१ तिमोथी 6:4 - परमेश्‍वरए ताँ तमु क्युइर

⁴ च म्‍हि फाक्‍कर्न ह्रब सेब प्‍हैंम्, चइ तोइ आह्र, तोइ आसे। छाबै म्‍हिमैंइ स्योलिबै ताँ घ्रि लाछेंसि प्‍होंगि मिम्, छाबै ताँमैंउँइँलेन् ह्रिस लब, प्होंगि मिब, आब्रु वाब नेरो आछ्याँबै सैं मैंल् लम्।

१ तिमोथी 6:4 ပူးပေါင်းရင်းမြစ်များ

हितोपदेश 13:7

कोइ म्हि ह्रोंसने तोइ आरेलैया प्लब् प्हैंम्; कोइ म्हि प्लब् मुँलेया तोइ आरेब् धोंले प्रम्,

हितोपदेश 25:14

ह्रोंसइ पिंइ आपिंबै क्होल्से पिंइ बिसि थब् प्हैंबै म्हि नाँ आयुबै न्हाँम्स्यो नेरो खैं धों तब् ग।

हितोपदेश 26:12

ह्रोंसन् ह्रब्-सेब् ग बिसि प्हैंबै म्हि म्रोंइमुँ वा? छाबै म्हि भन्दा बरु आमादुए फिर आशा थेंल् खाँम्।

चेला चिब्मैंए केमैं 15:2

छाबै ताँ थेसि चमैंने पावल नेरो बारनाबास आक्ह्रिमा चमैं बेल्‍ले प्होंइ। छतसि चर्बै बिश्‍वासीमैंइ पावल, बारनाबास नेरो अरू म्हिमैंने बिइ, “चु ताँए छ्याँन् मिंन् लबै ल्हागिर यरूशलेमर्बै कुल्मिंबै चेला चिब्मैं नेरो एल्डरमैं ङाँर ह्‍याद्।”

चेला चिब्मैंए केमैं 18:15

दिलेया चु ताँम् क्हेमैंए ठिमर्बै ताँफुँमैं नेरो मिंमैंए बारेर मत्‍त्रे मुँन! छतसि क्हेमैं ह्रोंसन् क्ह्रिल् त्हुम्। छाबै ताँए निसाफ ङइ आल।”

चेला चिब्मैंए केमैं 8:9

च सहरर सिमोन बिबै म्हि घ्रि मुँल। चइ ओंसों ओंनोंन् चर जादु लसि सामरियार्बै म्हिमैं प्लेटोयाल् लमल, धै चइ ङम् ङन् ग बिसि प्हैंमल।

रोमी 12:16

ताँनने क्‍ह्रिइ टिद्, थेब् आप्हैंन्, बरु कुरब्मैंने बालु प्रद्, ह्रोंसन् बेल्‍ले ह्रब्-सेब् आप्हैंन्।

रोमी 13:13

त्हिंर्बै ह्‍वेर टिब्‍मैं धोंले छ्याँबै छ्ह थोले। सयल लप्रब, प्हा को तब, ब्यभिचार लब, तो लदा ङ्हाँमुँ चन् लब, प्होंगि मिब नेरो ह्रिस लब छाबै केमैं ताँन् पिवाद्।

रोमी 14:1

बिश्‍वासर आभोंब्मैंलाइ म्हाँया लसि ह्रोंसए संगतिर टिल् पिंन्। दिलेया चमैंइ पोंबै ताँर छ्याब् ल्हैदिसि प्होंगि मिबै के आलद्।

रोमी 2:8

दिलेया प्होंगि कैगि लब्मैं, क्ह्रोंसेंन्बै ताँ आङिंब्मैं नेरो आछ्याँबै के लब्मैंए फिर बिस्याँ परमेश्‍वर ह्रिस खसि सजैं पिंब्‍मुँ।

१ कोरिन्थी 11:16

दिलेया चु ताँए बारेर को-कोइइ तोइ बिदा ङ्हाँम् बिस्‍याँ ङइ चमैंने बिमुँ, ङिए न्होंरि अरू तोइ रोसमैं आरे, परमेश्‍वरए बिश्‍वासीमैं न्‍होंरै या अरू तोइ रोसमैं आरे।

१ कोरिन्थी 11:18

ओंसों बिलन् त्हुमा, क्‍हेमैं परमेश्‍वरए सेवार खागु तमा ह्रों-ह्रोंसए न्‍होंर्न सैं फो आक्ह्रि रो बिबै ताँ ङइ थेइमुँ। चु ताँए बारेर ङए सैंरै या दे दे छान् ङ्हाँइमुँ।

