१ तिमोथी 2:3 - परमेश्‍वरए ताँ तमु क्युइर

³ ङ्यो जोगेमिंबै परमेश्‍वरए उँइँर चु ताँ बेल्‍ले छ्याँब मुँ।

१ तिमोथी 2:3 ပူးပေါင်းရင်းမြစ်များ

लूका 1:47

ङलाइ जोगेमिंबै परमेश्‍वरने बालु ङ बेल्‍ले सैं तोंम्।

रोमी 14:18

खाबइ छले येशू ख्रीष्‍टए सेवा लमुँ, छाबै म्हिने परमेश्‍वर सैं तोंम्, झाइले चइ म्हिमैंउँइँले या स्‍याबासि योंम्।

फिलिप्पी 1:11

झाइले परमेश्‍वरलाइ मान लसि खीए मिं थेब लबै ल्हागिर येशू ख्रीष्‍टउँइँले योंबै छ्याँबै बानि क्हेमैंने तरिगे।

फिलिप्पी 4:18

ङलाइ चैदिब् भन्दा ल्हें ङइ योंइमुँ। क्‍हेमैंइ इपाफ्रोडिटसने पिमिंबै बेल्‍ले लिंबै थाँ खबै परमेश्‍वरजी खोबै ख्रो धों तबै भेटि योंसि ङ बेल्‍ले सैं तोंइमुँ।

कलस्सी 1:10

च क्होस्याँ क्‍हेमैंइ प्रभुए सैं तोंन् लसि खीजी खोबै छ्ह थोब्मुँ, धै क्‍हेमैंइ ताँन् खालर्बै छ्याँबै के लमा क्‍हेमैं छ्याँबै रो रोबै धुँ धों ततै परमेश्‍वरए ज्ञानर बडिदै ह्‍याब्मुँ।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।

१ तिमोथी 1:1

ङ पावलउँइँले तिमोथीलाइ जय मसीह मुँ। ङ्योलाइ मुक्‍ति पिंबै परमेश्‍वर नेरो ङ्योलाइ क्ह्रोंसेंन्बै आशा पिंबै ख्रीष्‍ट येशूजी बिबइले ङ येशू ख्रीष्‍टजी कुल्मिंबै चेला चिब तइमुँ।

१ तिमोथी 4:10

ङ्योइ खाँन् समा भों लसि छेनाले के लसि छ्ह थोल् त्हुम्, तलेबिस्याँ सोगों परमेश्‍वरए फिर ङ्योइ आशा थेंइमुँ। परमेश्‍वर ताँन् म्हिमैंलाइ, खासगरि खीए फिर बिश्‍वास लब्‍मैंलाइ जोगेमिंबै परमेश्‍वर ग।

१ तिमोथी 5:4

म्हरेस्योमैंल च्‍ह, च्हमि, क्‍वें, क्‍वेंमिं मुँस्‍याँ, चमैंइ ह्रोंसए बाज्यु भुज्‍यूलाइ मान लसि छेनाले सुसार लरिगे, छले चमैंइ ह्रोंसए आबा, आमा नेरो बाज्‍यू भुज्‍यूए भारा फोरिगे, तलेबिस्याँ छाबै केमैं म्रोंसि परमेश्‍वर बेल्‍ले सैं तोंम्।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

हिब्रू 13:16

घ्रिइ घ्रिने छ्याँबै के लब नेरो ह्रोंसने मुँबै सै फा-फु चुब आम्‍लेद्, तलेबिस्याँ छाबै ख्रोमैं म्रोंसि परमेश्‍वर सैं तोंम्।

१ पत्रुस 2:20

तलेबिस्याँ क्‍हेमैंइ आछ्याँबै के लसि आगुइ धोंवासि सैदिस्याँ चुर थेबै ताँ तो तइ रो? आछ्याँबै के लसेरो आगुइ धोंबन् तइगोंन् आङिं वा? दिलेया क्हेमैंइ छ्याँबै के लसेया दुःख भुँदिल् त्हुमा तोइ आङ्हाँनले सैदिस्याँ क्‍हेमैं म्रोंसि परमेश्‍वर सैं तोंम्।

१ पत्रुस 2:5

छतसि क्हेमैं या येशू ख्रीष्‍टउँइँले परमेश्‍वरजी खोबै सैंर्बै ख्रो पिंबै ल्हागिर पबित्र खेगिमैं तसि खोंयोंइ तरिबै पारा धोंले पबित्र प्ल्ह टिबै धिं बनेदै ह्‍याद्।