१ तिमोथी 6:17 - परमेश्‍वरए ताँ तमु क्युइर

¹⁷ चु ह्‍युलर्बै प्लबै म्हिमैंने थेब् आप्हैंन् बिद्, चमैं प्लब् आप्‍हैंरिगे, आटिक्‍दिबै सै न्होरर आशा आथेंरिगे, बरु चमैंए आशा ङ्योलाइ चैदिबै सैमैं तोन्दोंरि योल्‍ले ख्युल्‍ले पिंबै परमेश्‍वरए फिर थेंरिगे।

१ तिमोथी 6:17 ပူးပေါင်းရင်းမြစ်များ

उत्पत्ति 13:2

अब्राम बेल्‍ले प्लबै म्हि मुँल तलेबिस्याँ चने खेदोमैं मारा-चाँदिमैं ल्हें मुँल।

भजनमैं 104:28

क्हिजी चमैंलाइ चबै सै पिंमा चमैंइ खुम्; क्हिजी ह्रोंसए यो प्ल्हमा चमैं लिंबै सैमैं चसि म्रेंम्।

भजनमैं 52:7

“ङ्ह्‍योत्ति! परमेश्‍वरए फिर भर आलबै म्हि! चुइ ह्रोंसने मुँबै ल्हें सै न्होरए फिर भर लइ, धै अरूमैं नास लवासि भोंब तइ।”

भजनमैं 62:10

धुदिबै केर भर आतद् धै ह्‍योबै सैर थेब् आप्हैंन्; क्हिए सै न्होर ल्हें तलेया चए फिर भर आथेंन्।

भजनमैं 62:8

छतसि ओ म्हिमैं, खोंयोंन् बिलै खीनेन् भर थेंन्; खीए ओंसों ह्रोंसए सैंर्बै ताँ बिद्; तलेबिस्याँ ङ्योए ग्वार ह्रिबै क्‍ल्‍ह्‍यो परमेश्‍वर ग। तिस्याँदे मैंन्

हितोपदेश 11:28

ह्रोंसए सै न्होरए फिर भर लबै म्हि फापिल् त्हुम्, दिलेया ठिक के लबै म्हि पिङ्ग्या प्हो धोंले म्रौलेब्मुँ।

हितोपदेश 23:5

तिस्याँदे ल्हागिर सै न्होर योंम्; दिलेया नुयाम्, तलेबिस्याँ चल प्ह्‍यामैं प्ह्‍यामुँ धै क्रोवे धोंले मुउँइँ प्हुरयाम्।

हितोपदेश 27:24

तलेबिस्याँ सै न्होर खोंयोंन् बिलै आटि; छलेन पुस्ता-पुस्त समा मुकुट कुल् योंम् बिब आरे।

हितोपदेश 30:9

आस्याँ प्लब् तबइले ङइ क्हिलाइ म्‍लेयालै धै “याहवेह खाब् जा?” बिसि ङइ बिलै; ङ ङ्हाँदु तसि ह्‍योलै, धै ङए परमेश्‍वरए मिं ङइ वालै।

मत्ती 12:32

‘म्हिए च्‍हए’ बिरोधर पोंब्मैंइ क्षमा योंल् खाँम्। दिलेया पबित्र प्ल्हए बिरोधर पोंबै म्‍हिमैंइ चु छ्हर मत्‍त्रे आङिं लिउँइँबै छ्‍हरै या क्षमा योंरिब् आरे।

मत्ती 19:23

च लिउँइँ येशूजी खीए चेलामैंने बिइ, “क्ह्रोंसेंन ङ क्हेमैंने बिमुँ, प्लबै म्‍हिमैं स्‍वर्गर्बै ग्याल्सर होंब बेल्‍ले गारो तब्मुँ।

मत्ती 25:16

माराए सिक्‍का ङ्‍ह योंबै म्‍हिइ युनन् ह्‍यासि च मुइउँइँले छों लसि अर्को सिक्‍का ङ्‍ह कमदिइ।

