२ कोरिन्थी 1:12 - परमेश्‍वरए ताँ तमु क्युइर

¹² चु ताँ बिल् योंमा ङि ङ्‍हो च्हौ प्ल्ह्‍याब् धों ङ्हाँइमुँ, ङिए सैंज्यै या छान् बिम्। ङिइ चु ह्‍युलर छ्ह थोमा छ्याँबै केमैं लसि छेनाले प्रब्-टिब लइ, क्‍हेमैंने मुँमै या ङि छेनाले प्रब्-टिब पोंब लसि परमेश्‍वरए क्‍ह्रोंसेंन्बै घ्याँर प्रल। ङिइ छाबै केमैं म्‍हिए ज्ञान बुद्धिउँइँले लब आङिं, चु केमैं ङिइ परमेश्‍वरए दयाम्हाँयाउँइँले लल् खाँब् ग।

२ कोरिन्थी 1:12 ပူးပေါင်းရင်းမြစ်များ

चेला चिब्मैंए केमैं 23:1

पावलइ थेबै म्हि च्हों ङाँइ ङ्ह्‍योसि बिइ, “ओ आघें-अलिमैं, तिंयाँबै त्हिंइ समा परमेश्‍वरए उँइँरि ङइ छ्याँबै छ्ह थोइमुँ बिसि ङए सैंइ बिम्।”

चेला चिब्मैंए केमैं 24:16

छतसि परमेश्‍वर नेरो म्हिमैंए उँइँर खोंयोंन् बिले ङए सैंइ लद् बिब् धोंले ठिक के मत्‍त्रे ङइ लबै भों लरिमुँ।

रोमी 9:1

तोगो ङइ बिबै ताँ क्ह्रोंसेंन्बै ग। ङ ख्रीष्‍टल् ग, ङ स्‍योर आते। धै पबित्र प्ल्हए न्होंर मुँबै ङए सैंज्‍यै या स्‍योर आते बिसि ङए सैंइ साक्षि पिंम्।

१ कोरिन्थी 1:17

तलेबिस्याँ ख्रीष्‍टजी ङलाइ बप्‍तिस्‍मा पिंबर आङिं, खीउँइँले खबै सैं तोंबै ताँ बिप्रबर कुल्‍मिंब् ग। धै ख्रीष्‍टजी ङ्योए ल्हागिर क्रूसर पिंबै ख्रो फाक्‍कर्न आतरिगे बिसि च सैं तोंबै ताँ बिप्रमा ङइ चु ह्‍युलउँइँले खबै ज्ञान-बुद्धिइ आपों।

१ कोरिन्थी 12:8

पबित्र प्ल्हउँइँले कोइइ ज्ञान-बुद्धि मुँबै ताँ पोंबै भों योंइमुँ, कोइइ परमेश्‍वरए बारेर्बै छ्याँबै ताँमैं पोंबै भों योंइमुँ,

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

१ कोरिन्थी 2:13

छतसि ङ्योइ बिप्रबै ताँमैं म्‍हिमैंए बुद्धिउँइँले खबै ताँमैं आङिं, पबित्र प्ल्हउँइँले लोमिंबै ताँमैं ग। छतमा पबित्र प्ल्हउँइँले खबै ताँमैंए अर्थ ङ्योइ पबित्र प्ल्ह मुँबै म्हिमैंलाइ क्होमिंम्।

१ कोरिन्थी 4:4

तलेबिस्याँ ङइ आछ्याँबै के तोइ आलइमुँ बिसि ङए सैंर मैंलेया ङ छ्याब् आरेब् तइ बिल् आखाँ। ङलाइ जाँच लब खाब् जा बिस्याँ प्रभुन् ग।

१ कोरिन्थी 5:8

छतमा तारे ङ्योइ प्लेढा झोंबै क्हें धों तबै ओंसोंबै आछ्याँबै बानि ब्योर पिवासि छ्याँबै केमैं लदै क्ह्रोंसेंन्बै ताँमैं पोंदै प्लेढा आझोंबै क्हें चसि चाड म्हाँदिले।

२ कोरिन्थी 1:17

दिलेया क्हेमैं कोरिन्थथेंमैं ङाँर ङ आह्‍याल। ङइ लबै चाँजोउँइँले ङ भर पर्दिल् आखाँबै म्हि धों क्हेमैंइ मैंल् वा? चु चाँजो ङए खुशिइ लब् धों ङ्हाँल् वा? तो ङइ सुँइ घ्रिइन खोंयों “खमुँ” खोंयों “आख” बिम् बिसि क्हेमैं मैंल् वा?

