१ तिमोथी 2:2 - परमेश्‍वरए ताँ तमु क्युइर

² छलेन ङ्योइ ढुक्‍कले परमेश्‍वरए केमैं छेनाले लल् योंरिगे बिसि म्रुँमैं नेरो थे-थेबै पदर मुँब्मैंए ल्हागिरै या प्राथनार परमेश्‍वरने आशिक ह्रिमिंन्।

१ तिमोथी 2:2 ပူးပေါင်းရင်းမြစ်များ

भजनमैं 72:1

ओ परमेश्‍वर, क्हिजी लब् धोंले म्रुँलाइ निसाफ लल् पिंन्, धै क्हिजी ठिक के लब् धोंले म्रुँए च्हलाइ ठिक के लबर लोमिंन्।

हितोपदेश 24:21

ओ ङए च्ह, याहवेहए मान् लद्, धै म्रुँ बिब् ङिंन्, धै याहवेह नेरो म्रुँए बिरोध लब्मैंने आक्ह्रिद्,

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

लूका 2:25

च त्‍हेर यरूशलेम सहरर शिमियोन बिबै म्‍हि घ्रि टिमल। च छ्याँबै के लबै म्‍हि नेरो परमेश्‍वर म्हाँदिबै म्‍हि मुँल, चने बालु परमेश्‍वरए पबित्र प्ल्ह मुँल। इस्राएली म्‍हिमैंलाइ परमेश्‍वरजी जोगेमिंब्मुँ बिसि शिमियोनइ ल्हें बर्ष ओंनोंन् परमेश्‍वरए घ्याँ ङ्ह्‍योरिल।

चेला चिब्मैंए केमैं 10:22

चमैंइ बिइ, “कप्‍तान कर्नेलियसइ ङि चुर कुलब् ग। च छ्याँब सैं प्ह्‍याब नेरो परमेश्‍वर म्हाँदिबै म्हि मुँ, धै ताँन् यहूदी ह्रेंमैंउँइँले मान योंबै म्हि ग। चए धिंर क्हि हुइसि क्हिउँइँले ताँ थेद् बिसि पबित्र स्वर्गदूत घ्रिइ चने बिइमुँ।”

चेला चिब्मैंए केमैं 24:16

छतसि परमेश्‍वर नेरो म्हिमैंए उँइँर खोंयोंन् बिले ङए सैंइ लद् बिब् धोंले ठिक के मत्‍त्रे ङइ लबै भों लरिमुँ।

रोमी 12:18

खाँन् समा ताँनने क्ह्रिसि टिद्।

फिलिप्पी 4:8

ओ अलि-अङाँमैं, आखिरि ताँ चु मुँ: तो ताँमैं क्ह्रोंसेंन्बै मुँ, तो ताँमैं म्हाँदिल् त्हुब मुँ, तो ताँमैं ठिक मुँ, तो ताँमैं बेल्‍ले स्‍वाब मुँ, तो ताँमैंए बारेर छ्याँब बयन तमुँ, तो ताँमैं छ्याँब मुँ, तो ताँर म्हाँया लल् त्हुब मुँ, तो ताँर ल्हयो खल् त्हुब मुँ, अझै छ्याँब लल् त्हुब नेरो थेब लल् त्हुबै ताँ तोइ मुँस्याँ, चु ताँमैं छेनाले मैंन्।

१ थेसलोनिकी 4:11

ङिइ क्हेमैंने ओंसोंन् बिब् धोंले, खाब‍ने या आप्‍होंनु, ह्रों-ह्रोंसए के लरिद्, धै ह्रोंसए के ह्रोंसजीन् लसि ह्रोंसए प्‍हलेर राबै भों लद्।

हिब्रू 12:14

ताँन् म्‍हिमैंने क्ह्रिब भों लद्, धै पबित्रले छ्ह थोबै सैं लद्। छले छ्ह आथोस्‍याँ खाबज्‍यै या प्रभु म्रोंल् आखाँ।