मत्ती 27:57

ङेसा तबै लिउँइँ अरिमाथियाथें योसेफ बिबै प्लबै म्‍हि घ्रि चर फेखइ। चै या येशूए चेला मुँल।

मत्ती 6:32

तलेबिस्याँ परमेश्‍वर ङो आसेब्‍मैंइ खोंयोंन् बिलै छलेन् न्हुँ लम्, क्‍हेमैं बिस्याँ छले न्हुँ लरिल् आत्हु। क्‍हेमैंलाइ तो-तो सैमैंए खाँचो मुँ बिसि क्‍हेमैंए स्वर्गर मुँबै परमेश्‍वर आबाजी सेम्।

मर्कूस 10:24

खीए ताँ थेसि चेलामैं प्लेटोयाइ। दिलेया येशूजी धबै चमैंने बिइ, “ओ ङए कोलोमैं, सै न्होरए फिर भर थेब्मैं परमेश्‍वरए ग्याल्सर होंब बेल्‍ले गारो मुँ।

लूका 19:2

च सहरर जखायस बिबै म्‍हि घ्रि रोमी म्रुँए ल्हागिर बालि रेब्‍मैं न्‍होंर्बै चिब नेरो प्लबै म्हि मुँल।

लूका 3:11

यूहन्‍नाइ बिइ, “खाब्ने खिबै क्वें ङ्हिजोर मुँ, चइ आरेबै म्हिमैं तिजोर पिंरिगे, धै खाब्ने चबै सै मुँ चइ फो ख्रेंब्मैं चल् पिंरिगे।”

चेला चिब्मैंए केमैं 14:17

दिलेया खीजी क्हेमैंए फिर ल्हयो खसि स्वर्गउँइँले नाँ कुलसि रा-रोमैं रोबै त्हेर क्हेमैं चल् योंरिगे बिसि ल्हें रोमैं रोमिंइ धै क्हेमैं सैं तोंल् पिंइ। छाबै के लसि क्हेमैंए उँइँर परमेश्‍वरजी खीए ग्वाइ पिंइँमुँ।”

चेला चिब्मैंए केमैं 14:27

झाइले चमैं एन्‍टिओखियार फेखसि चर्चर्बै म्हिमैं खागु लसि परमेश्‍वरजी खेंमैंउँइँले लबै ताँन् केमैं सुनेइ, धै परमेश्‍वरजी खैले अरू ह्रेंमैंए ल्हागिर प्रभुए फिर बिश्‍वास लबै म्रा थोंमिंइ बिबै ताँ या बिइ।

चेला चिब्मैंए केमैं 17:25

खीजीन् ताँनलाइ जीवन, सो नेरो तोन्दोंरि सै पिंमुँ। छतसि खीलाइ तोइ सैए खाँचो तब् धोंले म्हिए योउँइँले खीए सेवा लल् त्हुम् बिसि आमैंन्।

रोमी 11:20

च ठिक ताँ मुँ, दिलेया चु मैंन्: चमैंइ बिश्‍वास आलबइले परमेश्‍वरजी चमैंलाइ चोवाइ। छलेन क्‍हेमैंइ बिश्‍वास लसिन् मत्‍त्रे टिल् योंइमुँ। छतसि थेब् आप्हैंन्, बरु न्ह क्रों मि क्रोंले टिद्।

एफिसी 5:5

ख्रीष्‍ट नेरो परमेश्‍वरए ग्याल्सर ब्यभिचारिमैं, लोबिमैं, आछ्याँबै के लब्मैं खैलसे होंल् आयों बिसि क्हेमैंइ छेनाले सेल् त्हुम्। [अथवा परमेश्‍वरलाइ आम्‍हाँदिसेरो चमैंइ खी ङाँइले आशिक आयों।] लोब लबै केमैं परमेश्‍वरए उँइँर कु पूजा लब् धोंन् ग।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