१ कोरिन्थी 3:18

ह्रोंसैन ह्रोंसलाइ धोका आपिंन्: क्हेमैंए न्होंरि खाबज्‍यै या “चु ह्‍युलर्बै बुद्धि मुँबै म्हि ङन् ग” बिसि मैंम् बिस्याँ क्ह्रोंसेंन्बै बुद्धि मुँबै म्हि तल् खाँरिगे बिसि च बुद्धि आरेबै म्हि धों तल् त्हुम्।

१ कोरिन्थी 3:3

क्‍हेमैं अझै परमेश्‍वरए फिर बिश्‍वास आलब्मैं धोंबन् मुँ। तलेबिस्याँ क्‍हेमैं ह्रों-ह्रोंसए न्होंर्न ह्रिस लब, प्होंगि कैगि लब तसेरो क्हेमैं परमेश्‍वरए फिर बिश्‍वास आलब्मैं धोंन् तइ, आङिं वा?

२ कोरिन्थी 11:20

छलेन म्‍हि घ्रिइ क्‍हेमैंलाइ केब्छैं लवालेया, क्‍हेमैंए मुइ लुडिवालेया, क्‍हेमैंलाइ ङोर स्‍याब् धोंले च्युवालेया, क्‍हेमैंलाइ प्ह्रलेया, क्‍हेमैंए क्‍ह्राँबोर ल्हिलेया क्‍हेमैंइ ह्रिस आखल्‍ले सैदिमना!

गलाती 5:15

तलेबिस्याँ क्‍हेमैंए न्होंर्न क्ह्‍योंर्बै खेदोमैं नेब् धोंले घ्रिइ घ्रिलाइ दुःख पिंइ बिस्याँ क्‍हेमैंइ घ्रिइ घ्रिलाइ नास लवाब्‍मुँ। छतसि न्ह क्रों मि क्रों तद्।

गलाती 5:26

ङ्यो तिफुँइ थेब् आप्‍हैंले, अरूलाइ ह्रिस खल् आलले, झाइले अरूमैंए फिर ह्रिस आलले।

गलाती 6:3

तलेबिस्याँ तोइ आह्रबै म्हिइ “ङ थेबै म्हि ग” बिसि ह्रब् प्हैंस्याँ चइ ह्रोंसलाइन धोका पिंम्।

फिलिप्पी 1:15

दिलेया को-कोइ ङए फिर सैं आससि ह्रिस लसि येशूए सैं तोंबै ताँ बिप्रम्। को-कोइइ बिस्याँ छ्याँबै सैं मैंसिन् येशूए सैं तोंबै ताँ बिप्रम्।

फिलिप्पी 2:14

तो के ललेया कचकच आलल्‍ले आप्‍होंनले लल् त्हुबै के लदै ह्‍याद्।

फिलिप्पी 2:3

ह्रोंसए फायदाए ल्हागिर मत्‍त्रे तोइ आलद्। तोन् तोर्न थेब प्हैंदै तोइ आलद्, बरु ह्रोंसन् च्‍योंने तसि घ्रिइ घ्रिलाइ ह्रोंस भन्दा थेब् मैंन्।

कलस्सी 2:18

को-कोइइ “ह्रोंसन् च्‍योंब् तसि स्‍वर्गदूतमैंलाइ म्‍हाँदिल् त्‍हुम्,” बिम्। “ङिइ थेबै दर्शन म्रोंइ” बिसि प्हैंम्, चमैंइ खेंमैंए आछ्याँबै सैंइ तोन-तोर्न थेब् प्‍हैंम्। छतसि चमैंइ क्‍हेमैंइ योंल् त्हुबै इनाम योंल् आखाँन् आलरिगे।

२ थेसलोनिकी 2:4

म्हिमैंइ म्हाँदिरिबै ताँन् सैमैं भन्दा खी थेब् ग बिसि म्हिमैंइ म्हाँदिरिबै सैमैंए बिरोध चइ लम्। धै ङन् परमेश्‍वर ग बिसि च परमेश्‍वरए मन्‍दिरर क्हुँम्।

१ तिमोथी 1:4

धै चमैं स्‍योंम्‍बै स्‍योर ताँमैं नेरो खेमैंए खोंयोंइ आनुबै ताँर सैं आह्‍यारिगे, तलेबिस्याँ च ताँमैंउँइँले झन प्होंगि कैगि मत्‍त्रे तम्। बरु क्ह्रोंसेंन्बै परमेश्‍वरए ताँमैं क्होबर खीए फिर बिश्‍वास लल् त्हुम्।