२ कोरिन्थी 11:3

क्हेमैंइ छलकपट आलल्‍ले ख्रीष्‍टए फिर बिश्‍वास लबै सैं लइ, दिलेया स्‍योंम्‍बै हब्बालाइ प्‍हुरिइ खैले स्योर तेसि लुइ, छलेन क्हेमैंए सैं या न्होंवाम् उ बिसि ङ ङ्हिंइमुँ।

२ कोरिन्थी 2:17

ल्हें म्हिइ धोंले परमेश्‍वरए ताँ छों लब्मैं ङि आङिं, तलेबिस्याँ ङिलाइमि परमेश्‍वरजीन् कुल्‍मिंब् ग। छतसि ङि ख्रीष्‍टए सेवा लसि खीए ओंसों स्योर ताँ आकोंल्‍ले परमेश्‍वरए ताँ पोंमुँ।

२ कोरिन्थी 4:2

छलु-म्हिलु नेरो फा पिन् तबै केमैं ङिइ पिवाइमुँ। छलेन ङिइ परमेश्‍वरए ताँमैं म्हिमैंने बिप्रमा स्योलिबै ताँमैं कोंसि आबि। बरु म्हिमैंलाइ क्ह्रोंसेंन्बै ताँ उँइँमिंसि परमेश्‍वर नेरो म्हिमैंए उँइँर ह्रोंसलाइ ठिक ठर्दिबै केमैं ङि लम्।

२ कोरिन्थी 8:8

ङइ क्‍हेमैंलाइ हुकुम पिंसि बिब आङिं, दिलेया अरूमैंइ भों खल्‍ले छ्याँबै के लब् म्रोंसि क्‍हेमैंए म्हाँया क्‍ह्रोंसेंन ङिंब् उ आङिं बिसि जाँच लबर ग।

गलाती 6:4

छतसि ताँन् म्‍हिमैंइ ह्रोंसइ लबै केमैं ठिक मुँ उ आरे बिसि बिचार लरिगे, धै ह्रोंसइ लबै केमैं छ्याँब तब् म्रोंसि च सैं तोंरिगे। दिलेया अरूइ भन्दा ङइ छ्याँबै केमैं लइ बिसि थेब् आप्हैंरिगे।

एफिसी 6:14

शत्तुरमैंए उँइँर भोंन्‍ले टिद्। क्रेर फगिइ फैब् धोंले क्हेमैंए सैं परमेश्‍वरए क्ह्रोंसेंन्बै ताँइ फैद्। झाइले तिं नेरो फोए रक्षा लबै कोट खिब् धोंले छ्याँबै खोंउँइँले ठिक केमैं लप्रद्।

फिलिप्पी 1:10

छले क्हेमैंइ ज्ञान नेरो बुद्धि योंसि छ्याँबै ताँ सेल् खाँरिगे, धै येशू ख्रीष्‍ट युबै त्हिंइर क्‍हेमैंने तोइ छ्याब् आम्रोंरिगे।

१ थेसलोनिकी 2:10

ङि क्‍हेमैंने टिमा ङिने तोइ छ्याब् आरेल, ङिइ लबै केमैं ठिक मुँल, ङिइ क्ह्रोंसेंन्बै ताँमैं पोंमल बिबै ताँर क्‍हेमैं नेरो परमेश्‍वर या साक्षि मुँ।

१ तिमोथी 1:5

चर्बै ताँन् प्रभुए फिर बिश्‍वास लब्मैंइ क्ह्रोंसेंन्बै बिश्‍वासउँइँले, छ्याँबै खों प्ह्‍यासि छ्याँबै सैंउँइँले, ताँनने म्हाँया लरिगे बिसि ङइ चु ताँ बिइ।

तीतस 2:7

क्हिइ तो सैरै या स्योर आतेद्, ह्रोंसइ लबै ताँन् केमैंर छ्याँबै नमुना उँइँल् त्‍हुम्। छतमा क्हिइ बिबै ताँमैं या अरूइ क्वेंरिगे।

हिब्रू 13:18

ङिए ल्हागिरै या प्राथना लद। ङिए सैं छ्याँब मुँ बिसि ङिइ सेइमुँ, धै ताँन् के छेनाले लबै सैं ङिल मुँ।

याकूब 4:6

दिलेया खीजी अझै दयाम्हाँया लम्। छतसि परमेश्‍वरए छ्वेर छले बिइमुँ, “थेब् प्हैंब्मैंलाइ खीजी आखो, दिलेया च्योंने तब्मैंए फिर दयाम्हाँया लम्।”

१ पत्रुस 3:16

दिलेया क्हेमैं ह्रिस आखल्‍ले, मान तल्‍ले पोंल् त्हुम्। क्हेमैंए बिरोधर पोंब्मैं नेरो ख्रीष्‍टए लिलि प्रसि क्हेमैंइ लबै के आखोबै म्हिमैं फापिन् तरिगे बिसि क्हेमैंए सैं छ्याँब तल् त्हुम्।

१ पत्रुस 3:21

चु नाँ बाडिए क्यु बप्‍तिस्‍माए नमुना ग, तलेबिस्याँ नोआ नेरो चए परवालाइ क्‍युउँइँले जोगेब् धोंले क्‍हेमैंलाज्यै या येशूए मिंर क्‍युर प्ल्हुँसि जोगेमिंब्मुँ। खैले जोगेम् बिस्‍याँ परमेश्‍वरजी येशू ख्रीष्‍टलाइ सिबइले धबै सोगों लमिंबइले क्‍हेमैंइ छारा छ्ह योंइमुँ। चु बप्‍तिस्‍मा क्‍युइ ज्यु ख्रुब् धों तब आङिं, बरु क्‍हेमैंए सैं छ्याँब् प्ह्‍यासि बानि ब्योर छ्याँब् तरिगे बिबै ल्हागिर परमेश्‍वरउँइँले खबै बाछा ग।