिन् तसि प्रद्।

दर्शन 1:6

खीए परमेश्‍वर आबाए सेवा लरिगे बिसि येशूजी ङ्योलाइ परमेश्‍वरए मिंर ख्रो पिंबै खेगिमैं लमिंइमुँ। येशू ख्रीष्‍टए मिं खोंयोंन् बिलै थेब् तरिगे। आमेन, छान् तरिगे।

दर्शन 3:18

छतसि ङइ क्हेमैंलाइ चु सल्‍ला पिंम्: क्‍हि प्लब् तबै ल्हागिर मिर खारदिबै छ्याँबै मारा ङउँइँले किंन्, म्‍हिमैंइ क्‍हेमैंलाइ क्‍लुना तब् आम्रोंरिगे बिसि खिबै ल्हागिर ङउँइँले फोस्रे ब्योंबै क्‍वें किंन्, झाइले क्‍हिए मि म्रोंरिगे बिसि ङउँइँले मि म्रोंल् लबै मैं किंसि फोद्।