१ थेसलोनिकी 1:9

तलेबिस्‍याँ ङि क्हेमैं ङाँर खमा क्हेमैंइ ङिलाइ बेल्‍ले मान लइ, धै क्‍हेमैंइ कु (मूर्ति) फ्योब पिसि क्‍ह्रोंसेंन्‍बै परमेश्‍वरउँइँ सैं एसि खीए सेवा लइ बिसि ताँन् म्हिमैंइ बयन लइमुँ।

१ तिमोथी 1:3

ङ माकेडोनिया ह्‍युलर ह्‍यामा क्हिलाइ “एफिससर्न टिसि स्योलिबै ताँमैं लोमिंबै म्हिमैंने छाबै स्योलिबै ताँ लोमिंल् आयों बिद्!” बिसि चर्न टिद् बिल।

१ तिमोथी 3:15

खनिज्यै ङ खब क्हैयाइ बिस्याँ परमेश्‍वरए प्हसेमैंए बानि ब्योर खैब तल् त्‍हुम् बिसि क्हिइ छेनाले सेल् त्हुम्। परमेश्‍वरए प्हसेमैं खोंयोंन् बिलै सोगों तबै परमेश्‍वरए मण्‍डलि ग, धै क्ह्रोंसेंन्बै मुल त्हो नेरो जग ग।

१ तिमोथी 4:10

ङ्योइ खाँन् समा भों लसि छेनाले के लसि छ्ह थोल् त्हुम्, तलेबिस्याँ सोगों परमेश्‍वरए फिर ङ्योइ आशा थेंइमुँ। परमेश्‍वर ताँन् म्हिमैंलाइ, खासगरि खीए फिर बिश्‍वास लब्‍मैंलाइ जोगेमिंबै परमेश्‍वर ग।

१ तिमोथी 5:21

परमेश्‍वर आबा, प्रभु येशू ख्रीष्‍ट नेरो स्‍वर्गदूतमैंए उँइँर ङइ क्हिने बिमुँ, क्हिइ खाबलाज्यै आफेलल्‍ले छेनाले चु केमैं लद्।

१ तिमोथी 6:13

ताँन् सैमैंए छ्ह पिंबै परमेश्‍वर नेरो पन्‍तियस पिलातसए ओंसों छ्याँबै ग्वाइ पिंबै प्रभु येशू ख्रीष्‍टए उँइँर ङ क्हिने चु ताँ बिमुँ:

१ तिमोथी 6:9

दिलेया प्लदा ङ्हाँब्मैंइ तब आतबर दुःख योंम्, चमैं आङिं-आङिं तबै सैजरे पानेम्, केरै आफेबै छेरन् तबै सै जरे सैं ह्‍याम्, छाबै सैमैंइ म्हिमैं तोइ आचैन् लवाम्।

२ तिमोथी 4:10

तलेबिस्याँ डेमासइ चु ह्‍युलर्बै सैमैंए म्हाँया लसि ङलाइ वाथेंसि थेसलोनिका सहरर ह्‍याइ। क्रेसेन्‍स बिबै अलि गलातिया ह्‍युलर ह्‍याइ, धै तीतस दलमातिया बिबै क्‍ल्‍ह्‍योर ह्‍याइ।

तीतस 2:12

खीए दयाम्हाँयाउँइँले खीजी ङ्योलाइ पाप केमैं नेरो चु ह्‍युलर्बै सैमैं पिवासि, आछ्याँबै केमैंउँइँले सैं फैसि, भक्‍ति लसि छ्याँबै छ्ह थोब लोमिंम्।

तीतस 3:6

ङ्यो जोगेमिंबै येशू ख्रीष्‍टउँइँले परमेश्‍वरजी खीए पबित्र प्ल्ह ङ्योए सैं न्‍होंर बेल्‍ले ल्हें प्‍लिंमिंइ।

२ पत्रुस 1:11

धै ङ्योलाइ जोगेमिंबै ङ्योए प्रभु येशू ख्रीष्‍टए खोंयोंन् बिलै तरिबै ग्याल्सर परमेश्‍वरजी ङ्योलाइ थेबै मान्ले होंल् पिंब्मुँ।