१ तिमोथी 3:2 - परमेश्‍वरए ताँ तमु क्युइर

² छतसि बिश्‍वासीमैं न्होंर्बै चिब तोइ छ्याब् आरेब, प्ह्रेंस्यो घ्रि मत्‍त्रे मुँब, आछ्याँबै सैमैंउँइँले जोगेल् खाँब, ताँनने क्ह्रिल् खाँब, ताँनइ क्वेंब, प्ह्रेंमैं मान लल् ह्रब, झाइले म्हिमैं छेनाले लोमिंल् खाँब,

१ तिमोथी 3:2 ပူးပေါင်းရင်းမြစ်များ

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

लूका 2:36

झाइले च मन्दिरर हन्‍ना अगमबक्‍तास्यो मुँल। च‍ए आबा फनुएल बिब् मुँल, च आशेरए कुलर्बै मुँल। च हन्‍ना ब्ह्‍या लबै ङिदिंर्न प्युँ सियासि म्हरेस्यो तयाल।

रोमी 12:13

बिश्‍वासीमैंए खाँचोर ल्होद्, ह्रोंसए धिंर खबै प्ह्रेंमैंलाइ बास पिंसि छेनाले चब् थुँब् पिंन्।

फिलिप्पी 2:15

छले क्‍हेमैं तोइ छ्याब् आरेब तसि परमेश्‍वर ङो आसेब्मैंए म्हाँजोर तोइ खोट आरेबै परमेश्‍वरए सन्तान तद्। छतस्याँ परमेश्‍वर ङो आसेब्मैंए उँइँर क्‍हेमैं मुसारा धोंले चारब्मुँ।

१ तिमोथी 3:12

डिकनल प्ह्रेंस्यो घ्रि मत्‍त्रे तल् त्‍हुम्। प्‍हसेमैं नेरो धिं छेनाले ङ्‍ह्‍योल् खाँब तल् त्‍हुम्।

१ तिमोथी 3:8

छलेन डिकनमैं या छ्याँबै बानि ब्योर प्ह्‍याल् त्‍हुम्, क्ह्रोंसेंन्बै ताँ पोंल् त्‍हुम्। प्हा थुँसि म्हेरल् आत, धै सै न्होरए लोबै या लल् आत।

१ तिमोथी 4:3

छाबै म्हिमैंइ ब्ह्‍या लल् आत बिम्, धै को-कोइ चबै सै या चल् आत बिम्। दिलेया परमेश्‍वरजी चु तोन्दोंरि सैमैं चबै ल्हागिर बनेइ। छतसि प्रभुलाइ म्हाँदिब्मैंइ क्ह्रोंसेंन्बै ताँ सेबइले धन्‍यबाद पिंसि चलेन् तम्।

१ तिमोथी 5:10

छाबै म्हरेस्योमैं छ्याँबै के लसि छ्याँबै मिं चल्‍दिब धै ह्रोंसए च्‍ह-चमिमैं छेनाले फारब, प्ह्रेंमैंलाज्यै या चब् थुँबर मान लब, थेब् आप्हैंनले बिश्‍वासीमैंए सेवा लब, दुःख तब्‍मैंलाइ ल्होब, छाबै छ्याँबै केमैंर सैं पिंब्मैं तल् त्‍हुम्।

१ तिमोथी 5:22

अरूमैंइ लबै आछ्याँबै केमैंर क्हि सामेल् आतद्। छ्याब आयोंरिगे बिसि प्रभुए के लबै ल्हागिर म्हिमैं त्हाँल् त्हुमा आतुर आतद्। ह्रोंसलाइ पबित्र थेंन्।

१ तिमोथी 5:9

तिब्ले मत्‍त्रे ब्ह्‍या तबै टुच्यु बर्ष कैडोबै म्हरेस्योमैंए मिंमैं मत्‍त्रे सेवा लमिंबर थेंन्।

२ तिमोथी 2:24

प्रभुए सेवा लबै म्‍हि प्‍होंगि लब आत, बरु ताँन् म्हिमैंए फिर ल्हयो लब, छेनाले लोमिंल् खाँब, ह्रिस आखल्‍ले लोदा सैंदा लल् खाँब तल् त्हुम्।

तीतस 2:2

खेब्‍मैंलाइ “सैं फैल् खाँब, छ्याँबै बानि प्‍ह्‍याब, ताँ क्होब, बिश्‍वासर भोंब, ताँनलाइ म्हाँया लब, धै दुःखन् तलेया सैदिल् खाँब तल् त्हुम्,” बिसि लोमिंन्।

हिब्रू 13:2

आगुए ह्‍युलउँइँले खबै ङो आसेबै म्‍हिमैंलासे या प्ह्रेंमैं धोंले मान लद्, तलेबिस्याँ को-कोइइ छले स्‍याँ म्‍हिमैं मान लमा था आसेल्‍ले स्‍वर्गदूतमैंए मान लइमुँ।

हिब्रू 3:14

ङ्योइ ओंसों लब् धोंबै बिश्‍वास लिउँइँ समन् लरिस्याँ, ङ्योइ ख्रीष्‍टने बालुन् परमेश्‍वरजी पिंबै हग योंब्‍मुँ।

१ पत्रुस 4:7

ताँन् सै नुयाबै त्हे तखइमुँ। छतसि प्राथना लल् खाँरिगे बिसि छ्याँबै सैं प्ह्‍यासि न्ह क्रों मि क्रों तरिद्।

१ पत्रुस 4:9

गनगन आलल्‍ले घ्रिइ घ्रिलाइ प्ह्रेंमैं धोंले मान लद्।

१ पत्रुस 5:8

बरु न्ह क्रों मि क्रोंले टिद्, तलेबिस्याँ क्‍हेमैंए शत्तुर दियाबलस बिबै दुष्‍ट खाबलाइ सैसि चब् ङ्‍हे बिसि सिंह धोंले बेल्‍ले थेबै कै तेदै स्युर प्रम्।