१ तिमोथी 5:4 - परमेश्‍वरए ताँ तमु क्युइर

⁴ म्हरेस्योमैंल च्‍ह, च्हमि, क्‍वें, क्‍वेंमिं मुँस्‍याँ, चमैंइ ह्रोंसए बाज्यु भुज्‍यूलाइ मान लसि छेनाले सुसार लरिगे, छले चमैंइ ह्रोंसए आबा, आमा नेरो बाज्‍यू भुज्‍यूए भारा फोरिगे, तलेबिस्याँ छाबै केमैं म्रोंसि परमेश्‍वर बेल्‍ले सैं तोंम्।

१ तिमोथी 5:4 ပူးပေါင်းရင်းမြစ်များ

उत्पत्ति 47:12

योसेफइ ह्रोंसए आबा आघें-अलिमैं नेरो ह्रोंसए आबाए परवा ताँनलाइ चमैंए प्हसेमैं कति मुँ च ङ्‍ह्‍योसि चबै सैमैं या पिंइ।

उत्पत्ति 47:28

छले याकूब मिश्रर च्युसे ङिदिं टिइ, च प्रसे प्लिच्युसे ङिदिं सोइ।

हितोपदेश 31:28

छतसि चए च्ह-च्हमिमैंइ आमाए छ्याँबै बयन लम्; चए प्युँज्यै या छ बिसि चए बयन लम्, धै चलाइ थेब लम्:

लूका 2:51

च लिउँइँ येशू चमैंने बालु नासरत नाँसर एह्‍याइ, धै आबा आमाइ बिब् ङिंसि टिइ। चर म्रोंबै ताँन् ताँमैं आमाइ सैंर थेंइ।

१ तिमोथी 2:3

ङ्यो जोगेमिंबै परमेश्‍वरए उँइँर चु ताँ बेल्‍ले छ्याँब मुँ।

१ तिमोथी 5:16

बिश्‍वासीमैंए फिर खाग आतरिगे बिसि परमेश्‍वरए फिर बिश्‍वास लबै च्हमिरिल ह्रोंसए न्होंरि खाब् मुँले म्हरेस्योमैं मुँस्‍याँ, चइ च म्हरेस्योमैं ल्होल् त्हुम्। खाबै आरेबै म्हरेस्योमैंलाइ बिस्याँ बिश्‍वासीमैंइ ल्होल् त्‍हुम्।

तीतस 1:11

छतसि चमैंए सुँर क्हा झोंल् त्‍हुम्, तलेबिस्याँ चमैंइ खेंमैंइ मुइ योंबै ल्हागिर म्हिमैंए धिं-धिंर होंसि स्योलिबै ताँमैं बिप्रसि चमैंए सैं भाँडिदिवाइमुँ। छाबै ताँमैं चमैंइ लोमिंल् आतमल।

रूथ 2:18

धै जौ नोसि च धिंर ह्‍यामा चइ पखबै जौ स्युमिलाइ उँइँइ। धै चसि ङैपखबै जौ या चइ स्युमिलाइ पिंइ।

रूथ 2:2

तिंगैं मोआब थेंस्यो रूथइ नाओमीने बिइ, “ङ म्रोंर ह्‍यासि खाबइ ङए फिर ल्हयो खमुँ, चए लिलि म्रोंमैंइ वाथेंबै जौ सिलमैं खुबर ह्‍याल् पिंन्,” बिमा नाओमीइ “ओं ओं ह्‍याद, ङए च्हमि,” बिइ।