२ कोरिन्थी 1:11 - परमेश्‍वरए ताँ तमु क्युइर

¹¹ चए ल्हागिरि क्‍हेमैंज्‍यै या ङिलाइ प्राथना लसि ल्होमिंल् त्हुम्। खीजी अझै ङिलाइ ल्होमिंब्‍मुँ। ल्हें म्‍हिमैंइ छले प्राथना लमिंमा खीजी प्राथना थेसि आशिक पिंब्‍मुँ। छतसि खीजी ङिलाइ ल्होमिंबइले ल्हें म्‍हिमैंइ परमेश्‍वरलाइ धन्‍यबाद पिंब्‍मुँ।

२ कोरिन्थी 1:11 ပူးပေါင်းရင်းမြစ်များ

चेला चिब्मैंए केमैं 12:5

छले पत्रुस झेलर च्युवामा चए ल्हागिर बिश्‍वासीमैंइ बेल्‍ले भों खसि परमेश्‍वरने प्राथना लरिल।

२ कोरिन्थी 4:15

तलेबिस्याँ ङिइ दुःख नोदै के लब क्‍हेमैंए ल्हागिर्न ग। खैले परमेश्‍वरए दयाम्हाँया ल्हें म्‍हिमैंइ योंइमुँ, छलेन परमेश्‍वरए मान कति थेब मुँ बिसि धन्‍यबाद पिंब्‍मैं या ल्हेंन् तब्मुँ।

२ कोरिन्थी 9:14

परमेश्‍वरजी क्हेमैंलाइ बेल्‍ले थेबै दयाम्हाँया लबै सैं पिंइमुँ बिसि यहूदीमैंइ क्‍हेमैंए फिर म्हाँया खसि क्‍हेमैंए ल्हागिर प्राथना लब्‍मुँ।

फिलिप्पी 1:19

ओं, ङ तोंब्मुँ, तलेबिस्याँ क्हेमैंए प्राथना नेरो येशू ख्रीष्‍टए प्ल्हजी ल्होमिंबइले युनन् ङ झेलउँइँले त्होंल् योंब्मुँ बिब ङइ सेइमुँ।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

१ थेसलोनिकी 5:25

ओ अलि-अङाँमैं, ङिए ल्हागिरै या प्राथना लमिंन्।

२ थेसलोनिकी 3:1

ओ अलि-अङाँमैं, प्रभुउँइँले खबै सैं तोंबै ताँ क्हेमैंए म्हाँजोर तब् धोंले खन्तोंदोंन् बिप्रल् खाँरिगे धै म्हिमैंइ म्हाँदिरिगे बिसि ङिए ल्हागिरै या प्राथना लब्रें लद्।

फिलेमोन 1:22

अर्को ताँ ङए ल्हागिर टिबै क्ल्ह्‍यो लथेंन्, तलेबिस्याँ क्‍हेमैंए प्राथना थेसि परमेश्‍वरजी ङ क्‍हेमैं ङाँर खल् पिंम् बिसि ङए सैंर आशा लइमुँ।

हिब्रू 13:18

ङिए ल्हागिरै या प्राथना लद। ङिए सैं छ्याँब मुँ बिसि ङिइ सेइमुँ, धै ताँन् के छेनाले लबै सैं ङिल मुँ।