१ तिमोथी 1:7

चमैं परमेश्‍वरए ताँमैं लोमिंबै म्‍हि तदा ङ्हाँमुँ, दिलेया चमैंइ खेंमैंइ लोमिंबै ताँ खेंमैंइन आक्‍हो।

१ तिमोथी 3:6

छतसि भर्खर बिश्‍वास लबै म्‍हि चिबए ल्हागिर आत्हाँरिगे, तलेबिस्याँ छाबै म्‍हि चिब तल् पिंइबिस्‍याँ, च थेब् प्हैंसि दुष्‍टइ योंबै दण्ड चज्यै या योंब्‍मुँ।

२ तिमोथी 2:14

छतसि च्युथिरि ताँमैं लाँछेंसि छ तइ छु तइ आबि प्रद् बिसि चमैंने बिद्, तलेबिस्याँ परमेश्‍वरए प्हसेमैं छ तब आङ्‍हें, छाबै ताँमैंइ म्हिए सैं मत्‍त्रे न्होंवाम्। छाबै ताँमैंइ तोइ फायदा आत।

२ तिमोथी 2:23

दिलेया केर आफेबै तामैं आपोंन्, तलेबिस्याँ छाबै ताँमैंउँइँले प्होंगि तम् बिसि क्हिइ सेइमुँ।

२ तिमोथी 3:4

अझै चमैंइ अरूलइ धोका पिंब, खैचिज्हिले पोंब, ह्रब् प्‍हैंब, परमेश्‍वरए सैं तोंन् लबै साटोर चमैं मोज-मज्‍जा लब् खोब।

तीतस 3:9

दिलेया केर आफेबै ताँ लब्‍मैं, खेमैंए बारेर्बै ताँ लब, प्होंगि लब्मैं, झाइले मोशाइ प्ह्रिबै ठिमए (नियमए) बारेर प्होंगि लब्मैंने स्‍यो तद्। तलेबिस्याँ चु ताँन् ताँमैं फाकर्बै केर आफेब् मुँ।

याकूब 1:19

ओ ङए खोबै अलि-अङाँमैं, क्हेमैं ताँनइ चु ताँ सेल् त्हुम्, ताँन् म्हिमैं छिट्ले ङेंब, क्हैल्‍ले पोंल् त्हुम्, धै युनन् ह्रिस खल् आत।

२ पत्रुस 2:12

च स्‍योलिबै ताँ लोमिंब्‍मैं बिस्‍याँ ह्रोंसइन क्होल् आखाँबै ताँमैंए ताँ लप्रम्। छाबै म्हिमैं क्ह्‍योंर टिबै चेत आरेबै खेदोमैं धों तम्। चमैंइ खेंमैंए सैंर तो मैंमुँ चन् लप्रम्। चुमैं क्‍हासि सैवाबै ल्हागिर फिबै खेदोमैं धोंलेन् नास तयाब्मुँ।

२ पत्रुस 2:18

चमैंइ ङिम् ङिन् ग बिब् प्हैंसि थे-थेबै ताँमैं लम्, धै भर्खर आछ्याँबै घ्याँ पिसि छ्याँबै घ्याँर ल्हैदिब्मैंलाइ ज्युउँइँले खबै इच्‍छार लोब उँइँमिंसि फस्ला फस्लु लवाम्।

यहूदाइ प्‍ह्रिबै प्ह्रिछ्या 1:10

दिलेया चु स्‍योलिबै ताँ लोमिंब्‍मैंइ ह्रोंसइ आक्‍होबै ताँ या बिल्‍लि लसि पोंम्। धै बुद्धि आरेबै खेदोमैं धोंले च्हैंब् मैंब् आलल्‍ले चमैं सैंर्बै ताँमैंए लिलि प्रसि आछ्याँबै के लम्। छाबै केमैंइन चमैंलाइ नास लवाम्।

यहूदाइ प्‍ह्रिबै प्ह्रिछ्या 1:16

च स्योलिबै ताँ लोमिंब्‍मैं प्होंगि कैगि लब्मैं, अरूलाइ छ्याब् ल्हैदिब्मैं, ह्रोंसए सैंउँइँले खबै आछ्याँबै ताँमैंए लिलि प्रब्मैं, थेब् प्‍हैंब्मैं, ह्रोंसए फायदाए ल्हागिर म्‍हिमैंलाइ वाँब्मैं ग।

दर्शन 3:17

क्हेमैंइ ‘ङ प्लब मुँ, ङलाइ तोए सैरै या खाँचो आरे,’ बिम्। दिलेया ह्रोंस् ङ्‍हो आसब, ङ्हाँदु, मि आम्रोंब, क्‍लुना मुँ बिब क्‍हेमैंइ था आसे।