१ थेसलोनिकी 5:19 - परमेश्‍वरए ताँ तमु क्युइर

¹⁹ परमेश्‍वरए प्ल्हजी बिब क्‍हेमैंइ ङिंनु।

१ थेसलोनिकी 5:19 ပူးပေါင်းရင်းမြစ်များ

उत्पत्ति 6:3

छतमा याहवेहजी बिइ, “ङइ म्हिमैंलाइ खोंयोंन् बिलै सोल् पिंरिब् आरे, तलेबिस्याँ म्हि सिल् त्हुब्मुँ। तारेसेरो चमैं प्रसे ङ्हिस्यु बर्ष मत्‍त्रे सोब्‍मुँ।”

भजनमैं 51:11

क्हि ङाँइँले ङ आस्योमिंन्, धै ङ ङाँइँले क्हिए पबित्र प्ल्ह आबोमिंन्।

चेला चिब्मैंए केमैं 7:51

“ओ, आच्योबै म्हिमैं, सारो सैं प्ह्‍‍याब्मैं नेरो न्ह आथेब्मैं! क्हेमैंइ खोंयोंन् बिलै पबित्र प्ल्हए बिरोध लइमुँ। क्हेमैंए खेमैंइ लब् धोंले क्हेमैंज्यै या छान् लइमुँ।

१ कोरिन्थी 14:30

दिलेया चर मुँबै म्हिमैंए न्होंरि खाबलाज्यै या परमेश्‍वरजी “चु ताँ बिद्” बिस्याँ, ओंसों पोंरिबै म्‍हि आपोंरिगे।

एफिसी 4:30

परमेश्‍वरए पबित्र प्ल्हलाइ सैं नल् आलद्। परमेश्‍वरजी आखिरि त्हिंइर स्‍वर्गर बोबै ल्हागिर खीजी क्हेमैंए फिर ह्रोंसए पबित्र प्ल्हजी छाप ल्हैदिइमुँ।

एफिसी 6:16

धै दुष्‍टइ पिबै मि प्हैंइ ह्रोंसलाइ आटबै ल्हागिर खोंयोंन् बिलै परमेश्‍वरए फिर्बै बिश्‍वासर भोंब तरिदु।

१ थेसलोनिकी 5:20

अगमबक्‍तामैंइ पोंबै ताँ फाकर्बै आमैंन्,

१ तिमोथी 4:14

अगमबक्‍तामैंइ पोंब् धोंले चजर्बै एल्डरमैंइ क्हिए क्रर यो थेंसि प्राथना लमा परमेश्‍वरउँइँले क्हिइ योंबै बरदानए हेल आलद्।

२ तिमोथी 1:6

छतसि ङइ क्‍हिए फिर यो थेंसि प्राथना लमा, परमेश्‍वरजी क्हिलाइ पिंबै बरदानमैं आम्‍लेद्। परमेश्‍वरजी पिंबै बरदान अनुसार्बै केमैं क्हिइ लरिद्।