१ तिमोथी 6:5 - परमेश्‍वरए ताँ तमु क्युइर

⁵ छाबै म्हिमैं मदि न्होंयाब्मैं नेरो क्ह्रोंसेंन्बै ताँ आक्वेंब्मैं ङाँर ह्‍यासि प्होंगि लल् म्हैम्, धै परमेश्‍वरए मिंर के लब् प्हैंसि ङ खैले प्लब् तब् ङ्‍हे बिसि चमैंइ मैंम्।

१ तिमोथी 6:5 ပူးပေါင်းရင်းမြစ်များ

मत्ती 12:33

“छ्याँबै रोमैं रोबै ल्हागिर धुँ या छ्याँबन् तल् त्हुम्, धुँ आसोबर्दिस्‍याँ रोमैं या छ्याँब आरो। रोउँइँलेन् धुँ छ्याँब नेरो आछ्याँब फेलम्।

मत्ती 21:13

येशूजी चमैंलाइ हौदिसि बिइ, “‘ङए धिं प्राथना लबै धिं बिब्मुँ,’ बिसि परमेश्‍वरए छ्वेर प्‍ह्रिइमुँ। दिलेया क्‍हेमैंइमि चु ह्‍योमैं टिबै क्ल्ह्‍यो ग लना।”

मत्ती 23:13

“धिक्‍कार मुँ, शास्‍त्रिमैं नेरो फरिसीमैं, क्‍हेमैं फिब्लो पार्दिब्मैं! स्‍वर्गर्बै ग्याल्सर होंल् म्हैबै म्‍हिमैंलाइ क्‍हेमैंइ म्रा तोरवाम्। क्‍हेमैं ह्रोंसै या आहों, होंल् म्‍हैब्‍मैंलाज्यै या होंल् आपिं।

१ कोरिन्थी 11:16

दिलेया चु ताँए बारेर को-कोइइ तोइ बिदा ङ्हाँम् बिस्‍याँ ङइ चमैंने बिमुँ, ङिए न्होंरि अरू तोइ रोसमैं आरे, परमेश्‍वरए बिश्‍वासीमैं न्‍होंरै या अरू तोइ रोसमैं आरे।

२ थेसलोनिकी 3:6

ओ अलि-अङाँमैं, ङ्योए प्रभु येशू ख्रीष्‍टए मिंर ङिइ क्हेमैंने बिमुँ: ङिइ क्हेमैंने लोमिंबै ताँर आप्रबै प्ल्हेउ अलि-अङाँमैंउँइँले स्‍योले टिद्।

१ तिमोथी 1:6

दिलेया को-कोइ म्हिमैं चु छ्याँबै घ्‍याँउँइँले स्योयासि स्योलिबै केर आफेबै घ्‍याँर अलमल् तरिइमुँ।

१ तिमोथी 3:3

प्हा आथुँब, प्होंगि आलब, ह्रिस आखब, सैदिल् खाँब, मुइए लोब आलब तल् त्हुम्।

१ तिमोथी 3:8

छलेन डिकनमैं या छ्याँबै बानि ब्योर प्ह्‍याल् त्‍हुम्, क्ह्रोंसेंन्बै ताँ पोंल् त्‍हुम्। प्हा थुँसि म्हेरल् आत, धै सै न्होरए लोबै या लल् आत।

१ तिमोथी 4:7

छतसि केर आफेबै स्‍योलिबै ताँमैंउँइँले स्‍योले टिद्। बरु परमेश्‍वरए केर फेबै म्हि तबर भों लद्।

१ तिमोथी 4:8

तलेबिस्याँ ज्युए ल्हागिर लबै के तिस्याँदे मत्‍त्रे फायदा तम्। दिलेया परमेश्‍वरए घ्याँर प्रबै ल्हागिर तालिम लस्‍याँ ल्हें सैर फायदा तम्, तलेबिस्याँ चए रो चु छ्हर मत्‍त्रे आङिं अर्को छ्हरै या योंम्।

१ तिमोथी 6:6

दिलेया खाबइ ह्रोंसने तो मुँ च सैर्न सन्तोकले परमेश्‍वरए के लमुँ चन् प्लब् तम्।

२ तिमोथी 3:5

चमैंइ सुँइ परमेश्‍वरलाइ म्‍हाँदिम् बिम्, दिलेया चमैंए सैंइ परमेश्‍वरए क्‍ह्रोंसेंन्‍बै शक्‍तिलाइ आक्‍वें। छाबै म्‍हिमैंउँइँले स्‍यो तद्।

२ तिमोथी 3:8

यान्‍नेस नेरो याम्‍ब्रेसइ मोशाए बिरोध लब् धोंले छाबै स्योलिबै ताँ लोमिंब्‍मैंइ क्ह्रोंसेंन्बै ताँए बिरोध लम्। छाबै म्हिमैं मदि न्होंयाब्मैं, बिश्‍वास लल् आखाँबै म्हिमैं ग।

तीतस 1:11

छतसि चमैंए सुँर क्हा झोंल् त्‍हुम्, तलेबिस्याँ चमैंइ खेंमैंइ मुइ योंबै ल्हागिर म्हिमैंए धिं-धिंर होंसि स्योलिबै ताँमैं बिप्रसि चमैंए सैं भाँडिदिवाइमुँ। छाबै ताँमैं चमैंइ लोमिंल् आतमल।

२ पत्रुस 2:15

ल्हें मुइए लोबइ लमा छ्याँबै घ्‍याँ पिसि चमैं आछ्याँबै घ्‍याँउँइँ ल्‍हैदिइमुँ। छले चमैं स्‍योंम्‍बै बओरए च्‍ह बालामए लिलि प्रइमुँ।

२ पत्रुस 2:3

लोब लसि चमैंइ स्योलिबै ताँमैं पार्दिसि क्‍हेमैंउँइँलेन् फायदा किंब्‍मुँ। छतसि ओंसों ओनोंन् चमैंए ल्हागिर परमेश्‍वरजी दण्‍ड तोक्दिथेंइमुँ। चमैंए नास तबै त्हे तबर होंइमुँ।

यहूदाइ प्‍ह्रिबै प्ह्रिछ्या 1:11

धिक्‍कार मुँ चमैंलाइ। तलेबिस्याँ स्‍योंम्‍बै कयिनइ लब् धोंबै के चमैंइ लम्। ह्रोंसए फायदए ल्हागिर बालम बिबै म्हिइ लब् धोंबै गल्‍ति चमैंइ लम्। छतसि मोशाए बिरोधर राबै स्‍योंम्‍बै कोरह बिबै म्‍हि धोंले चमैंइ ठिक अधिकारए बिरोध लबइले नास तयाम्।

दर्शन 18:13

झाइले लेपो, मसल, धुप, छ्याँबै थाँ खबै अत्तर, लोबान बिबै धुप, प्हा नेरो छ्युगु, प्रो नेरो गहुँ, म्‍ये, मगि नेरो र-क्यु, घोडा नेरो गाडामैं, झाइले केब्छैं-केब्स्योमैं या तारे खाबज्यै आकिं।

दर्शन 18:3

च च्हमिरिने ल्हैदिबै ताँन् ह्रेंर्बै म्‍हिमैं प्हाइ धोंले म्हेरइमुँ। पृथ्‍बीर्बै म्रुँमैं या च च्हमिरिने ल्हैदिइमुँ। च फ्यालुस्योइ तो लदा ङ्हाँमुँ चन् लप्रइमुँ, धै छों लब्मैं चने क्ह्रिसि प्लइमुँ।”